Президент Сооронбай Жээнбеков Германиядагы расмий сапары учурунда

Жээнбеков Германияга чогуу ветеринардык лаборатория салууну сунуштады

195
(жаңыланган 16:25 16.04.2019)
Кыргызстан Борбор Азия мамлекеттеринин ичинен ВСП+ статусун алган жалгыз мамлекет.

БИШКЕК, 16-апр. — Sputnik. Президент Сооронбай Жээнбеков Германияга Кыргызстанда фитосанитардык жана ветеринардык лаборатория салууну сунуштады. Бул тууралуу мамлекет башчынын маалымат кызматы билдирди.

Учурда Жээнбеков Германияда расмий сапары менен жүрөт.

"Бүгүнкү күнү Кыргызстандын айыл чарба азыктарын өндүрүүчүлөр Европанын жана башка дүйнөлүк рынокко чыгуу үчүн азыктын сапатын ырастай турчу кымбат сертификаттарды алууга аргасыз. Кыргызстанда биргеликте фитосанитардык жана ветеринардык лаборатория салууга чакырам", — деди мамлекет башчысы Мюнхендеги кыргыз-немис бизнес-форумунда.

Жээнбеков ошондой эле Кыргызстан Борбор Азия мамлекеттеринин ичинен ВСП+ статусун алган жалгыз мамлекет экенин кошумчалады.

Мамлекет башчысынын расмий сапары 15-апрелде башталып, 16-апрелге чейин созулмакчы.

195
Белгилер:
лабораториялар, Сооронбай Жээнбеков, Кыргызстан, Германия
Тема:
Президент Жээнбековдун Германияга болгон сапары (7)
Тема боюнча
Жээнбековду Германияга коштоп кеткен аткаминерлер. Тизме
Германия Сооронбай Жээнбековду кантип тосуп алды. Видео
Темир жол куруу иштери. Архив

Россия Кыргызстан катышкан темир жол долбооруна кызыгып, диалог курууда

58
(жаңыланган 18:26 22.09.2020)
Россия долбоорго кызыкдар болгондуктан өнөктөш мамлекеттердин ар бири менен сүйлөшүүлөрдү жүргүзүп жатат.

БИШКЕК, 22-сен. — Sputnik. Россия Кытай — Кыргызстан — Өзбекстан темир жолун куруу боюнча өнөктөш мамлекеттердин бардыгы менен активдүү диалог куруп жатат. Бул тууралуу РФтин экономикалык өнүктүрүү министринин орун басары Виктор Бабич билдирди.

Анын айтымында, бүгүнкү күндө эки чечиле элек маселе бар. Алар — рельстин туурасынын узундугу жана маршрут.

"Учурда кезектеги айкалышкан вариант сунушталууда. Бүгүн Кыргызстандын президенти жана премьер-министри менен болгон жолугушууда дагы бул маселе талкууланды. Биз ведомствонун деңгээлинде маселенин үстүндө иштеп жатабыз", — деди Бабич.

Министрдин орун басары Россия дагы бул долбоорго катышат деген үмүттө экенин кошумчалады.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

Бүгүн, 22-сентябрда, мамлекеттик резиденцияда Кыргыз-Россия өкмөт аралык комиссиянын отуруму өтүп жатат. Маанилүү делген учурларды тексттик баяндамадан окусаңыз болот.

58
Белгилер:
долбоорлор, темир жол, Кытай, Россия, Кыргызстан
Тема боюнча
Кыргыз-орус өкмөт аралык комиссиянын отуруму. Тексттик баяндама
КР — РФ эриш-аркак жылын жыйынтыктоону 2021-жылга жылдыруу сунушталды
Акча жана калькулятор. Архив

Россия Кыргызстандын салык тармагын тескөөгө техникалык жардам көрсөтөт

24
(жаңыланган 17:53 22.09.2020)
Салык боюнча эки долбоор каралууда, биринчиси — салыктык башкаруу, экинчиси — товарларды маркировкалоо.

БИШКЕК, 22-сен. — Sputnik. Россия Кыргызстанга эки долбоор боюнча техникалык жардам көрсөтөт. Бул тууралуу РФ өкмөт башчысынын орун басары Алексей Оверчук билдирди.

Долбоордун бири — салыктык башкаруу, экинчиси — товарларды маркировкалоо.

"Салыктарды башкарууга техникалык көмөк көрсөтүү боюнча Россияда эң алдыңкы система бар, бул тажрыйба менен бөлүшүүгө даярбыз", — деди Оверчук.

Жээнбеков мамлекеттик карызды кечүүнү суранды. Эмнеге алмашууну сунуштады?

Анын айтымында, бул салыктарды чогултуунун эсебинен өлкөнүн өнүгүүсүнө таасирдүү салым кошууга мүмкүнчүлүк берет.

Экинчи долбоор — товарларды маркировкалоо программасы. Ал рынокту ачыгыраак кылганга жакшы шарт түзөт.

Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны өттү.

24
Белгилер:
жардам, долбоорлор, салык, өкмөт, Кыргызстан, Россия
Тема боюнча
Кыргыз-орус өкмөт аралык комиссиянын отуруму. Тексттик баяндама
Кыргыз-казак чек арасынан жүк ташуучуларды текшерүүсүз өткөрүү макулдашылды
Кишенделген адам. Архив

Кыргызстандан АКШга барган аялдын табышмактуу жоголушу. Сот шектүү күйөөсүн актады

0
(жаңыланган 20:12 22.09.2020)
Кыргызстанда төрөлгөн аял 2012-жылдан бери дайынсыз болууда. Былтыр март айында анын америкалык жолдошу аны өлтүрүүгө шектелип кармалган.

БИШКЕК, 22-сен. — Sputnik. АКШдагы Пенсильвания штатынын аймактык соту Кыргызстанда төрөлгөн Рабихан Сейдерс (өзүнүн фамилиясы Хасанова) аттуу жубайын өлтүрдү деп шектелип жаткан Хэп Сейдерсти актады. Бул тууралуу Associated Press агенттиги жазды.

​Порталдын маалыматына караганда, аял 8,5 жылдан бери дайынсыз жоголгондордун тизмесинде турат. 2012-жылдын март айында анын кызы энеси жоголгонун айтып полицияга кайрылган. Аны акыркы жолу Камберленд графтыгындагы Silver Spring Township шаарчасындагы үйүнө жакын жайгашкан дарыкананын жанынан көрүшкөн. Тергөө органдары анын сүрөтүн бардык полиция участкаларына жиберип, кредиттик карталарына чейин текшеришкен. Мындан сырткары, АКШнын Ички коопсуздук министрлигине кайрылып, Рабихан Сейдерс өлкөдөн чыккан-чыкпаганын сүрүштүрүшкөн. Бирок ушул убакка чейин аялдын тирүү экенинен кабар берген бир дагы далил табылган эмес.

Дайын-дареги билинбей жаткан аял болочоктогу жолдошу менен Атлантик-Ситидеги казинолордун биринде массажист болуп иштеп жүргөн кезинде таанышкан. Кийин экөөнүн мамилеси жакшы болуп, Рабихан анын үйүнө көчүп барган. Хэп Сайдерс тыйын сатып, сейрек кездешкен баалуу металлдарды коллекциялоо менен алектенип келген.

Тергөөнүн версиясы боюнча, Рабиханды күйөөсү өлтүрүп, сөөгүн каминге өрттөп жиберген. Айыптоочу тарап кишинин үйүнүн жалюзиси бир нече күн бою жабык туруп, мешинин морунан кара түтүн чыгып турганын айткан. Мындан тышкары, шектүүнүн үйүндөгү каминдин ичинен адамдын сөөктөрү табылган. Өткөн жылдын март айында жубайын өлтүрүүгө шектелген Сайдерс камакка алынган. Ага жети жыл берилери болжолдонгон.

"Биз Хэп Сейдерс Рабиханды өлтүргөнүн билебиз", — деп аймактык прокурордун жардамчысы билдирген.

Ал эми сотто Сейдерстин адвокаты каминден табылган калдык Рабиханга тийиштүү экенин тастыктоочу ДНК-тест жүргүзүлбөгөнүн белгилеген. Ал ошондой эле соттун жетинчи жыйынында америкалык тергөөчүлөр Рабиханды Кыргызстандан издеп көрбөгөнүн кошумчалаган. Жактоочунун айтымында, Рабихан жолдошунун үч миллион долларын жана алтын куймаларын уурдап качып кетиши ыктымал.

"Ал балээге кабылган аял эмес, ал атайын план түзүп алган аял болгон", — деп билдирген жактоочу.

Натыйжада Хэп Сейдерс бардык айыптоолор боюнча акталып, соттун залынан бошотулган.

0
Белгилер:
адам өлтүрүү, кылмыш, полиция, дайынсыздар, АКШ, Кыргызстан
Тема боюнча
Жолдон жай өткөн киши чыдамы жок айдоочунун огунан мерт кетти. АКШдагы окуя