Нарын каскадындагы ГЭС 100 млн. долларга жаңыланмай болду

Жазылуу
Жаңыланган ГЭСтин кубаттуулугу 180 мегаваттан 216 мегаваттка чейин көбөйөт.

БИШКЕК, 29-мар. — Sputnik. Азия өнүктүрүү банкы (АӨБ) Үч-Коргон ГЭСин модернизациялоо үчүн 100 миллион доллар бөлүүнү чечти. Бул тууралуу банктын Кыргызстандагы өкүлчүлүгүнүн маалымат кызматы билдирди.

ГЭС. Архив - Sputnik Кыргызстан
Россиялык компаниялар Кыргызстанда кичи ГЭСтерди курууга кызыкдар
Үч-Коргон — Нарын каскадындагы алты ГЭСтин эң эскиси. Аталган гидроэлектрстанция 1962-жылы колдонууга берилип, андан бери модернизацияланган эмес. Жаңыланган ГЭСтин кубаттуулугу 180ден 216 мегаваттка чейин көбөйөт. Ошондой эле болоттон жасалган гидротехникалык курулуштар менен плотина бекемделип, чогулуп калган калдыктар тазаланат. Бул өз кезегинде ГЭСтин гидромеханикалык жабдууларынын туура иштөөсүн камсыздайт.

"Азия өнүктүрүү банкы берип жаткан каржылык жардамдын 60 миллион доллары насыя, 40 миллион доллары грант түрүндө болот", — деп айтылат маалыматта.

АӨБ белгилегендей, Кыргызстан гидроэнергетикалык мүмкүнчүлүгүнүн 10 пайызын гана колдонот.

Жаңылыктар түрмөгү
0