Жогорку Кеңештин мурдагы төрагасы Асылбек Жээнбеков. Архивдик сүрөт

Экс-төрага ТЭЦти оңдоо боюнча келишим эмнеге бир күндө кабыл алынганын айтты

1888
(жаңыланган 11:58 14.02.2019)
Экс-төрага ошол учурда өкмөттөгүлөр менен өлкө башчысы тездетип бергиле деп шаштырганын айтты.

БИШКЕК, 14-фев. — Sputnik. Жогорку Кеңештин мурдагы төрагасы Асылбек Жээнбеков Бишкек ТЭЦин оңдоо боюнча келишим парламент тарабынан эмне үчүн бир күндө кабыл алынганынын себебин түшүндүрүп берди.

Учурда Жогорку Кеңеш Бишкек ТЭЦинде болгон авариянын себептеринин иликтениши жана оңдоого кеткен 386 миллион доллар боюнча өкмөттүн маалыматын угуп жатат.

Жээнбеков Бишкек ТЭЦин оңдоо боюнча келишимди ак ниет менен чын дилден өлкө башчыларга ишенип колдогонун айтты.

"2013-жылдын 16-июлунда өкмөт контракттык келишимге кол койду. Жогорку Кеңеш анын негизинде кредиттик макулдашуунун долбоорун 9-10-сентябрда үч комитетте карады. Тездетип бергиле, бул келишим керек деп шаштырышкан. Алар ким экенин өзүңөр жакшы билесиңер", — деди Жээнбеков.

Ал ошондой эле Отун-энергетика комитети менен Бюджет жана финансы комитети чечимин чыгарып бергенин кошумчалады. Ал эми келишим боюнча жыйынтыктоочу макулдукту Эл аралык иштер боюнча комитети берген. Аны ошол учурда депутат Каныбек Иманалиев жетектеген.

Жээнбеков өкмөт тарабынан тездетип бергиле деген сураныч менен келишимдин долбоорун Жогорку Кеңеш 9-10-сентябрда карап, 11-сентябрда өкмөт кредиттик макулдашууга кол койгонун белгиледи.

Ал эми Каныбек Иманалиев бул жерде комитеттин бир дагы күнөөсү жок экенин, алар ошол учурдагы жетекчилердин берген сунушуна ишенгенин айтты.

"2013-жылы 9-сентябрда президенттин өкүлү келип үч күндөн кийин Кытайдын президенти келет, тарыхый документке кол коюш керек деди. Ошондо мен кол койбосом, өзүмдү кыргыз элинин душманы катары эсептемекмин. Ошончо акча менен келе жатса, ошого комитеттин башчысы катары каршы болсом. Ал документке мен "жейт" деп кол койгон жокмун да", — деди ал.

Башкы прокурор Өткүрбек Жамшитовдун архивдик сүрөтү
© Пресс-служба президента КР / Султан Досалиев
Иманалиев эл аралык келишим болгону базалык гана келишим болорун, ага андан кийин коштоп жүрүүчү кредиттик жана техникалык келишимге кол койгондор ишке ашырып, аны жөндөп кетиши керектигин белгиледи. Себеби Жогорку Кеңеште отурган 120 депутаттын баары тең финансист же инженер эмес.

2018-жылдын 26-январында кечки саат 18:00дө Бишкек ТЭЦинин эски буу казандарына суу берген куур иштен чыгып, кубаттуулугу 340тан 154 мегаваттка чейин азайтылган болчу. Мындай мүчүлүштүккө коомчулук катуу нааразылыгын билдирген. Аталган факты боюнча кылмыш иши козголуп, бир нече аткаминер сурак берип, камакка алынган. Жакында эле тергөө иштери аяктап, бардык материалдар сотко өткөрүлдү.

1888
Белгилер:
депутат, авария, модернизациялоо, ТЭЦ, Бишкек, Жогорку Кеңеш
Тема:
ТЭЦ боюнча козголгон кылмыш иштер жана кармалгандар (70)
Тема боюнча
ТЭЦ боюнча Жээнбеков да текшерилеби? Коопсуздук кеңешинин жообу
TBEA компаниясына артыкчылык берүүдөн мамлекетке канча зыян келгени айтылды
Доллар акчалары. Архивдик сүрөт

Быйыл мамлекеттик карызды тейлөөгө 18 млрд сомдон ашык акча жумшалды

59
(жаңыланган 10:30 11.08.2020)
Жыл аягында 32 миллиард сом төлөө пландалган, бирок карызды кайтаруунун мөөнөтүн кийинкиге жылдыруу донорлор менен макулдашылды.

БИШКЕК, 11-авг. — Sputnik. 2020-жылдын январь-июль айларынын аралыгында Кыргызстан 18 миллиард 84,4 миллион сомду мамлекеттик карызды тейлөөгө жумшаган. Бул тууралуу Финансы министрлигинин сайтында айтылат.

Адегенде аталган чыгымга 28 миллиард сом коротуу пландалган, бирок доллардын курсунун өсүшү жана башка себептерден улам төлөм дагы 4 миллиардга көбөйгөн.

Өкмөт: Кытай баштаган бир катар өлкө Кыргызстандын карызын сурабай турат

Жети айдын жыйынтыгы менен төмөнкүдөй каражат төлөнгөн:

  • тышкы карыз — 8 миллиард 371,6 миллион сом;
  • ички карыз — 9 миллиард 712,8 миллион сом.

Июнь айынын аягында мамлекеттик карыз 4,8 миллиард долларды түздү. 6-августка карата эл аралык уюмдардан Кыргызстанга 333,3 миллион доллар келген. Насыянын көпчүлүк бөлүгү бюджетти, жеке секторду жана саламаттык сактоо чөйрөсүн колдоого жумшалган.

Июль айында кыргыз өкмөтү дээрлик бардык кредиторлор менен 2020-жылдагы тышкы карызды тейлөө боюнча төлөмдөрдү дагы 3-4 жылга жылдыруу жөнүндө макулдашууга жетишкенин жарыялаган.

59
Белгилер:
Финансы министрлиги, насыя, Тышкы карыз
Тема боюнча
ЕТӨФ кеңеши Кыргызстанга 100 миллион доллар насыя бермей болду
Доллар акчалары. Архивдик сүрөт

ЕТӨФ кеңеши Кыргызстанга 100 миллион доллар насыя бермей болду

176
(жаңыланган 13:28 10.08.2020)
Каражат өкмөт менен Улуттук банктын COVID-19 эпидемиясынын кесепеттерине каршы күрөшүү программасын ишке ашырууга жумшалат.

БИШКЕК, 10-авг. — Sputnik. Евразия турукташтыруу жана өнүктүрүү фондунун (ЕТӨФ) кеңеши Кыргызстанга 100 миллион доллар насыя берет. Бул тууралуу Россиянын Финансы министрлигинин сайтында жазылды.

"Региондук финансылык механизм катары иш алып барган фонд башка эл аралык каржы институттары жана донорлор менен биргеликте катышуучу-мамлекеттерге маанилүү колдоолорду көрсөтүп келет. Бул алардын каржылык туруктуулугун камсыздап, пандемиянын социалдык-экономикалык кесепеттерин жоюу үчүн кризиске каршы улуттук программаларды ишке ашырууга мүмкүнчүлүк берет", — деген Финансы министри жана ЕТӨФ кеңешинин башчысы Антон Силуанов.

Каражат өкмөт менен Улуттук банктын COVID-19 эпидемиясынын экономика, финансы жана социалдык тармактарга тийгизген таасирине каршы күрөшүү программасын ишке ашырууга жумшалат.

Өкмөт: Кытай баштаган бир катар өлкө Кыргызстандын карызын сурабай турат

Евразиялык турукташтыруу жана өнүктүрүү фонду — катышуучу-мамлекеттердин экономикасын колдоодо регионалдык финансылык механизм болуп саналат. Анын каражатын эң көп Белоруссия алган. Аталган өлкөгө 5 миллиард доллар өлчөмүндө эки насыя менен бекитилген. Инвестициялык жана каржылык насыяларды, ошондой эле гранттар түрүндө каржылык колдоолорду Кыргызстандан сырткары Тажикстан менен Армения алып турат.

176
Белгилер:
каражат, насыя, Евразия, Кыргызстан
Тема боюнча
Былтыр банктар элге канча насыяны кандай максатта берген. Сандар
Карабаева: насыя боюнча жеңилдик алгандардын 28%ы соодагер
Ишканалардын дебитордук карызы көбөйдү. Статистика
Карантин аймагында турган кызматкер. Архив

Күйдүргү: Кара-Суунун Тогуз-Булак айылына карантин киргизилди

0
(жаңыланган 19:00 11.08.2020)
Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Бейтаптын абалы канааттандырарлык.

БИШКЕК, 11-авг. — Sputnik. Жергиликтүү тургундардын арасында күйдүргү чыккан Кара-Суу районунун Папан айыл өкмөтүнүн Тогуз-Булак айылына карантин киргизилди. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, карантин 18-августка чейин уланат. Эреже боюнча Тогуз-Булак айылынын тургундары сыртка чыга албайт жана аймакка башкалардын кирүүсүнө тыюу салынат.

"Бөтөнчө ооруган уйду союп, этин алгандар үйдөн чыкпай, өзүн обочолоп отурушу керек. Ошондой эле сырттан мал жандыктарды алып кирүүгө жана чыгарууга болбойт", — деди айыл өкмөттүн башчысы.

Эске сала кетсек, бүгүн, 11-августта, Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Облустук ветеринардык инспекция лабораториялык текшерүү жүргүзүлүп жатканын айткан.

Кыргыз жерине апаат алып келген коркунучтуу 8 эпидемия. Видео

Ал арада Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Учурда бардык бейтаптардын абалы канааттандырарлык, керектүү дарылоону алып жатышат.

Райондо оорунун очогун чектеп, жок кылуу үчүн ыкчам штаб түзүлүп, тиешелүү кызматтар менен жыйын курушкан. Ошондой эле ооруну алдын алуу тууралуу түшүндүрүү иштери жүргүзүлүп жатат.

0
Белгилер:
карантин, оору, күйдүргү, Тогуз-Булак, Кара-Суу району, Ош
Тема боюнча
Тогузбаева: шарп, кутурма, күйдүргү — адам өмүрү үчүн да кооптуу
Оштун Кара-Суусунда сегиз киши күйдүргүгө шектелип ооруканага түштү