АКШ долларлары. Архив

Дүйнө өлкөлөрүнүн мамкарызынын ИДПга болгон катышы кандай? Кыргызстандын абалы

213
(жаңыланган 18:55 10.01.2019)
Инфографиканы түзүүдө Эл аралык валюта фондусунун маалыматтары колдонулган.

БИШКЕК, 10-дек. — Sputnik. HowMuch изилдөө борбору түрдүү өлкөлөрдүн мамлекеттик карыздарынын ички дүң продукцияга (ИДП) болгон катышын инфографика түрүндө көрсөттү.

Маалыматты даярдоодо Эл аралык валюта фондусунун маалыматтары колдонулган. Ар бир өлкөнүн аймагы мамлекеттик карыздын ИДПга болгон катышына пропорционалдуу келет. Тең салмактуулугу 50 пайыздан ашып кеткен өлкөлөр кызыл менен, андан аздары жашыл менен белгиленген. 

Инфографикадан көрүнүп тургандай мамлекеттик карыздын ИДПга болгон катышы Японияда өтө начар (238 пайыз). Андан кийинки орунда Греция (182 пайыз), Барбадос (157), Ливан (147), Италия (132) жана Эритрея (131) турат.

Ал эми Кыргызстандын мамлекеттик карызынын ИДПга болгон катышы 55 пайыз болгондуктан инфографикада кызыл менен белгиленген. Бул көрсөткүч Өзбекстанда 24 пайыз, Казакстанда 21 пайызды түзгөн.

Эң мыкты көрсөткүч деп Гонконгдуку, Брунея, Эстония жана Соломон аралдарыныкы табылган.

HowMuch.net порталы түрдүү инфографикаларды жасоого адистешкен. Ал эмгектер Data-журналистика боюнча эл аралык конкурстарда мыкты деп табылган.

213
Белгилер:
инфографика, Тышкы карыз, ИДП, Кыргызстан
Тема боюнча
Коррупция менен күрөштөн түшкөн акча кайда жумшалат. Президент жооп берди
Балдарынын миллиардды чапчыган бизнеси. Постсоветтик өлкө башчыларынын уул-кыздары