Башкы прокуратура атайын эсепке 5 млн. сом которду
БИШКЕК, 2-апр. — Sputnik. Башкы прокуратура коррупцияга каршы күрөшүүдөн түшкөн 5 миллион сомду атайын эсепке которду. Бул тууралуу аталган ведомстводон билдиришти.
Маалыматка караганда, жалпы жонунан Башкы прокуратуранын атайын эсепке кайтарган каражаты 373 миллион 764 миң 578 сомду түздү.
Эске салсак, атайын эсеп ачуу боюнча буйрукка президент 16-майда кол койгон.
Белгилер:
- Тема боюнча
- Финпол атайын эсепке 30 млн. сом которду
Жүк ташыган унааларга навигациялык пломба коюу долбоорунун мөөнөтү узарды
(жаңыланган 12:56 19.01.2021)
Жүк ташуучулардын пилоттук долбоорго катышуусу ыктыярдуу жана акысыз негизде ишке ашырылат. Навигацияны колдонгон айдоочуларды жолдо кошумча текшерүүгө жол берилбейт.БИШКЕК, 19-янв. — Sputnik. Кыргызстандан Казакстанга, Россияга жана тескери багыт боюнча автоунаалар менен өткөрүлүүчү товарларга мониторинг жүргүзүү боюнча пилоттук долбоордун мөөнөтү узартылды. Бул тууралуу Мамлекеттик салык кызматы маалымдады.
Тийиштүү чечимге Кыргызстан менен Казакстандын салык органдарынын жетекчилери кол коюшту. Ага ылайык, пилоттук долбоордун мурдагы мөөнөтү 2020-жылдын 10-декабрына чейин болсо, эми 2021-жылдын 10-мартына чейин узартылды.
"Ушул мезгилде Кыргызстандан Казакстанга, Россияга жана тескери багыт боюнча товарларды ташууда өзү алып өтүүчү товарлардан тышкары автоунаа каражатынын жүк турган бөлүктөрүнө навигациялык пломба илинет. Жети мүнөттөн ашпаган убакытты талап кылган жол-жобо Казакстандын Финансы министрлигинин мамлекеттик кирешелер комитетинин кызматкерлери тарабынан жүзөгө ашырылат", — дешти салыкчылар.
Ташуучулардын пилоттук долбоорго катышуусу ыктыярдуу жана акысыз негизде болот. Ошол эле учурда өткөрмө пунктуларында, атайын бөлүнгөн жерлерде жана жолдордо навигациялык пломбалары бар жүк ташуучуларды көзөмөлдөөнүн кошумча түрлөрүн жүргүзүүгө жол берилбейт.
Пандемияда кыйналган Жалал-Абаддын 65 айылын өнүктүрүүгө инвестиция тартылды
БИШКЕК, 19-янв. — Sputnik. Жалал-Абад облусунда 65 айылга инвестициялык каражат тартылат. Бул туурасында өкмөттүн аталган облустагы өкүлчүлүгүнүн маалымат кызматы билдирди.
"CASA-1000 жергиликтүү коомчулукту колдоо үчүн кошумча каржылоо" жаңы долбоорунун алкагында кыргыз өкмөтү менен Дүйнөлүк банктын ортосундагы атайын каржылык макулдашуу жүргүзүлгөнү айтылат.
Бул багытта өткөн жыйынга облус жетекчиси Абсаттар Сыргабаев, долбоордун уюштуруучулары жана жергиликтүү бийлик башчылары катышкан.
"Каражат COVID-19 пандемиясында жабыркаган айылдардын социалдык-экономикалык абалын жакшыртууга багытталат. Биринчи этаптагы жумуштар Сузак, Базар-Коргон жана Ноокен районундагы тандалган айылдарда жасалат. Мында медициналык мекемелердин абалын жакшыртууга басым жасалмакчы. Каражатты пайдаланууда жергиликтүү тургундардын көйгөйлөрү менен сунуштары да эске алынат", — деп айтылат маалыматта.
Долбоор АРИС аркылуу 2024-жылга чейин иштеп, Жалал-Абад, Ош жана Баткен облустарынын 151 айыл аймагын камтыйт. Жалпы бюджети 21 миллион доллар, анын 50 пайызы грант түрүндө эсептелет.
Бишкекте православдар Крещение майрамын белгилешти. Чиркөөдөн сүрөттөр
Салт боюнча Крещение майрамы сыйынуу менен башталат. Жыл сайын Крещениеден бир күн мурун православдардын чиркөөсүндө ыйык сууну келгендерге чачуу жөрөлгөсү жасалат. Андан соң Чүй облусундагы сууга чөмүлүп чыгышат.
Крещение майрамын ыйык Рождестводон кийин (6-18-январь) белгилешет. Ыйык Жазууларга ылайык, Иисус атайын Галилеядан Иордан дарыясына келип сууга түшүп кетчү.
© Sputnik / Табылды КадырбековСүрөттөр православ христиандарынын Бишкектеги чиркөөсүнөн тартылды
© Sputnik / Табылды КадырбековКудайга сыйынып жаткан аял
© Sputnik / Табылды КадырбековПравославдардын ишенимине ылайык, сыйынуу шам жагуу менен башталат
© Sputnik / Табылды КадырбековДин кызматкери зыярат учурунда
© Sputnik / Табылды КадырбековКрещение майрамын Кудайга тилек айтуу менен баштайт
© Sputnik / Табылды КадырбековМайрамды белгилөө маалында дагы санитардык нормалар эске алынып, бет кап тагынып келгендер болду
© Sputnik / Табылды КадырбековЖыл сайын Крещениеден бир күн мурун православдардын чиркөөсүндө ыйык сууну келгендерге чачуу жөрөлгөсү жасалат
© Sputnik / Табылды КадырбековКрещение майрамы ыйык Рождестводон кийин (6-18-январь) белгиленет
© Sputnik / Табылды КадырбековКрещение майрамынын экинчи атын Богоявление деп атап коюшат
© Sputnik / Табылды КадырбековЫйык Жазууларга ылайык, Иисус атайын Галилеядан Иордан дарыясына келип ыйык сууга түшүп кетчү
© Sputnik / Табылды КадырбековЧиркөөнүн кызматкери келгендерге ыйык суу чачууда
© Sputnik / Табылды КадырбековКрещение майрамынын жөрөлгөлөрү 19-январга караган түнү өттү