Кыргызстан мунайды Казакстандан бажы төлөмүсүз ташуусу ыктымал

© Sputnik / Владимир Астапкович / Медиабанкка өтүүНефтебаза. Архив
Нефтебаза. Архив - Sputnik Кыргызстан
Жазылуу
Келишимдин долбооруна ылайык, Казакстан ички колдонуу үчүн алынган товарлардын тийиштүү көлөмүнө бажы төлөмдөрүн албайт.

БИШКЕК, 21-янв. — Sputnik. Кыргызстан менен Казакстандын жумушчу топтору өкмөттөр аралык мунай жана мунай продуктуларын жеткирүү тармагында соода-экономикалык кызматташуу жаатындагы келишимди талкуулоону баштады. Бул тууралуу Өнөр жай, энергетика жана жер казынасын пайдалануу боюнча мамлекеттик комитетинин маалымат кызматы билдирди.

Сүйлөшүүлөр 21-январда Бишкекте башталды.

"Талкууланып жаткан долбоорго ылайык, казак тарап ички колдонуу үчүн алынган товарлардын тийиштүү көлөмүнө бажы төлөмдөрүн албайт", — деп айтылат маалыматта.

Макулдашуунун ишке ашуусун Кыргызстандын Өнөр жай, энергетика жана жер казынасын пайдалануу боюнча мамлекеттик комитети менен Казакстандын энергетика министрлиги көзөмөлдөйт. Сүйлөшүүлөрдүн экинчи этабы Казакстанда жакынкы убакытта болот.

Жаңылыктар түрмөгү
0