Соцфонд чогулбай калган 3,5 млрд. сомдун пайызын кечүүнү сунуштоодо

Жазылуу
Мыйзам долбоору биринчи окууга киргизилет.

БИШКЕК, 16-янв. — Sputnik. Социалдык фонддун төрагасы 2018-жылдын 1-январына карата чогулбай калган дээрлик 3,5 миллиард сомдун пайыздарын кечүүнү сунуштап жатат.

Учурда Жогорку Кеңеште "Мамлекеттик социалдык камсыздандыруу боюнча камсыздандыруу төгүмдөрүн төлөөчүлөрдү камсыздандыруу төгүмдөрүн кечиктирип жана (же) толук эмес төлөгөндүгү үчүн эсептелген финансылык санкцияларды жана туумдарды төлөөдөн бошотуу жөнүндө" мыйзам долбоорун карап жатышат. Ал биринчи окууга киргизилет.

Доллары США - Sputnik Кыргызстан
2019-жылы мамлекеттик карызды төлөөгө 28 млрд. сом кетет. Үрөй учурган график
Социалдык фонддун төрагасы Медер Ирсалиевдин айтымында, чогулбай калган 3,5 миллиард сомдун 521 миллион сому өндүрүүгө мүмкүн болбогон карыздар экенин айтты. Карызы бар айрым компаниялар банкрот болуп жабылып же жоюлуп кеткен. Ал эми 2 миллиард 558 миллион сомду өндүрүү мүмкүн.

Ирсалиев негизги карызын төлөгөн компаниялардын, ишканалардын карызына кошулган пайыздарын кечүү сунушталарын белгиледи.

Депутат Кенжебек Бокоев ошол чогултулбай калган каражат боюнча жоопкерчиликке тартылган кызматкерлер же жетекчилердин бар-жогуна кызыкты.

Ирсалиев өз кезегинде башкармалыктардын жыйындарында эски карыздарды өндүрбөгөнү үчүн көп жетекчилерге сөгүш берилип келгенине токтолду.

"2016-жылы Биринчи Май району боюнча бөлүмдүн жетекчиси баш болуп 9 кызматкер иштен алынган", — деди ал.

Андан сырткары, жаңы фактылар боюнча депутатка кат жүзүндө жооп бермекчи болду.

АКШ долларлары. Архив - Sputnik Кыргызстан
Дүйнө өлкөлөрүнүн мамкарызынын ИДПга болгон катышы кандай? Кыргызстандын абалы
Ал эми Бокоев бир да райондун жетекчиси акча чогулбай калганы үчүн иштен кете электигин белгиледи.

"15 жылдап төлөбөй жүргөндөр бар. Силер чогултпайсыңар. Ошондуктан карыз чогултууну мыйзамды бузуп туруп Салык кызматына өткөрүп берип жатасыңар. Социалдык фонд тууралуу мыйзамда тарифтерди чогултуу бул Соцфонддун милдети деп так жазылган", — деп мекемени айыптады.

Өз кезегинде Ирсалиев бул боюнча өкмөттүн токтому бар экенин, иштер ошонун негизинде аткарылып жатканын айтты.

"Биз өзүбүз өткөрүп берип салган жокпуз. Өкмөттүн токтомун аткарып жатабыз. Милдетти өткөрүп берүүдө эч кандай мыйзамдуу тоскоолдук жок, мыйзамга өгөртүүлөр киргизилген", — деди ал.

Ошондой эле бул жаатта иштер жаңы башталганын кошумчалады.

Жаңылыктар түрмөгү
0