Дыйкан. Архив

Ишин жаңы баштаган КР бизнесмендерине төмөнкү пайыз менен насыя берилет

207
(жаңыланган 13:11 28.03.2019)
Бүгүнкү күндө фонд тарабынан 310 миллион долларлык долбоорлор жактырылды.

БИШКЕК, 28-мар. — Sputnik. Орус-кыргыз өнүктүрүү фондусу каржылоо системасына жаңы ыкмаларды иштеп чыгууну пландап жатат. Бул тууралуу аталган фонддун төрагасы Эркин Асрандиев билдирди.

Ал Россия президенти Владимир Путиндин Кыргызстанга болгон мамлекеттик сапарына арналган иш-чара учурунда журналисттер менен кезигип суроолорго жооп берди.

Асрандиевдин айтымында, быйыл жаңыдан иш баштаган ишкерлерге фонд тарабынан рынок баасынан төмөнкү баада насыя бериле баштайт.

"Быйыл насыяга бериле турган каражаттын көлөмүн 90 миллион долларга жеткирүүнү пландап жатабыз. Мындан сырткары, 2019-жылы каржылоонун жаңы ыкмалары кирет. Атап айтканда, стартаптарды каржылоо жана капиталга кирүү", — деди Асрандиев.

Ал ошондой эле бүгүнкү күндө фонд тарабынан 310 миллион долларлык долбоорлор жактырылганын кошумчалады.

207
Белгилер:
Кыргызстан, Эркин Асрандиев, бизнес, экономика, Орус-кыргыз өнүктүрүү фонду
Тема боюнча
Дүйнөлүк валюта фонду Кыргызстанга электроэнергияны кымбаттатууну сунуштады
Ишкерлерге пайдалуу делген аймактардагы долбоорлорго сынак уланууда
Нарынбеков: дыйкандар насыяны максаттуу колдонсо көйгөй жаралбайт
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров

Пирназаров: Кыргызстанда криптобиржалардын ишмердүүлүгү көзөмөлдөнөт

6
(жаңыланган 13:44 23.09.2021)
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров Кыргызстанда криптобиржалардын ишмердүүлүгү тууралуу жобо иштелип чыккандыгын айтты.

Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы. Мындай пикирин Марат Пирназаров Sputnik Кыргызстан радиосунун эфиринде маек куруп жатып билдирди.

Пирназаров: Кыргызстанда криптобиржалардын ишмердүүлүгү көзөмөлдөнөт

Анын айтымында, аталган багытта шарт түзүү аркылуу көп киреше табуу мүмкүнчүлүгүн жаратса болот.

"Кыргызстанда криптобиржаларга укуктук талаа түзүү үчүн аракеттер жүрүп жатат. Финансы рыногун жөнгө салуу жана көзөмөлдөө боюнча мамлекеттик кызматка криптобиржалардын ишмердүүлүгүнө шарт түзүү максатында тиешелүү укуктук ченемдик актыларды иштеп чыгуу тагылган. Ушул жылдын 27-майында Экономика жана финансы министрлигинин буйругу менен мекемелер аралык жумушчу топ түзүлүп, бул тармакты билген адистер менен биргеликте жобо иштеп чыктык. Жобо министрлер кабинетинин кароосуна киргизилип, макулдашуу иштери жыйынтыкталууда. Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы", — деди Пирназаров.

Ошондой эле адис криптоактивдер менен ишмердүүлүгүн жүргүзгөндөр санариптик биржалар боюнча билим алып коюусу керектигин кошумчалады.

6
Белгилер:
Марат Пирназаров, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты
Азия өнүктүрүү банкы. Архив

Азия өнүктүрүү банкы Кыргызстандын экономикасы тууралуу божомолун жарыялады

105
(жаңыланган 13:04 23.09.2021)
Пандемиянын жаңы толкуну кайталанса же вакцинациялоо темпи жай жүргүзүлсө экономика артка кетери эскертилген.

БИШКЕК, 23-сен. — Sputnik. Кыргызстандын экономикасы 2021-жылдын экинчи жарымында калыбына келет, бирок коронавирус пандемиясынын кесепети сакталып калчудай. Бул туурасында Азия өнүктүрүү банкынын отчетунда жазылган.

Өлкө экономикасынын өсүү деңгээли быйыл 3,5 пайызга, кийинки жылы 5 пайызга жетери болжолдонууда. Деген менен пандемиянын жаңы толкуну кайталанса же вакцинациялоо темпи жай жүргүзүлсө экономиканы артка тартуу ыктымалдуулугу жараларын эскерткен. Аны менен катар чек аралар толук ачыла электиги, авиакаттамдар жана жол кыймылы жарым-жартылай жанданганы, ал эми ишкердик чөйрөнүн ишеними төмөн бойдон турганы белгиленген.

"Азык-түлүк баасынын инфляциясы жогору. Буга ташып келүү чынжырчасы жай темп менен жанданып, улуттук валютанын курсу долларга карата 2020-жылдан бери 20 пайызга түшүп кетиши таасир этти. Азык-түлүктүн баасы туруктуу жана ыкчам түрдө өсүп жатканын эске алуу менен Азия өнүктүрүү банкы 2021-жылы инфляция 10 пайызга жетерин, кийинки жылы 7 пайызга түшөрүн божомолдойт", — деп жазылат маалыматта.

Отчетто көрсөтүлгөндөй, 2021-жылдын биринчи кварталында учурдагы операциялардын эсебинин дефицити ички дүң продукциянын 4,6 пайызын түзгөн. Экспорт 9,5 пайызга кыскарган, анын басымдуу бөлүгүн алтын жана башка металлдар түзгөн. Ал эми машина, жабдуу, кийим, кумшекер көп ташылганына байланыштуу жалпы импорттун көлөмү 40,2 пайызга өскөн. Буга былтыркыга караганда 41 пайызга жогорулаган акча которуулар да өбөлгө болгон.

Азия өнүктүрүү банкы 2020-жылы майда кыргыз бийлигине пандемиянын кесепетин жоюу жана социалдык-экономикалык шарттарды жакшыртууга жардам берүү үчүн 50 миллион долларлык кредит жана грант берилгенин белгилеген. Ошондой эле саламаттык сактоо системасын чыңдоого чукул жардам көрсөтүү максатында 20 миллион доллар бөлүнгөнү кошумчаланган.

105
Белгилер:
Кыргызстан, экономика, божомол, Азия өнүктүрүү банкы
Тема боюнча
Акчаны кайсы валютада сактаган оң? Жөнөкөй, бирок маанилүү кеңеш
Олимпиада оюндарынын күмүш байге ээси Айсулуу Тыныбекова. Архив

Айсулуу Тыныбекова көпчүлүк көрө элек сүрөттөрүн жарыялады

59
Сүрөткө Айсулуу күздүн күнү түркүн түскө боелгон кайың токойдон түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

БИШКЕК, 23-сен. — Sputnik. Олимпиада оюндарынын күмүш байге ээси Айсулуу Тыныбекова Facebook социалдык тармагы аркылуу кырызстандыктарды Мамлекеттик тил күнү менен куттуктап, улуттук кийим кийген сүрөттөрүн жарыялады.

"Баарыңыздарды бүгүнкү Мамлекеттик тил күнү менен чын жүрөктөн куттуктайм."Эне тили болбосо, аты аталбайт улуттун" дегендей, кыргыз тилинин тарыхы — бул биздин элибиздин тарыхы. Бүгүнкү күндө тил маселеси  мамлекетибиздин негизги багыттарынан болуп эсептелет. Келгиле достор, кыргыз тилинде сүйлөшүп эне тилди өнүктүрөлү!" — деп жазды спортчу кыз.
Посмотреть эту публикацию в Instagram

Публикация от Tynybekova Aisuluu (@tynybekova.aisuluu)

Сүрөткө Айсулуу күздүн күнү түркүн түскө боелгон кайың токойдун ичинен түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

Тыныбекованын постуна бир нече мүнөт ичинде жүздөгөн колдонуучулар "лайк" басып, комментарийлерди жазып жатышат.

59
Белгилер:
Айсулуу Тыныбекова, пост, сүрөт, майрам, куттуктоо
Тема боюнча
Эч кандай акция уюштурган жокмун! Тыныбекова фейк аккаунт ачылганын айтты
Камкордук керек. Жапаров элди Мамлекеттик тил күнү менен куттуктады