Бишкектин унаа транспорту. Архивдик сүрөт

Айдоочуга салынган ар бир айыптан "Кыргыз почтасына" канча сом түшөт?

299
(жаңыланган 17:18 25.02.2019)
Ишкананын өкүлү айып пулдар боюнча маалымат жеткирүү кадимки почта кызматынын наркында болорун айтты.

БИШКЕК, 22-фев. — Sputnik. "Коопсуз шаар" боюнча айыпка жыгылгандарга кагазын жеткирип берүүдөн почтанын канча акча табарын Sputnik Кыргызстан агенттигине "Кыргыз почтасы" мамлекеттик ишканасынын маалымат катчысы Назгүл Раимкулова айтып берди.

Анын маалыматына таянсак, акчаны ишкана которуу жаатында Жол кыймылынын коопсуздугун камсыздоо боюнча башкы башкармалык иш алып барат.

"ЖКККББ менен "Кыргыз почтасынын" ортосунда автоунаа ээлерине салынган айыптар жазылган кагаздарды (токтомдорду) жеткирүү боюнча келишим түзүлдү. Анын негизинде ээсине жеткирилген жана жөнөтүлгөн ар бир токтомдон (алына турган салыктарды кошпогондо) 16 сом түшүп турат", — деп айтып берди маалымат катчы.

Почта өкүлү буга кандай кызматтар кире тургандыгын түшүндүрүп берген.

"Ишкана кабыл алуу, аны иштеп чыгуу, сорттоо жана жеткирүү менен алектенет. Бул 16 сомдун ичине почта кызматкерлерине жеткирип бергени үчүн акча кошуп төлөө жана техникалык жабдуулар менен автоунааларды тиешелүү тетиктер, зарыл болгон каражаттар менен камсыздоо кирет", — деп кошумчалаган Раимкулова.

Ал эми Бишкек шаардык милициясынан буга чейин ызы-чууну жараткан Эреже бузуулар боюнча кодекси кайта жаңыланмайын айып кагаздарын жөнөтпөй тургандыгын айтышкан.

Ички иштер министрлигинин (ИИМ) маалымат кызматынын билдиргенине караганда, кодекстин бир нече пунктуна өзгөртүүлөр киргизилүүдө. Алардын биринде айдоочу айып пулду 15 күндүн ичинде төлөсө, каражаттын өлчөмү эки эсе арзандатылаары көрсөтүлгөн.

ИИМден бул жол менен бардык рулда отургандарга бирдей, айып пулду кыскартылган суммада төлөсүн деген шарт түзүп берүүгө аракет кылып жаткандыктарын айтышкан.

Эске салсак, өкмөт "Коопсуз шаар" долбоорунун алкагында салынган айып пулдардын кайда жумшаларын айткан.

Финансы министрлигинин акчаны адегенде Маалыматтык технологиялар жана байланыш мамлекеттик комитетине бөлөрү айтылган. Ал техникалык операторлорго техникалык коштоо жана "Коопсуз шаар" автоматташтырылган маалыматтык тутумунун колдоосу үчүн эсептешүүгө кетмекчи. Андан кийин ЖКККББнын токтомдорун унаа каражаттарынын ээлерине жеткирүү үчүн почта кызматтарына бөлүнөт. Калган сумма УКМКга, Бишкек шаардын ички иштер башкармалыгына жана жолдордун абалына жооп бере турган тараптарга берилмекчи.

Ал эми андан да ашып калган акчаны өкмөт өзү жөндөөрү кабарланган.

299
Белгилер:
почта, айдоочу, Эреже бузуу жөнүндөгү кодекс, жол эрежеси, айып пул, Бишкек, Кыргызстан
Тема боюнча
"Коопсуз шаардын" камерасын талкаламакчы болгон айдоочунун видеосу
"Коопсуз шаардан" түшкөн айып пулдан кайсы мекемеге канчадан тиет? Тизме
Чүй милициясы: "Коопсуз шаардын" камерасын милиционер талкалоого аракет кылган
Коронавирус менен күрөшкөн медиктер. Архивдик сүрөт

G20 өлкөлөрү коронавирус менен күрөшүүгө 21 миллиард доллар бөлөт

58
(жаңыланган 19:33 06.06.2020)
Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

БИШКЕК, 6-июн. — Sputnik. G20 мамлекеттери коронавирус менен күрөшүүгө 21 миллиард доллар бөлөт. Бул туурасында РИА Новости жазды.

Бул каражаттар вакцина чыгарууга, диагнозду аныктоого, дарылоого жана иликтөөлөрдү жүргүзүүгө жумшалат.

"G20 чакырылган өлкөлөр менен биргеликте COVID-19 пандемиясына каршы күрөшүүнү колдоо боюнча өз күчүн жумшайт. Азыркы тапта G20 мүчөлөрү жана чакырылган өлкөлөр дүйнөдөгү бардык саламаттык сактоо тармагына каржылык колдоо көрсөтүү үчүн 21 миллиард доллар бөлөт", — деп жазылат билдирүүдө.

Бүгүнкү күндө COVID-19 планетадагы бардык мамлекеттерди каптады. Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

58
Белгилер:
G20, каражат, вакцина, коронавирус
Тема:
Кытайдагы жаңы типтеги коронавирус
Тема боюнча
Кыргызстанда өткөн суткада 20 бейтап коронавирустан айыкты
Россияда коронавируска каршы вакцина кийинки жумада чыгып, акысыз берилет
Москвада коронавирустан улам кирген чектөөлөр качан алынары айтылды
Казакстан менен чектешкен “Чоң-Капка” көзөмөл өткөрмө бекети. Архивдик сүрөт

11 эсе көп жыйналды. Таластын башчысы “Чоң-Капкадагы” контрабанда тууралуу айтты

929
(жаңыланган 13:50 06.06.2020)
2017-жылы “Чоң-Капкадан” бир жылда бюджетке 11 миллион сом гана түшкөн. Быйыл төрт айда эле 94,1 миллион сом жыйналганы айтылат.

БИШКЕК, 6-июн. — Sputnik. Талас облусунун Казакстан менен чектешкен “Чоң-Капка” көзөмөл өткөрмө бекетинен былтыр мурункуга салыштырмалуу 11 эсеге көп салык жыйналды. Бул туурасында өкмөттүн Талас облусундагы өкүлү Марат Мураталиев брифинг учурунда билдирди.

Ал акыркы үч жылда “Чоң-Капка” өткөрмө постундагы коррупциялык иштерге каршы күрөшүү максатында бир топ иштер жасалганын белгилеп өттү.

“Өзүңүздөр билесиздер, экспорт-импорттон салык түшө турган облустагы негизги постубуз “Чоң-Капка”. 2017-жылы бул жерден бир жылда бюджетке 11 миллион сом эле чегерилген. 2018-жылы президенттин тапшырмасы менен ошол жердеги коррупциялык иштерге каршы күрөшүүнүн алкагында 41 миллион сом салык чогулттук. Ал эми 2019-жылы 133,9 миллион сомго жеткирдик. Контрабандалык товарларды ташууга бөгөт коюп, бюджетке көп салык жыйноого аракет кылып жатабыз”, — деди Мураталиев.

Мындан сырткары ал быйылкы жылдын төрт айында эле “Чоң-Капкадан” 94,1 миллион сом салык чогултулуп, бул өткөн жылда топтолгон салыктын дээрлик 70 пайызын түзөрүн билдирди.

929
Белгилер:
жыйноо, "Чоң-Капка" көзөмөл өткөрүү жайы, салык, Талас, Марат Мураталиев
Тема боюнча
Бишкекте аткезчилик менен алып келинген бензинди сатуу эмнеге токтобойт? Жооп
Баткен облусунун башчысы аткезчиликтен канча акча өндүрүлгөнүн айтты
. Улуу Британиянын ханзаадасы Уильям  жубайы Кейт Миддлтон менен. Архивдик сүрөт

Тыңчы, волонтёр... Ханзаада Уильямдын жашыруун иштеген кызматтары

0
Ханзаада Уильям былтыркы жылдын апрель айында Улуу Британиянын атайын кызматтарында үч жума иштеп, тажрыйба топтогон. Анда Улуу Британияга террордук уюмдар тарабынан келтирилген коркунучтар жөнүндө кеңири маалымат алган.

БИШКЕК, 7-июн. — Sputnik. Улуу Британиянын ханзаадасы Уильям кризистик кырдаалга кабылган адамдарга жардам берген Shout 85258 ишеним кызматында жашыруун иштеген. Бул тууралуу The Mirror басылмасы жазды.

Ханзаада өзүнөн башка 2 миңге чукул волонтёрлор сыяктуу эле бул жумушка кирүү үчүн атайын даярдыктан өткөн. Shout 85258 ишеним кызматында негизинен этникалык азчылык өкүлдөрүнө жардам берилери айтылат.

Мындан тышкары ханзааданын жубайы Кейт Миддлтон коронавирус күч алган учурда Саламаттык сактоо улуттук кызматынын волонтёрлук программаларына катышканы белгилүү болду. Ал үй изоляциясында жатып, кыйынчылыкка туш болгон адамдарга телефон аркылуу кеңеш берген.

Ошондой эле ханзаада былтыркы жылдын апрель айында Улуу Британиянын атайын кызматтарында үч жума эмгектенип, тажрыйба топтогон. Анда Улуу Британияга террордук уюмдар тарабынан келтирилген коркунучтар жөнүндө кеңири маалымат алган. Кийин Өкмөттүк байланыш борборунун тыңшоо жана маалымат чогултуу бөлүмүндө иштеген.

0
Белгилер:
кызмат, ханзаада, Улуу Британия
Тема боюнча
Гарри падышалык укуктарынан ажыраган соң фамилиясын өзгөртөт