Калькулятордо турган оюнчук үй. Архив

Бишкекте кандай батирлер арзандады? Кыймылсыз мүлк рыногуна саресеп

1562
(жаңыланган 11:40 10.04.2019)
Кыргызстандын кыймылсыз мүлк рыногунда бул көктөмдө абал кандай? Батир жана там-таш баасы өзгөрдүбү? Борбор калаада турак жайдын бир чарчы метри канча турат? Бул соболдорго жоопту Sputnik Кыргызстандын макаласынан таба аласыздар.

БИШКЕК, 10-апр. — Sputnik. Бишкектиктердин кыймылсыз мүлк сатып алуу активдүүлүгү басаңдай түштү. Бул туурасында Мамлекеттик каттоо кызматынын Кадастр жана кыймылсыз мүлк укугун каттоо департаментинен кабарлашты.

Былтыркы жылдын март айына салыштырмалуу үй жана батир сатуу, сатып алуу келишимдеринин көлөмү 13 пайызга төмөндөдү. Мекемедегилер бул республика боюнча турак жай баасына кандай таасир эткенин аныкташкан.

Бишкектеги батир баалары

Өткөн жылдын март айына караганда быйыл борбордо батир сатуу-сатып алуу келишими сегиз пайызга азайган. Бирок баш калаадагы кыймылсыз мүлктүн чарчы метринин орточо баасы эски батирлер рыногунда беш пайызга жогорулап, 767 долларды түздү. Мындай баалар жеке типтеги, 104 жана 105-үлгүдөгү батирлерге, ошондой эле "хрущевкаларга" тиешелүү.

Ошентип быйыл жазда бир бөлмөлүү батирлердин чарчы метрин бишкектиктер 772 долларга сатып алышты, бул көрсөткүч былтыркыга караганда бир азга көбүрөөк. Бир бөлмөлүү батирлердин орточо баасы быйыл март айында 29 530 долларды түздү.

Эки бөлмөлүү батирлер бир аз гана арзандап, чарчы метри ушул тапта 730 доллар турат. Борбор калаанын тургундары бул айда эки бөлмөлүү батирлерди 40 500 долларга сатып алышты. Былтыркыга салыштырмалуу бул үч пайызга арзан.

Үч бөлмөлүүлөрдүн чарчы метринин баасы жети пайызга көтөрүлүп, 753 долларга чыкты. Буга карабастан, мындай типтеги турак жайдын жалпы наркы азыраак арзандап, 57 миң долларды түзүп калды.

Төрт бөлмөлүү батирлер бир пайызга кымбаттап, мындай турак жайдын чарчы метри 13 пайызга өсүп, азыр 807 доллар турат. Мындай типтеги батирди бишкектик тургун 82 340 долларга сатып алган.

МКК беш бөлмөлүү батир бааларын да карашкан. Былтыркы жылга караганда алар 21 пайызга арзандап, азыр наркы 145 100 долларды түзөт. Ошентсе да андай типтеги батирлердин чарчы метринин баасы алты пайызга төмөндөп, 842 долларды түздү.

Бишкектеги турак үйлөрдүн баалары

Шаар тургундары батирлерди гана тургай, турак үйлөрдү да сатып алышы сейректеди. Сатуу-сатып алуу келишимдеринин көлөмү 27 пайызга төмөндөгөн!

Мындай жагдай турак жайдын наркына да таасир этти. Эми тамдын бир чарчы метри 47 529 сомду түзүп, былтыркы мартка караганда 12 пайызга төмөндөдү. Доллар түрүндө баасы 2018-жылга салыштырмалуу 14 пайызга ылдыйлады.

Ошентип Бишкектеги жер үйлөр 12 пайызга арзандады. Эгер былтыр март айында алардын орточо наркы 63 220 доллар турса, азыр 55 860 долларга чейин төмөндөдү.

Кыргызстандагы жер үйлөрдүн баалары

Быйылкы көктөмдө Ошто кыймылсыз мүлктү сегиз пайызга көбүрөөк сатып ала башташты. Ошентсе да өсүш батир сатуу-сатып алуу келишимдеринин эсебинде гана катталган. Ошол эле учурда жеке үйлөр былтыркыга караганда сейрек сатылууда.

Ош шаарынын жеке сектордогу үйлөрдүн чарчы метринин орточо баасы 544 долларды түзүп, 2018-жылдагы көрсөткүчтөрдөн үч пайызга азыраак болду. Бирок төмөндөшү доллар түрүндөгү жалпы баасына гана чагылып, сом түрүндө баа жарым пайызга көтөрүлгөн.

Былтыркы мартка караганда Таластагы жеке сектордогу үйлөрдүн чарчы метри 34 пайызга көтөрүлүп, ушул тапта 223 доллар турат. Облус борборунда турак жайдын жалпы баасы 29 пайызга өстү.

Нарында жеке үйдүн чарчы метри 19 пайызга кымбаттап, быйыл мартта 262 долларга жетти. Бул калаада турак жай баасы эки пайызга жогорулады.

Ушундай эле көрүнүш Жалал-Абадда да байкалат, ал жакта үйдүн чарчы метри 21 пайызга кымбаттап, азыр 302 доллар турат. Мындай өсүшкө карабай, облус борборунда турак жай төрт пайызга арзандады.

Караколдо да жер тамдын чарчы метринин баасы көтөрүлүп, быйыл жазда анын баасы 245 долларды түздү. Бул былтыркы баадан жети пайызга жогору. Жалпысынан Караколдо мындай типтеги турак жай эки пайызга көтөрүлдү.

Ал эми Баткенде жеке типтеги үйлөр 33 пайызга төмөндөдү. Ошентсе да бул шаарда турак жайдын чарчы метри 74 долларды түзүп, былтыркы көрсөткүчтөргө караганда 21 пайызга аз болду.

1562
Белгилер:
батир, рынок, кыймылсыз мүлк
Тема боюнча
3,9 млрд. сом керек. Өкмөт кабыл алган программалардын тизмеси жана максаты
Казакстан менен чектешкен “Чоң-Капка” көзөмөл өткөрмө бекети. Архивдик сүрөт

11 эсе көп жыйналды. Таластын башчысы “Чоң-Капкадагы” контрабанда тууралуу айтты

130
(жаңыланган 13:50 06.06.2020)
2017-жылы “Чоң-Капкадан” бир жылда бюджетке 11 миллион сом гана түшкөн. Быйыл төрт айда эле 94,1 миллион сом жыйналганы айтылат.

БИШКЕК, 6-июн. — Sputnik. Талас облусунун Казакстан менен чектешкен “Чоң-Капка” көзөмөл өткөрмө бекетинен былтыр мурункуга салыштырмалуу 11 эсеге көп салык жыйналды. Бул туурасында өкмөттүн Талас облусундагы өкүлү Марат Мураталиев брифинг учурунда билдирди.

Ал акыркы үч жылда “Чоң-Капка” өткөрмө постундагы коррупциялык иштерге каршы күрөшүү максатында бир топ иштер жасалганын белгилеп өттү.

“Өзүңүздөр билесиздер, экспорт-импорттон салык түшө турган облустагы негизги постубуз “Чоң-Капка”. 2017-жылы бул жерден бир жылда бюджетке 11 миллион сом эле чегерилген. 2018-жылы президенттин тапшырмасы менен ошол жердеги коррупциялык иштерге каршы күрөшүүнүн алкагында 41 миллион сом салык чогулттук. Ал эми 2019-жылы 133,9 миллион сомго жеткирдик. Контрабандалык товарларды ташууга бөгөт коюп, бюджетке көп салык жыйноого аракет кылып жатабыз”, — деди Мураталиев.

Мындан сырткары ал быйылкы жылдын төрт айында эле “Чоң-Капкадан” 94,1 миллион сом салык чогултулуп, бул өткөн жылда топтолгон салыктын дээрлик 70 пайызын түзөрүн билдирди.

130
Белгилер:
жыйноо, "Чоң-Капка" көзөмөл өткөрүү жайы, салык, Талас, Марат Мураталиев
Тема боюнча
Бишкекте аткезчилик менен алып келинген бензинди сатуу эмнеге токтобойт? Жооп
Баткен облусунун башчысы аткезчиликтен канча акча өндүрүлгөнүн айтты
Салык кызматкери рей учурунда. Архив

Салыкчылар аймактагы бизнес менен элдеги мүлктүн эсеп-чотун алууга киришти

51
Салык жана камсыздандыруу төгүмдөрүн төлөөдөн качкан мүлк ээлерине карата административдик чара көрүлөрү эскертилип жатат.

БИШКЕК, 6-июн. — Sputnik. Аймактык салык органдары жакынкы эки жуманын ичинде салык төлөөчүлөргө инвентаризация жүргүзөт. Бул туурасында Салык кызматы билдирди.

Аталган кызматтын төрагасы Кабыл Абдалиев жер-жерлердеги салык органдары салыктын суммасын так эсептөө үчүн зарыл болгон мүлктүн аянтын, коюм жана коэффициенттерди конкреттүү түрдө көрсөтүү менен салык төлөөчүлөргө инвентаризация жүргүзүүгө тапшырма бергени айтылат.

Буга турак жайлар, батирлер, пансионаттар, эс алуу үйлөрү, санаторийлер, курорттор, өндүрүштүк, администрациялык, өнөр жай жана башка ишкердикке багытталган имараттар жана курулмалар, анын ичинде металл жана башка конструкциялардан жасалган убактылуу жайлар кирет. Ошондой эле жер үлүшү, анын ичинде айыл чарба жерлери жана айыл чарба багытындагы эмес жерлер, бак чарба, короо-жай участоктору бар.

"Мында инвентаризация Мамлекеттик каттоо кызматы жана "Кадастр" мамлекеттик мекемеси менен тыгыз байланышта жүргүзүлүүгө тийиш. Салык кызматкерлери инвентаризациялоонун жүрүшүндө мүлк ээси алмашкандыгы же параметрлеринин өзгөргөндүгү боюнча маалыматтарды да жаңылайт", — деп айтылат маалыматта.

Ошондой эле салык жана камсыздандыруу төгүмдөрүн төлөөдөн качкан мүлк ээлерине карата административдик чара көрүлөрү эскертилип жатат.

51
Белгилер:
ишкердик, мүлк, инвентаризациялоо, салык
Тема боюнча
Бюджетти толтуруу үчүн ички киреше булактары аныкталууда. Алар кайсылар?
Сотрудник новой Патрульной службы милиции по городу Бишкек во время презентации пилотного проекта

Ош шаарында Кайгуул милиция кызматына кабыл алуу башталды. Талаптар

0
Жалпысынан 48 вакансия бар. Анын ичинде Кайгуул милиция кызматынын начальниги, анын орун басары жана бөлүм башчы кызматтары бош.

БИШКЕК, 6-июн. — Sputnik. Жол кыймылы коопсуздугун камсыздоо башкы башкармалыгы (ЖКККББ) Ош шаардык Кайгуул милициясына кызматкерлерди кабыл алууга сынак жарыялады.

Буга чейин өкмөт Ошто 1-июндан тарта Кайгуул милициясы ишке киргизилерин кабарлаган. Аталган кызмат пилоттук долбоор катары өткөн жылдын октябрь айында Бишкекте ишин баштаган болчу.

Сынакка ЖКККБнын учурдагы кызматкерлери жана башка иштөөнү каалаган жарандар катыша алат. Алар калаадагы жол кыймылына көзөмөл жүргүзүп жана коомдук тартипке көз салышат.

Жалпысынан 48 вакансия бар экени айтылат. Анын ичинде кайгуул милиция кызматынын начальниги, анын орун басары жана бөлүм башчы кызматтары бар.

Офицердик кызматка 21 жаштан 35 жашка чейинки курактагылар жана жогорку билимдүү жарандар талап кылынат.

Катардагы кызматтарга 19 жаштан 30 жашка чейинки курактагылар орто билими менен кабыл алынат.

Эркектердин боюнун узундугу 170 сантиметрден жогору, кыз-келиндердики 165 сантиметрден кем эмес болушу керек. Ошондой эле талапкерлер буга чейин соттолбогон болушу шарт.

Толук маалыматты ЖКККББнын расмий сайтынан алууга болот.

Документтер ушул жылы 5-июндан 6-июлга чейин кабыл алынат. Конкурска катышуу үчүн Ош шаарындагы Касымбеков көчөсү, 30 дарегине кайрылуу зарыл, же болбосо жумушчу топтун (03222) 3-95-63 номерине жана нөөмөт бөлүмүнүн 3-95-62 номерине чалуу керек.

0
Белгилер:
кызмат, талап, сынак, Кайгуул милициясы, Ош
Тема боюнча
Абылгазиев: ИИМ иштөө стилин өзгөртүп, элдин ишеними жогорулады