Акча каражаттары. Архив

Кепилдик фондулары тууралуу жаңы мыйзам ишке кирет. Президент кол койду

113
Мыйзам күчүнө кирген күндөн тартып азыркы колдонуудагы документ күчүн жоготот.

БИШКЕК, 13-апр. — Sputnik. Мамлекет башчы Сооронбай Жээнбеков "Кыргыз Республикасындагы кепилдик фонддору жөнүндө" мыйзамга кол койду. Бул тууралуу президенттин маалымат кызматы билдирди.

Билдирүүгө ылайык, мыйзам Жогорку Кеңеш тарабынан 2019-жылдын 7-мартында кабыл алынган.

Аталган документ ишкерлердин кредит алуу жолдорун жеңилдетип, насыячылардын укугун коргоо боюнча кепилдиктердин күчөшүн шарттайт. Кепилдик фондусу чакан жана орто ишкердик субъектилери үчүн бизнести өнүктүрүүгө, өндүрүштү кеңейтүүгө, негизги каражаттарды сатып алууга жана модернизациялоого болгон мүмкүнчүлүктөрдү кеңейтет. Жаңы технологияларды ишке киргизүүгө жана жаңы ишканаларды ачууга кепилдик берип каржылоонун жеткиликтүүлүгүн жогорулатат.

Мыйзам күчүнө кирген күндөн тартып колдонуудагы документ күчүн жоготот. Жаңы мыйзам расмий жарыяланган мезгилден 15 күн өткөндөн кийин күчүнө кирет.

113
Белгилер:
Кепилдик фонду, мыйзам, президент
Тема боюнча
Финансы министрлиги убадалаган каражат Мамлекеттик ипотекага которула элек
Сооронбай Жээнбеков Улуттук банктын ишин сынга алды