Айыл чарба, тамак-аш өнөр жайы жана мелиорация министри Нурбек Мурашев. Архивдик сүрөт

Министр Мурашев картошка 9 сомго чейин көтөрүлгөнүн айтты

384
(жаңыланган 20:09 09.04.2019)
Чиновник бүгүн Facebook аркылуу түз эфирге чыгып, элдин суроолоруна жооп берди.

БИШКЕК, 9-апр. — Sputnik. Айыл чарба, тамак-аш өнөр жайы жана мелиорация министри Нурбек Мурашев Ысык-Көл менен Нарын облустарында картошканын баасы жогорулап, 8-9 сомго чейин жеткенин билдирди.

Министр бүгүн Facebook аркылуу түз эфирге чыгып учурдагы кырдаал боюнча маалымат берип, элдин суроолоруна жооп берди.

"Чынында быйыл картошка боюнча көйгөй жаралды. Бирок учурда баа жогорулап 8-9 сомго чейин көтөрүлгөнү байкалууда. Чет мамлекеттен келип Ысык-Көл менен Нарындан алып кетип жатышат. Журналист жигит келип  картошка чирип кеткени боюнча айткан эле. Мен кайсы дыйкандын картошкасы чириген болсо өзүм жардам берейин дегем. Бирок андай көйгөй болгон жок. Негизи эле алган түшүмдүн 10 пайызы бузулат. Бардык жерде ошондой", — деди Мурашев.

Мындан сырткары, ал быйыл Кыргызстанда 81 200 гектар жерге картошка эгилгенин белгиледи. Бул былтыркыга салыштырмалуу 2800 гектарга аз. Кыскартуулар Ысык-Көл менен Нарын облусунда болгон.

384
Белгилер:
баа, Картошка, Айыл чарба жана мелиорация министрлиги, Нурбек Мурашев
Тема боюнча
Министр: айыл чарба продукциясынын 11 түрүн өндүргөндөр жеңилдетилген насыя алат
Доллар акчалары. Архивдик сүрөт

ЕТӨФ кеңеши Кыргызстанга 100 миллион доллар насыя бермей болду

126
(жаңыланган 13:28 10.08.2020)
Каражат өкмөт менен Улуттук банктын COVID-19 эпидемиясынын кесепеттерине каршы күрөшүү программасын ишке ашырууга жумшалат.

БИШКЕК, 10-авг. — Sputnik. Евразия турукташтыруу жана өнүктүрүү фондунун (ЕТӨФ) кеңеши Кыргызстанга 100 миллион доллар насыя берет. Бул тууралуу Россиянын Финансы министрлигинин сайтында жазылды.

"Региондук финансылык механизм катары иш алып барган фонд башка эл аралык каржы институттары жана донорлор менен биргеликте катышуучу-мамлекеттерге маанилүү колдоолорду көрсөтүп келет. Бул алардын каржылык туруктуулугун камсыздап, пандемиянын социалдык-экономикалык кесепеттерин жоюу үчүн кризиске каршы улуттук программаларды ишке ашырууга мүмкүнчүлүк берет", — деген Финансы министри жана ЕТӨФ кеңешинин башчысы Антон Силуанов.

Каражат өкмөт менен Улуттук банктын COVID-19 эпидемиясынын экономика, финансы жана социалдык тармактарга тийгизген таасирине каршы күрөшүү программасын ишке ашырууга жумшалат.

Өкмөт: Кытай баштаган бир катар өлкө Кыргызстандын карызын сурабай турат

Евразиялык турукташтыруу жана өнүктүрүү фонду — катышуучу-мамлекеттердин экономикасын колдоодо регионалдык финансылык механизм болуп саналат. Анын каражатын эң көп Белоруссия алган. Аталган өлкөгө 5 миллиард доллар өлчөмүндө эки насыя менен бекитилген. Инвестициялык жана каржылык насыяларды, ошондой эле гранттар түрүндө каржылык колдоолорду Кыргызстандан сырткары Тажикстан менен Армения алып турат.

126
Белгилер:
каражат, насыя, Евразия, Кыргызстан
Тема боюнча
Былтыр банктар элге канча насыяны кандай максатта берген. Сандар
Карабаева: насыя боюнча жеңилдик алгандардын 28%ы соодагер
Ишканалардын дебитордук карызы көбөйдү. Статистика
Биринчи вице-премьер Алмазбек Баатырбеков

Баатырбеков: күз-кышта ооруканалардын жылуу болушуна өзгөчө көңүл бурулууда

85
(жаңыланган 22:09 08.08.2020)
Өкмөт өкүлүнүн айтымында, быйыл суу сактагычтарда суу аз болгондуктан жана коронавирус дагы деле мизин кайтара электигине байланыштуу даярдыктар дыкат жүргүзүлүшү керек.

БИШКЕК, 8-авг. — Sputnik. Биринчи вице-премьер Алмазбек Баатырбеков саламаттык сактоо системасын жылытуу мезгилине даярдоо биринчи орунда экендигин билдирди. Бул тууралуу өкмөт кабарлады.

Ага ылайык, Баатырбеков күз-кыштагы жылытуу маалына экономика чөйрөсүн жана калкты даярдоо маселеси боюнча жыйын курган. Анын айтымында, быйыл суу сактагычтарда суу аз болгондуктан жана коронавирус дагы деле мизин кайтара электигине байланыштуу даярдыктар дыкат жүргүзүлүшү керек.

Кышында эл жарыксыз калбайбы? Жээнбековдун актуалдуу суроого жообу

"Ар бир мамлекеттик жана муниципалдык мекемелер жылытуу сезону даяр болушу шарт. Анын ичинде ооруканалар, өзгөчө реанимациялык жана операциялык бөлүмдөр электр энергиясынын кошумча булагы менен камсыздалууга тийиш. Медициналык мекемелердин бардыгы кышка кандай даярдык көрүп жатканы боюнча маалыматтар берилип турушу зарыл", — деп айтылат маалыматта.

Биринчи вице-премьер жылытуу маселелеринде облус жетекчилеринин жоопкерчилиги да чоң экендигин эскерткен.

Мындан тышкары Өнөр жай, энергетика жана жер казынасын пайдалануу мамлекеттик комитетине электр энергиясын көп көлөмдө керектөөчү объектилерди альтернативдик отунга өткөрүү мүмкүнчүлүгү боюнча иштерди жүргүзүүнү тапшырган.

85
Белгилер:
оорукана, даярдык, жылытуу маалы, жыйын, өкмөт, Алмазбек Баатырбеков
Тема боюнча
Жээнбеков: аймактарда ооруканалар эски, аны оңдоодо каржылоо маселеси жаралбасын
Президент Сооронбай Жээнбеков белоруссиялык кесиптеши Александр Лукашенко менен. Архивдик сүрөт

Жээнбеков Лукашенкону кайрадан президент болуп шайланышы менен куттуктады

0
(жаңыланган 17:26 10.08.2020)
Жээнбеков Александр Лукашенкого бекем ден соолук, ишине ийгилик, ал эми белорус элине тынчтык жана өнүгүү каалады.

БИШКЕК, 10-авг. — Sputnik. Президент Сооронбай Жээнбеков белоруссиялык кесиптеши Александр Лукашенкону кайрадан өлкө башчы болуп келиши менен куттуктады. Бул тууралуу президенттин маалымат кызматынан билдиришти.

"Сиздин мол тажрыйбаңыз жана кесипкөйлүгүңүз мындан ары дагы элдин турмушун жакшыртып, мамлекеттин экономикалык жана саясий өсүп-өнүгүшүнө алып келет деп ишенем. Достукка жана ишенимге негизделген кыргыз-белорус мамилелери мындан ары дагы бекемделерине көзүм жетет", — деди Жээнбеков.

38 жашта. Лукашенкодон тизгин талашкан Тихановскаянын таржымалы

Жээнбеков Лукашенкого бекем ден соолук, ишине ийгилик, ал эми белорус элине тынчтык жана өнүгүү каалады.

Эске салсак, кечээ Белоруссияда мамлекет башчыны тандашты. Анда Александр Лукашенко 80,23 пайыз менен атаандаштарын жеңип алды

0
Белгилер:
куттуктоо, жеңиш, шайлоо, Александр Лукашенко, Сооронбай Жээнбеков
Тема боюнча
Лукашенко: митингге чыккандарды чет мамлекеттен туруп көзөмөлдөшкөн
Лукашенко Данияр Үсөновго окшош киши менен жолукту. Сүрөт