Майлуу-Суудагы уран шахтасы. Архивдик сүрөт

Жогорку Кеңеште уран казууну 50 жылга чейин токтотуу сунушталды

229
(жаңыланган 16:58 25.04.2019)
Ушу тапта мыйзам долбоору даярдалды.

БИШКЕК, 25-апр. — Sputnik. Жогорку Кеңештеги көпчүлүк коалициянын лидери Иса Өмүркулов парламенттин жыйынында өкмөт уран маселеси боюнча өзүнүн комиссиясын түзүүдө кечигип калганын, ал комиссия кандай тыянак чыгарса да уранды иштетүүнү токтотуу керектигин айтты.

Депутаттын айтымында, уран казуу жараталышка, аймакка жана келечек муунга зыян алып келе турганына токтолду. Андан сырткары, учурунда изилдөө, чалгындоо иштерине лицензия бергендердин жоопкерчилигин кароону сунуштады.

"Уранды чалгындоого, изилдөөгө лицензияларды ким берген? Кайсы мезгилде берилген? Ушунун баарын тең дыкат иликтеп чыгып, жоопко тартуу керек. Бүгүн, мына, изилдөөгө лицензия бергендер митинг уюштуруп жатышат. Ошолордун жүзүн элге көрсөтүү керек. Булар мамлекетти ойлоп жатабы же өздөрүнө пиар кампанияларын жүргүзүп жатабы?" — деп суроо салды эл өкүлү.

Өмүркулов ошондой эле Кумтөр, Майлуу-Суу жана башка уулуу заттар турган жерлердин маселеси эле Кыргызстанга жетиштүү экенин кошумчалады.

Өз кезегинде депутат Алтынбек Сулайманов кесиптештери Алмамбет Шыкмаматов, Канат Керезбеков болуп Кыргызстанда уран өндүрүүнү, чалгындоону 50 жылга токтотуу боюнча мыйзам долбоорун сунуштап жатканын айтты.

"Эмне үчүн 50 жыл? Анткени "элүү жылда эл жаңы, жүз жылда жер жаңы" дейт. Элүү жылдан кийин биздин балдарыбыз узартабы же жаңы технологиялар менен иштетеби, өздөрү чечет", — деди ал.

Талкуу учурунда Өмүркулов да уранга тыюу салуу боюнча мыйзам долбоорун колдой турганын белгиледи.

229
Белгилер:
тыюу салуу, мыйзам, уран, Алтынбек Сулайманов, Иса Өмүркулов, Жогорку Кеңеш
Тема:
Уран казууга каршы аракеттер (33)
Тема боюнча
Уран кениндеги иштер убактылуу токтоду. Өкмөттүн чечими
Уран кениндеги чууга Зилалиевдин кандай тиешеси бар? Өкмөттүн түшүндүрмөсү
Ысык-Көлдө уран казгысы келген компаниянын таржымалы
Кумшекер. Архивдик сүрөт

Кыргызстанда кумшекердин баасы былтыркыдан 19 сомго чейин кымбаттады

59
Статком өлкөнүн 18 калктуу конушуна мониторинг жүргүзүп, 25-февралга карата кумшекердин орточо баасын чыгарган.

БИШКЕК, 28-фев. — Sputnik. Кыргызстанда кумшекерге болгон баа былтыркыга салыштырмалуу дээрлик 19 сомго кымбаттады. Бул тууралуу Улуттук статистика комитети билдирди.

Статкомдун өлкөнүн 18 калктуу конушуна жүргүзгөн мониторингдин жыйынтыгында 25-февралга карата кумшекердин баасы орточо эсеп менен 59,93 сомду түзгөн. Бул өткөн жылдын ушул күнүнө салыштырмалуу 18,87 сомго же 46 пайызга өскөнүн көрсөтөт.

Ошол эле учурда кумшекердин чекене баалары орточо республикалык көрсөткүчтөн жогору болуп, бир килограммы Жалал-Абад шаарында 64,33, Ошто 64,27 жана Исфанада 63,65 сомдон сатылууда. Ал эми Ноокат шаарында 50 жана Өзгөндө 46,82 сомдон сатылып, орточо көрсөткүчтөн төмөн болгон.

Кумшекердин бааларынын эң жогору өсүшү үстүбүздөгү жылдын январь айына салыштырмалуу Жалал-Абад шаарында 14 пайызга, Кара-Балтада 12,7 пайызга, Токтогулда 12,1 пайызга өскөн.

59
Белгилер:
Кыргызстан, Кумшекер, кымбат, Улуттук статистика комитети
Тема боюнча
Премьер-министр Марипов азык-түлүктү арзандатуунун төрт жолун айтты
Дем алыш күндөрү Бишкекте жарманке өтөт. Азык-түлүк арзан сатылат
Нарында азык-түлүк, буюм-тайымды арзандатуу үчүн жарманкелер уюштурулду
Премьер-министр Улукбек Марипов IT тармакта иштеген ишкерлер менен жолугушту.

Марипов IT бизнесинин өкүлдөрү менен жолугуп, бир нече убада берди

102
(жаңыланган 19:35 27.02.2021)
Өкмөт башчы мыкты кадрлардын өлкөдөн чыгып кетип жаткандыгы мамлекет тараптын кемчилиги экенин моюндады.

БИШКЕК, 27-фев. — Sputnik. Премьер-министр Улукбек Марипов IT тармакта иштеген ишкерлер менен жолугушту. Бул тууралуу өкмөттүн маалымат кызматы билдирди.

Өкмөт башчы өлкө экономикасынын өнүгүүсү үчүн IT тармагы маанилүү экенине токтолду.

  • Премьер-министр Кыргызской Республики Улукбек Марипов встретился с предпринимателями, работающими в IT-сфере.
    Премьер-министр Улукбек Марипов IT тармакта иштеген ишкерлер менен жолугушту.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов встретился с предпринимателями, работающими в IT-сфере.
    Өкмөт башчы өлкө экономикасынын өнүгүүсү үчүн IT тармагы маанилүү экенине токтолду.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов IT тармакта иштеген ишкерлер менен жолугушту.
"Бүгүнкү жолугушуу – бул өлкөдөгү ишкерликти, инвестицияны жана экспортту өнүктүрүү, ошондой эле ата мекендик бизнеске колдоо көрсөтүү маселелери талкууланган мурдагы жолугушуулардын уландысы катары саналат. Иштин 70 пайызы программалык камсыздоону иштеп чыгуу менен байланыштуу экендигин угуу кубанычтуу. Бизде программисттердин армиясы өсүп келе жатат, алардын көпчүлүк бөлүгү чет өлкөдө иштешет", — деди Марипов.

Ошондой эле ал мыкты кадрлардын өлкөдөн чыгып кетип жаткандыгы мамлекеттин кемчилиги экенин моюндады.

"IT тармакка тийиштүү көңүл бурулбай жаткандыгын моюнга алуу керек, бирок биз бул маселе боюнча абалды жана ага карата мамилени өзгөртүүгө ниеттенип жатабыз. Тактап айтканда, санариптештирүү менен алектенген мамлекеттик органдын макамын жогорулатуу пландаштырылууда. Жогорку кесипкөй кадрларды ишке тартуу менен бардык министрлик жана ведомстволордо IT жааты боюнча орун басар кызматын киргизүүнү болжоодобуз", — деди өкмөт башчы.

Ал жакын арада президенттин төрагалыгы астында чоң форум өткөрүлүп, санариптештирүү жана жаңы стратегияларды иштеп чыгуу маселеси талкууланарын белгиледи.

Өз кезегинде IT бизнестин өкүлдөрү дуушар болуп жаткан кыйынчылыктар тууралуу айтып беришти. Атап айтканда, мыйзам базасында көптөгөн чектөөлөр бар, бул себептен бир катар инвестициялык идеялар ишке ашпай калууда.

"Биз мамлекетке жардам берүүгө даярбыз, ошол эле учурда биз мамлекеттин колдоосун да сезгибиз келет. Тилекке каршы, мамлекеттик органдардагы кадрдык алмашууларга байланыштуу институционалдык эс тутум жок. Бул санариптештирүүнү өнүктүрүүгө жагымсыз таасирин тийгизүүдө. Бизнес өкүлдөрү бир эле план жана милдеттерди жаңы дайындалган жетекчилерге бир нече ирет кайталап айтып берүүгө аргасыз болууда. Мындан тышкары, ишкерлерге жана инвесторлорго басым жасоолорду четтетүү керек", — деп айтышкан IT бизнестин өкүлдөрү.

Жыйынтыгында өкмөт башчы биринчи кезекте санариптештирүүнүн мыйзамдык жаатындагы маселелерди чечүүгө  убадасын берди.

102
Белгилер:
жолугушуу, бизнес, IT, өкмөт башчы, Улукбек Марипов
Тема боюнча
Марипов: бизнесмендер менен күнү-түнү байланышууга даярмын. Сүрөт
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

0
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

0
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды