Депутат от фракции СДПК Эльвира Сурабалдиева на первом заседании 6 созыва ЖК. Архивное фото

Эмне уктап жатасыңар? Сурабалдиева бензинди 10 сомго арзандатса болорун айтты

7981
(жаңыланган 15:13 21.02.2019)
Эл өкүлүнүн айтымында, Казакстан арзан баадагы бензинди Кыргызстанга ташып келүүгө кызыкдар экенин беш ай мурда айткан.

БИШКЕК, 21-фев. — Sputnik. Парламенттин жалпы жыйынында депутат Элвира Сурабалдиева бензинди 10 сомго чейин арзандатууга мүмкүн экенин айтып, бул боюнча өкмөткө нааразы болду.

Эл өкүлүнүн айтымында, Казакстан арзан баадагы бензинди Кыргызстанга ташып келүүгө кызыкдар экенин беш ай мурда айткан.

"Азыр Казакстанда бензиндин баасы түштү. Бирок ага карабай биздеги баа менен айырма 10-15 сом болуп жатат. "Казмунайзат" улуттук компаниясынын орун басары күзүндө эле Кыргызстан, Өзбекстан жана Тажикстанга 400 миң тонна бензин ташуу планы бар экенин айтыптыр. Ал ошондой эле 2019-жылы бензиндин көлөмүн 1 миллион тоннага жеткиребиз деген, бирок биз эмнегедир кымбат майды колдонуп жатабыз. Эмнеге эконкомика министри элди ойлобойт, бензин 10 сомго арзандаса жаманбы? Буга эмне тоскоол болууда, качан элдин кызыкчылыгын ойлойбуз?! Бул боюнча эмнеге иштебей жатасыңар?" — деп нааразы болду Сурабалдиева.

Буга Олег Панкратов Кыргызстан күйүүчү майды Россиядан аларын, Казакстандын өзүндө дефицит болуп импорттоп жатканын белгиледи.

"Коңшу өлкөдө профицит болгон. Анан биздин өкмөт башчы казак тарап менен 100 миң тонна бензин алып келүү боюнча долбоорду иштеп чыгууну макулдашкан", — деди Панкратов.

Ал эми Өнөр жай, энергетика жана жер казынасын пайдалануу мамлекеттик комитетинин төрагасынын орун басары Жыргалбек Сагынбаев бул долбоор жакын арада ишке кире турганын айтып, учурда эки тараптын Тышкы иштер министрлигинин ортосунда сүйлөшүү жүрүп жатканын белгиледи.

7981
Белгилер:
Күйүүчү май, арзандатуу, бензин, депутат, Элвира Сурабалдиева
Тема боюнча
Майды арзандаткыла! Нефтетрейдерлерге мамлекеттик орган талап койду
Айыл чарба министрлиги фермердин айыптоолоруна жооп берди
Кыргызстандык беш жана бир миң купюралыры. Архив

КР экономикасын 2021-жылы эмне күтүп турат? ЕАБРдин сценарийи

103
(жаңыланган 17:49 26.11.2020)
Келерки жылы дүйнөдө суу май, кумшекер жана буудайга болгон баа ылдыйлап, инфляция 5 пайызга чейин төмөндөшү мүмкүн экени айтылды.

БИШКЕК, 26-ноя. – Sputnik. Келерки жылы Кыргызстандын экономикасын эмне күтүп жатышы ыктымалдыгын Евразия өнүктүрүү банкынын мамлекеттер аралык анализ борборунун улук аналитиги Айгүл Бердигулова билдирди.

Ал Sputnik агенттигинин мультимедиалык маалымат борборунда өткөн Москва — Ереван — Минск — Бишкек — Нур-Султан "ЕАБР өлкөлөрүнүн 2021-жылдагы экономикасы – Кыргызстан үчүн божомол" аттуу видеокөпүрөгө катышты.

Эксперт белгилегендей, төмөндө айтыла турган божомол республикада саясий туруктуулук болгондо гана ишке ашат.

Старший аналитик Центра странового анализа Евразийского банка развития (ЕАБР) Айгуль Бердигулова на видеоконференции на тему Прогноз ЕАБР для экономики Кыргызстана. 26 ноября 2020 года
© Sputnik / Табылды Кадырбеков
Евразия өнүктүрүү банкынын мамлекеттер аралык анализ борборунун улук аналитиги Айгүл Бердигулова
"Биздин божомол боюнча, Кыргызстанда саясий туруктуулук сактала турган болсо өлкө экономикасы 3,7 пайызга өсөт. Бул үчүн чет өлкөдөн которулган каражаттын агымы турукташып, кыргыз-кытай чек арасындагы өткөрмө пунктулары толук кандуу ишке кириши керек", — деди Бердигулова.

Аналитик быйыл сомдун куну төмөндөп кеткендиктен инфляция болгонун белгиледи.

"Дүйнө жүзүндө баалардын өсүшү өлкө ичиндеги азык-түлүктүн баасына таасир этет. Келерки жылы дүйнөдө суу май, кумшекер жана буудайга болгон баа ылдыйлап, инфляция 5 пайызга чейин төмөндөшү мүмкүн", — деди Бердигулова.

Анын айтымында, салык кирешелери төмөндөгөнү менен Кыргызстандагы салык-бюджеттик саясат туруктуу.

Старший аналитик Центра странового анализа Евразийского банка развития (ЕАБР) Айгуль Бердигулова и корреспондент Sputnik Кыргызстан Алимджан Валиев на видеоконференции на тему Прогноз ЕАБР для экономики Кыргызстана. 26 ноября 2020 года
© Sputnik / Табылды Кадырбеков
Евразия өнүктүрүү банкынын мамлекеттер аралык анализ борборунун улук аналитиги Айгүл Бердигулова жана Sputnik Кыргызстандын корреспонденти Алимжан Валиев
"Мамлекет пайда болгон боштукту жабуу үчүн жеңилдетилген насыяларды алды. Бул каражаттан 14 миллиард сомду мамлекет жеңилдетилген кредит берүүгө пайдаланды, бул — ИДПнын 2,4 пайызы. Биздин оюбузча, мындай кадам быйыл ИДПнын 0,2-0,4 пайызга колдоду", — деди ал.

Бердигулова акча-насыялык саясат салыштырмалуу туруктуу экенин белгиледи.

"Коюм 5 пайыздык деңгээлде сакталып калды. Биздин божомол боюнча, келерки жылы деле ушундай деңгээлде болот", — деп кошумчалады адис.

Бердигулова Кыргызстандын экномикасынын төмөндөшүнө себеп болгон төрт факторду атады:

  • чек аралардын жабылышы;
  • мигранттардын акча которуусунун төмөндөшү;
  • туруксуз саясий кырдаал;
  • Кумтөрдөгү алтындын көлөмүнүн азайышы.
103
Белгилер:
кредит, сом, экономика, Кыргызстан
Тема боюнча
Доллар курсу ооздукталбай... Улуттук банк кайра интервенция жасады
Чет элдиктерге кыргыз жарандыгын сатуу сунушталууда. Жаңы мыйзам долбоор
Кытай карыз төлөө мөөнөтүн узартууга макул болуп, кошумча 3 млрд. сом сурады
Акча каражаттары. Архив

2021-жылдын соңунда сомдун баасы кандай болот? ЕАБРдин божомолу

185
(жаңыланган 16:53 26.11.2020)
Адис келерки жылы көпчүлүк чектөөлөр алынып, ЕАБР өлкөлөрүнүн экономикасы акырындык менен калыбына келиши күтүлүп жатканын айтты.

БИШКЕК, 26-ноя. – Sputnik. Евразия өнүктүрүү банкынын (ЕӨБ) көпчүлүк экономикалык валютасынын мындан ары бекемделишине чоң мүмкүнчүлүк бар. Бул тууралуу аталган банктын мамлекеттер аралык анализ борборунун жетекчиси Алексей Кузнецов билдирди. Ал Sputnik агенттигинин мультимедиалык маалымат борборунда өткөн Москва — Ереван — Минск — Бишкек — Нур-Султан "ЕАБР өлкөлөрүнүн 2021-жылдагы экономикасы — Кыргызстан үчүн божомол" аттуу видеокөпүрө учурунда билдирди.

Анын айтымында, бул жылы рынокто өзгөрүлмөлүүлүк жогорку деңгээлде болгон.

"ЕАБР өлкөлөрүнүн валюталары мындан ары бекемделүүгө потенциалы бар. Биздин божомол боюнча, 2021-жылдын аягында рублдин баасы - 74,5, теңге – 424, беларуссиялык рубль – 2,6, армян драмы – 495, кыргыз сому – 83, тажик сомони – 11,5 деңгээлинде кармалат", — деди Кузнецов.

Адис келерки жылы көпчүлүк чектөөлөр алынып, ЕАБР өлкөлөрүнүн экономикасы акырындык менен калыбына келиши күтүлүп жатканын айтты.

Евразия банкынын мамлекеттер аралык анализ борборунун улук аналитиги Айгүл Бердигулова быйыл сомдун баасы болжол менен 20 пайызга арзандаганын билдирди.

"Биздин оюбузча, эгер Улуттук банк азыркыдай валюта саясатын уланта турган болсо, бир доллар 84-85 сомдун тегерегинде болот", — деди ал.

Адистер пандемияга байланыштуу окуянын башкача өнүгүп кетүү мүмкүнчүлүгүн дагы эске алышты. Эгер илдет коркунучу токтобосо, божомолдонуп жаткан өсүү темпи, тескерисинче, төмөндөп кетиши ыктымал.

185
Белгилер:
валюта, баа, сом, доллар, экономика
Тема боюнча
Чет элдиктерге кыргыз жарандыгын сатуу сунушталууда. Жаңы мыйзам долбоор
Кытай карыз төлөө мөөнөтүн узартууга макул болуп, кошумча 3 млрд. сом сурады
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү