Финансы полициясынын имараты. Архив

Финпол атайын эсепке 30 млн. сом которду

121
(жаңыланган 14:24 01.04.2019)
Мекеме жалпысынан өлкө казынасына 526 миллион 881 миң 859 сом кайтарган.

БИШКЕК, 1-апр. — Sputnik. Экономикалык кылмыштарга каршы күрөшүү боюнча мамлекеттик кызматы бирдиктүү депозиттик эсепке 29 миллион 988 миң 871 сом өлчөмүндө каражат которду. Бул тууралуу аталган ведомстводон кабарлашты.

Маалыматка караганда, жалпы жонунан Финполдун атайын эсепке кайтарган каражаты 526 миллион 881 миң 859 сомду түздү.

Эске салсак, атайын эсеп ачуу боюнча буйрукка президент 16-майда кол койгон.

121
Белгилер:
атайын эсеп, финансы полициясы
Тема боюнча
Кыргызстандагы коррупциялашкан ведомстволордун тизмеси чыкты. Жарандык рейтинг
3,9 млрд. сом керек. Өкмөт кабыл алган программалардын тизмеси жана максаты
Жүк ташуучу унаа. Архив

Баткенде аткезчиликке бөгөт коюу үчүн мобилдүү топтор иштеп жатат

140
(жаңыланган 17:47 03.03.2021)
Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүүдө.

БИШКЕК, 3-мар. — Sputnik. Баткен облусунун чек аралаш аймактарында мобилдүү топтор иштеп, аткезчиликке каршы күрөш күчөтүлдү. Бул тууралуу өкмөттүн Баткен облусундагы өкүлүнүн маалымат кызматы билдирди.

УКМК, чек ара, салык, милиция, бажы, экономикалык кылмыштуулукка каршы күрөшүү кызматынын, ӨКМдин облустук башкармалыгы жана аймактык экологиялык жана техникалык коопсуздук боюнча башкармалыгынын адистеринен түзүлгөн мобилдүү топтор аткезчилик тобокелчилиги жогору болгон аймактарда атайын мониторинг жүргүзүүдө.

"Кечээ, 2-мартта, мобилдүү топ Лейлек районунун чек арадагы Жаңы-Жер айыл аймагынын Арка айылында, кыргыз-тажик чек арасынан өткөн Исфара — Худжанд жолунун боюнда жайгашкан (аталган жол Кыргызстандын аймагы аркылуу да өтөт) Кыргызстанга тийиштүү май куюучу жайларга (АЗС) кароо жүргүзүштү", — деп айтылат маалыматта.

Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүп, иштебей турган жайлардын ээлерине мыйзамсыз иш-аракеттерден алыс болууну эскертишкен.

Белгилеп кетсек, эл арасында иштебей турган май куюучу жайлар кошуна мамлекеттерге аткезчилик жол менен күйүүчү май саткан учурлар жөнүндө такталбаган маалыматтар айтылып келет.

Аймактык салык кызматынын маалыматына ылайык, Исфара — Худжанд жолунун боюнда эле Кыргызстанга тийиштүү 26 май куюучу жай жайгашкан. Анын ичинен бүгүнкү күндө салык кызматы тарабынан мунай заттарды берүүнүн автоматташтырылган электрондук системасына (АСУ) туташкан 17 АЗС иштеп жатат.

Ал эми калган 9 АЗС АСУ системасына туташпагандыктан салык кызматы тарабынан жабылган.

Лейлек районунда жалпы 73 май куюучу жай катталган. Учурда анын 42си АСУ системасына туташтырылып, иштеп жатат. 25 салык кызматы тарабынан жабылып, дагы алтоо ишке жараксыз экендиги аныкталган.

Белгилей кетсек, 1-мартта өкмөттүн облустагы ыйгарым укуктуу өкүлү Өмүрбек Суваналиев облустун күч түзүмдөрү менен кеңешме өткөргөн. Анда аткезчиликке каршы күрөштү күчөтүү боюнча тапшырмаларды коюп, мыйзамсыз иш-аракеттерге токтоосуз чара көрүү талабын айткан.

Ошондой эле ыйгарым укуктуу өкүлдүн аткезчиликке каршы күрөшүү боюнча мониторинг жүргүзүү тууралуу атайын буйругу чыкты.

140
Белгилер:
мобилдик топ, аткезчилик, чек ара, Баткен
Тема боюнча
Баткен: 2020-жылы аткезчиликтен казынага 10 миллион сомдон ашык каражат түштү
Айыл чарба өсүмдүктөрүн экспертизалоо департаментинин директору Таалайбек Айдаралиев

Айдаралиев: дотация менен берилген үрөндүн сапатына кепилдик берилет

27
Айыл чарба өсүмдүктөрүн экспертизалоо департаментинин директору Таалайбек Айдаралиев учурда республика боюнча 58 миң тонна үрөн керектелсе, ошонун 26 миңи текшерүүдөн өтүп даярдалганын маалымдады.
Айдаралиев: дотация менен берилген үрөндүн сапатына кепилдик берилет

Дотациялык үрөндүн сапатына аны саткан инспекция кепилдик берет. Бул тууралуу Таалайбек Айдаралиев Sputnik Кыргызстан радиосуна маек куруп жатып билдирди.

Анын айтымында, кардын жазга жетпей эриши дыйкандардын айдап-себүү иштерине эрте даярдануусуна түрткү болгон.

"Мындан тышкары, былтыр үрөндүн 30 пайызын дотациялоонун алкагында 2 миң 300 тонна үрөндү элге таратканбыз. Быйыл дагы 17 миллион сомго 1600 тонна үрөн даярдалып таратылууда. Быйыл керектелүүчү үрөндүн 20 пайызы былтыркы күздөгү түшүм. Башкача айтканда, сапаттуу үрөн дыйкандар аркылуу дагы таратылууда. Бул жерден үрөндүн сапаты боюнча суроо жаралышы ыктымал. Үрөн инспекциясынан сертификат алган үрөндүн түшүмүнө кепилдик берилет. Болгону анын тийиштүү документи болушу шарт. Ошондой учурда комиссия жиберилип, тийиштүү экспертиза жүргүзүлөт. Эгерде үрөндөн кемчилик болуп түшүм начар болуп калса, аны саткан инспекция жооп берет", — деди Айдаралиев.

Аткаминер дотациялоо боюнча долбоор 2-3 жыл ушундай темп менен көбөйсө, анда 3-4 жылда жалпы Кыргызстанды сапаттуу үрөн менен камсыздоого мүмкүн болорун кошумчалады.

27
Белгилер:
дыйкан, айыл чарба, үрөн, Таалайбек Айдаралиев
Тема боюнча
Баткенде айыл чарбаны өнүктүрүүгө жеңилдетилген насыя бериле баштады
Вид на Капитолий через забор с колючей проволокой во время второго судебного процесса по импичменту бывшего президента Дональда Трампа в Вашингтоне (США). 10 февраля 2021 года.

АКШ демократия үчүн дүйнөдөгү режимдерди күч менен кулатканын моюндады

0
(жаңыланган 13:12 04.03.2021)
Мамлекеттик катчы Американын буга чейинки күч колдонгон аракеттери күтүлгөн натыйжа алып келе албаганын белгиледи.

БИШКЕК, 4-мар. — Sputnik. АКШ бийлиги демократияны жайылтуу максатында аскерий кийлигишүү аркылуу күч менен башка мамлекеттердеги режимдерди кулатууну токтотот. Мындай билдирүүнү АКШнын мамлекеттик катчысы Энтони Блинкен тышкы саясатка байланышкан брифинг учурунда жасады. https://www.youtube.com/watch?v=DPoA4wz8jPc (2:12:05 мүнөттөрдөн баштап)

Анын айтымында, демократияны кымбатка турган аскерий кийлигишүүлөр аркылуу жайылтуу же авторитардык режимдерди күч менен кулатуу аракеттери күтүлгөн натыйжа берген жок.

"Биз мындан ары демократияны жайылтууда көп каражатты талап кылган аскерий кийлигишүү же авторитардык режимдерди күч менен кулатуу ыкмасын колдонбойбуз. Мындай тактиканы биз буга чейин колдонуп көргөнбүз. Жакшы ниетке карабастан, андан майнап чыккан жок", — деген мамлекеттик катчы.

Ал белгилегендей, эми Вашингтон муну "башкача жол аркылуу жасайт".

"Биз башка мамлекеттерге үлгү көрсөтүү менен демократияны жайылтабыз жана демократиялык өзгөрүүлөргө барган өнөктөштөрдү сыйлайбыз", — деп кошумчалаган ал.

Financial Times басылмасы белгилегендей, Жо Байдендин администрациясы мурунку президент Дональд Трамптын обочолонуу жана улутчулдук позициясынан айырмаланган, жаңы тышкы саясатты курууну көздөп жатат.

https://www.ft.com/content/1ccbc461-28e1-431b-8109-8bfe21779350

Байдендин башкаруусундагы АКШ дүйнөдөгү алдыңкы позицияда калууга аракет кылат. Мындан сырткары, башка өлкөлөрдүн ишине кийлигишкен "глобалдык полициячы" катары иш алып барат деген айыптоолордон арылууга аракет кылат.

 

0