Талаа иштери. Архивдик сүрөт

Элеттеги дыйкандарга 380,2 млн. сомдук жеңилдетилген насыя берилди

206
(жаңыланган 10:27 18.03.2019)
"Айыл чарбасын каржылоо-7" долбоору быйыл февраль айынын ортосунан тарта өз ишин баштаган.

БИШКЕК, 18-мар. — Sputnik. "Айыл чарбасын каржылоо – 7" долбоорун ишке ашыруунун алкагында 380 миллион 167,8 миң сомго жеңилдетилген 946 насыя берилди. Бул туурасында Финансы министрлигинин маалымат кызматы билдирди.

Аталган тизме үстүбүздөгү жылдын 6-мартына карата алынган.

"Айылдык дыйкан-фермерлер өсүмдүк өстүрүүчүлүккө — 52,8 миллион сомго 139, мал чарбачылыкка — 296,9 миллион сомго 796, кайра иштетүүгө жана кызмат көрсөтүүлөргө — 30,4 миллион сомго 11 жеңилдетилген насыя алды", — деп айтылат маалыматта.

Эскерте кетсек, өсүмдүк өстүрүү, мал чарбачылыгы жана айыл чарба продукциясын кайра иштетүүнү жолго салуу максатында өкмөттүн "Айыл чарбасын каржылоо-7" долбоору ишке ашырылган. Анын негизинде февраль айынын ортосунан баштап дыйкан-фермерлерге 6, 8 жана 10 пайыздык чен менен жеңилдетилген насыя бериле баштаган.

Элеттиктерге бериле турчу жеңилдетилген насыянын жол-жобосу менен бул жактан тааныша аласыздар.

206
Белгилер:
айыл чарба, фермер, каржылоо, насыя, дыйкан
Тема боюнча
Сауд Аравия Кыргызстанга 30 млн. доллар берет. Акча эмнеге жумшалат