Курулуш иштери. Архивдик сүрөт

Мамлекеттик ипотека берилбей калдыбы? Уюмдун жообу

464
(жаңыланган 18:05 06.02.2019)
Окурмандар менен социалдык тармактын колдонуучулары жыл башынан бери мамлекеттик ипотека ала албай жаткандыктарын айтып арызданышууда.

БИШКЕК, 6-фев. — Sputnik. Жыл башынан бери Мамлекеттик ипотека программасынын алкагында берилип жаткан насыянын көлөмү төмөндөдү. Бул тууралуу Sputnik Кыргызстан агенттигине "Мамлекеттик ипотекалык компания" ААКcынын төрагасы Бакытбек Шамкеев билдирди.

Окурмандар болсо насыя берилбей жатканын айтып арызданышкан.

"Насыялар жүгүртүүдөгү акчалардын эсебинен, тагыраагы, мурда насыя алган адамдар төккөн каражаттын негизинде берилет. Өткөн жумада өнөктөш банктар менен сүйлөштүк. Алар бюджеттик ссудалар түшкөнчө өздөрүнүн каражатынан насыя берип турушат. Бирок массалык негизде эмес", — деди Шамкеев.

Анын айтымына караганда, дагы бир себептердин бири - бюджеттик каражаттын түшө электиги. Быйыл Мамлекеттик ипотекалык компанияга 500 миллион сом берилиши керек болчу. Бул үчүн өкмөттүн токтому керек. Шамкеев документке февралдын аягында кол коюлушу мүмкүн деп болжоду.

Мамлекеттик ипотекалык насыянын максималдуу көлөмү — 3 миллион сом. Коюмдар алгачкы төлөмдү (10-30 пайыз) эске алуу менен 7-11 пайызды түзөт. Төлөп бүтүү мөөнөтү — 15 жылга чейин.

464
Белгилер:
ипотекалык насыя, Кыргызстан, насыя, Мамлекеттик ипотекалык компания
Тема:
Мамлекеттик ипотекалык насыя берүү (62)
Тема боюнча
Бишкекте батирлер арзандайбы? Кыймылсыз мүлк рыногундагы баалар
Мамлекеттик ипотека берүүнү улантууга өкмөт дагы 500 млн. сом тапты
Алча түшүмү. Архив

Кыргызстан азык-түлүктүн жаңы түрлөрүн Кытайга экспорттоону көздөп жатат

114
(жаңыланган 23:48 19.09.2020)
Мамлекет башчы фермерлер Кытайга таза бал, гилас, коон, ун, сүт азыктарын сатууга мүмкүнчүлүк алышканын белгиледи.

БИШКЕК, 19-сен. — Sputnik. Кыргызстан бир катар жаңы азык-түлүктүн түрлөрүн Кытайга экспорттоонун үстүндө аракеттерди көрүп жатат. Бул тууралуу президент Сооронбай Жээнбеков "Биринчи радиого" берген кезектеги маегинде айтты.

Кытайдын тышкы иштер министри Ван Инин жакында эле Кыргызстанга келген иш сапары тууралуу суроого жооп берип жатып, өлкө башчы Кытай Кыргызстан үчүн чоң рынок экенин белгиледи.

"Алар биздин экологиялык таза азыктарыбызга кызыкдар. Биз мына ушул багытты күчөтүү ниетибиз бар экенин билдирдик. Тышкы иштер министри Ван И мырза жардам берерин билдирип, колдоду", — деп белгиледи мамлекет башчы.

Президенттин айтымында, экспорт маселеси Кытайдын төрагасы Си Цзиньпин Бишкекке Шанхай кызматташтык уюмунун саммитине келгенде дагы талкууланган.

"Кытай бизге чектеш, жакын. Бизден өндүрүлгөн азык-түлүктү Кытайдын Кашкар, Синьцзян аймактарына алып киргенге ыңгайлуу. Кытай башчысы "Кыргызстандын продукциясы эл аралык стандартка жооп берет, экологиялык жактан таза" деп, бизде өндүрүлгөн айыл чарба продукциясын тааныштырып, даамын көргөн. Ошондон кийин иш жыла баштады", — деди президент.

Жыл башынан бери КР кайсы мамлекеттерге канча азык-түлүк экспорттоду. Тизме

Жээнбеков фермерлер Кытайга таза бал, гилас, коон, ун, сүт азыктарын сатканга мүмкүнчүлүк алышканын белгиледи. Бирок коронавирус илдети чыккандан улам бул иш токтоп калган.

Президент кошумчалагандай, тиешелүү мамлекеттик органдар Кытайга буурчак, жүзүм, картошка, абрикос, жүгөрү, эт азыктарын жана башка айыл чарба продукцияларын экспорттоо боюнча сүйлөшүүлөр башталды.

114
Белгилер:
экспорт, экономика, Кытай, Сооронбай Жээнбеков
Тема боюнча
Президент Жээнбеков аны сындаган талапкерлер боюнча оюн айтты
Темир жол куруу иштери. Архив

Жээнбеков: Кытай Кыргызстан Өзбекстан темир жолун курууга Россия да кызыкдар

95
(жаңыланган 16:35 19.09.2020)
Өлкө башчы долбоорду ишке ашыруу үчүн учурда Кытай, Кыргызстан, Өзбекстан жана Россия мамлекеттеринин ортосунда (3+1 форматында) сүйлөшүүлөр активдүү жүрүп жатканын белгиледи.

БИШКЕК, 19-сен. — Sputnik. Кытай — Кыргызстан — Өзбекстан темир жолун куруу долбоорун ишке ашырууга Россия дагы катышкысы келип жатат. Бул тууралуу өлкө башчы Сооронбай Жээнбеков "Биринчи радиого" берген маегинде билдирди.

Анын айтымында, бул долбоорду ишке ашыруу үчүн учурда Кытай, Кыргызстан, Өзбекстан жана Россия мамлекеттеринин ортосунда (3+1 форматында) сүйлөшүүлөр активдүү жүрүп жатат.

"Бул долбоор бизге аба менен суудай керек. Аны сөзсүз ишке ашыруу зарыл. Кечээ илдет чыгып, пандемия башталып, чек аралар жабылганда биз оор абалда калдык. Темир жол абдан керек экенин дагы бир жолу көрдүк. Долбоорду ишке ашыруу боюнча эксперттер иштеп жатат. Жалпылап алганда ал долбоорго Кытай тараптын кызыгуусу бар. Темир жол долбооруна Россиянын катышуусу тууралуу да РФ менен сүйлөшкөнбүз. Азыр "Россия темир жолдору" бул маселе боюнча биздин темир жолдор менен тыгыз байланышта иштей баштады", — деди өлкө башчы.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

Эске салсак, 14-сентябрда Кыргызстанга расмий иш сапары менен Кытайдын тышкы иштер министри Ван И келип, өлкө башчы Жээнбеков менен жолугушкан. Анда тараптар аталган долбоор тууралуу да кеп кылганы маалым болгон.

95
Белгилер:
долбоорлор, темир жол, Россия, Өзбекстан, Кытай, Кыргызстан
Тема боюнча
Факты болсо, жаза да болот. Жээнбеков добуш сатып алуу боюнча пикирин айтты
Сооронбай Жээнбеков: кудай алдында, өз абийиримдин алдында тазамын
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү

23
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

23
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды