Газ түтүгүн куруу иштери. Архив

Кытайдын Кыргызстан аркылуу өтчү газ куурунун орду такталып бүтүп калды

238
Кыргызстандын аймагы аркылуу өтүүчү газ түтүгүнүн жалпы узундугу болжол менен 215 чакырымды түзөт.

БИШКЕК, 19-апр. — Sputnik. Премьер Мухаммедкалый Абылгазиев Кытайдын SINO-Pipeline International Company Limited компаниясынын башкы директору Мэн Фанчунь менен жолугушту. Бул тууралуу өкмөт башчынын маалымат кызматы билдирди.

Премьер-министр КР Мухаммедкалый Абылгазиев на встрече с генеральным директором SINO-Pipeline International Company Limited Мэном Фанчунем
© Фото / пресс-служба правительства / Алишер Алиев
Премьер Мухаммедкалый Абылгазиев Кытайдын SINO-Pipeline International Company Limited компаниясынын башкы директору Мэн Фанчунь менен жолугушту

Анын жүрүшүндө "Борбор Азия — Кытай" магистралдык газ түтүгүнүн негизги бөлүгү катары саналган "Кыргызстан — Кытай" газ түтүгүнүн курулуш долбооруна тийиштүү маселелер талкууланды.

Кыргызстандын аймагы аркылуу өтүүчү газ түтүгүнүн жалпы узундугу болжол менен 215 чакырымды түзөт. Ал жылына 30 миллиард метр куб газды өткөрө алат. Түтүк Ош облусунун Алай жана Чоң-Алай райондору аркылуу өтөт.

Мэн Фанчунь долбоордун ишке ашырылышы боюнча жүргүзүлүп жаткан иштерге токтолду. Анын ичинен айыл чарба жана токой чарба жерлерин алуудан келтирилген чыгымдын ордун компенсациялоо, газ түтүгү кеткен трассанын боюндагы жер тилкелерин бөлүү жана трансформациялоо процесстеринин жыйынтыкталып жаткандыгы тууралуу айтып берди.

Премьер жогорудагыдай биргелешкен маанилүү жана өз ара пайдалуу долбоорлорду келечекте биргелешип ишке ашыруу, эки өлкөнүн бизнес чөйрөлөрү ортосундагы кызматташтыктын кеңейишинин өзгөчө маанилүүлүгүн белгиледи.

Андан сырткары, "Кыргызстан — Кытай" газ түтүгүнүн курулушу Кыргызстандын экономикасы үчүн чоң мааниге ээ экенин айтты. Муну менен катар долбоор өз мөөнөтүндө жана бардык экологиялык, техникалык ченемдер так сакталып, сапаттуу курулат деген ишенимин билдирди.

238
Белгилер:
долбоорлор, курулуш, газ, Кытай, Кыргызстан
Тема боюнча
Германия Кыргызстанга 21 млн. евро бөлдү. Акча эмнеге сарпталат
64 млрд. доллар! Казакстан менен Кытай бажыларынын маалыматындагы айырма
Биринчи вице-премьер Алмазбек Баатырбеков

Баатырбеков: күз-кышта ооруканалардын жылуу болушуна өзгөчө көңүл бурулууда

84
(жаңыланган 22:09 08.08.2020)
Өкмөт өкүлүнүн айтымында, быйыл суу сактагычтарда суу аз болгондуктан жана коронавирус дагы деле мизин кайтара электигине байланыштуу даярдыктар дыкат жүргүзүлүшү керек.

БИШКЕК, 8-авг. — Sputnik. Биринчи вице-премьер Алмазбек Баатырбеков саламаттык сактоо системасын жылытуу мезгилине даярдоо биринчи орунда экендигин билдирди. Бул тууралуу өкмөт кабарлады.

Ага ылайык, Баатырбеков күз-кыштагы жылытуу маалына экономика чөйрөсүн жана калкты даярдоо маселеси боюнча жыйын курган. Анын айтымында, быйыл суу сактагычтарда суу аз болгондуктан жана коронавирус дагы деле мизин кайтара электигине байланыштуу даярдыктар дыкат жүргүзүлүшү керек.

Кышында эл жарыксыз калбайбы? Жээнбековдун актуалдуу суроого жообу

"Ар бир мамлекеттик жана муниципалдык мекемелер жылытуу сезону даяр болушу шарт. Анын ичинде ооруканалар, өзгөчө реанимациялык жана операциялык бөлүмдөр электр энергиясынын кошумча булагы менен камсыздалууга тийиш. Медициналык мекемелердин бардыгы кышка кандай даярдык көрүп жатканы боюнча маалыматтар берилип турушу зарыл", — деп айтылат маалыматта.

Биринчи вице-премьер жылытуу маселелеринде облус жетекчилеринин жоопкерчилиги да чоң экендигин эскерткен.

Мындан тышкары Өнөр жай, энергетика жана жер казынасын пайдалануу мамлекеттик комитетине электр энергиясын көп көлөмдө керектөөчү объектилерди альтернативдик отунга өткөрүү мүмкүнчүлүгү боюнча иштерди жүргүзүүнү тапшырган.

84
Белгилер:
оорукана, даярдык, жылытуу маалы, жыйын, өкмөт, Алмазбек Баатырбеков
Тема боюнча
Жээнбеков: аймактарда ооруканалар эски, аны оңдоодо каржылоо маселеси жаралбасын
Кыргызстандын президенти Сооронбай Жээнбеков. Архив

Жээнбеков: ооруканалардын курулушуна 100 млн доллар салчу адамдар бар

187
Президент болуп жаткан аракеттер ишке ашса оор илдеттер менен жабыркаган кыргызстандыктар чет өлкөгө барбай эле өз өлкөсүндө дарылана тургандыгын айтты.

БИШКЕК, 8-авг. — Sputnik. Кыргызстанда жаңы типтеги, эң алдыңкы технология менен жабдылган ооруканалар курулат. Бул тууралуу президент Сооронбай Жээнбеков "Биринчи радиого" (КТРК) маек берип жатып билдирди.

Анын айтымында, медициналык мекемелер мамлекеттик-жеке өнөктөштүктүн негизинде салынат.

"Буга чейин мен айткандай облус борборлорунда жана башка шаарларда жаңы типтеги, бардык медициналык кызмат көргөзгөн ооруканалар болот. Биз бейтаптар шаардын бир башынан тиги бурчуна барбай, бир жерден эле бардык кызматтарды алса деп жатабыз. Андай ооруканалардын курулушуна 100 миллион доллар салууга даяр инвесторлор бар. Бул маселе менин көзөмөлүмдө", — деди өлкө башчы.

Өлкөнүн жети облусунда инфекциялык ооруканалар салына баштады. Тизме

Президент ошондой эле ал аракеттер ишке ашса оор илдеттер менен жабыркаган кыргызстандыктар чет өлкөгө барбай эле өз өлкөсүндө дарылана ала тургандыгын кошумчалады.

Эске сала кетсек, учурда өлкөнүн жети облусундагы ооруканалардын курулушу башталып, аларды бир же бир жарым айда бүткөрүү пландалып жатат.

187
Белгилер:
курулуш, оорукана, Сооронбай Жээнбеков, президент
Тема боюнча
Боронов: Ошто өпкөнү жасалма дем алдыруучу аппарат чыгарылат
Өлкөнүн банктары ооруканаларга 6 ИВЛ, 100 кычкылтек концентраторун алып берди
Портфельчен адам. Архив

Юсупов Байыш Юсупович өмүр баяны

0
Байыш Юсупов 1957-жылы 5-январда Ош облусуна караштуу Кара-Суу районунун Кара-Суу шаарында төрөлгөн. Аймактагы Ленин атындагы орто мектепте билим алган.

Жогорку билимдүү.

  • 1974-1979 — Россиядагы Иванов текстиль жана жеңил өнөр жай институтунун инженер-технолог адистигинде окуган;
  • 2003-жылы Ош технологиялык институтунун бухгалтердик эсеп жана аудит адистиги боюнча экинчи дипломун алган.
  • 2012-жылы "Айыл чарба өндүрүшүнүн экономикалык эффективдүүлүгүн көтөрүү" деген темада диссертациясын жактап, экономика илимдеринин кандидаты илимий даражасы ыйгарылган.

Ишмердүүлүгү:

  • 1979-1988 — Октябрдын 50 жылдыгы атындагы Ош текстиль комбинатында чебер, улук чебер, цехтин жетекчиси жана өндүрүштүн начальниги кызматтарында иштеген;
  • 1988-1989 — Ош облустук элдик көзөмөл комитетинде инспектор;
  • 1989-1993 — Кара-Суу пахта тазалоочу заводунун директору;
  • 1993-2009 — Кара-Суудагы "Ак-Алтын" ишканасынын жетекчиси;
  • 2009-2012 — Кара-Суу райондук мамлекеттик администрация башчысы;
  • 1990-2013 — Кара-Суу шаардык кеңешинин депутаты, андан кийин төрагасы;
  • 2013 — өкмөттүн Ош облусундагы ыйгарым укуктуу өкүлүнүн биринчи орун басары;
  • 2020-жылдын 8-августунан тарта облустагы өкүлдүн милдетин убактылуу аткаруучу. https://sputnik.kg/politics/20200808/1049257424/oshtu-zhylkybaevdin-orun-basary-zhetektejt.html
  • 2001-жылы Кара-Суу районунун социалдык-экономикалык өнүгүшүнө кошкон салымы үчүн Даңк ордени менен сыйланган.

Футбол боюнча спорттун чебери. Кыргызстандын чемпиону "Жаштык — Ак-Алтын" футболдук командасынын негиздөөчүсү.

Кыргыз, орус жана немис тилдеринде эркин сүйлөйт.

Үй-бүлөлүү, 5 баланын атасы.

0
Белгилер:
өмүр баян, Байыш Юсупов, Ош