Ереванда ЕАЭБге мүчө өлкөлөрдүн өкмөттөр аралык кеңешинин кезектеги жыйыны тар чөйрөдөгү жолугушуу менен башталды

Ереванда ЕАЭБ өкмөттөр аралык кеңештин тар чөйрөдөгү жыйыны башталды

51
(жаңыланган 14:53 30.04.2019)
Күн тартибинде кызматташууну өнүктүрүүгө багытталган 8 маселе бар.

ЕРЕВАН, 30-апр. — Sputnik. Ереванда ЕАЭБге мүчө өлкөлөрдүн өкмөттөр аралык кеңешинин кезектеги жыйыны тар чөйрөдөгү жолугушуу менен башталды. Иш-чара Карен Демирчян атындагы спорттук-концерттик комплексте өтүп жатат.

Жыйынды Евразиялык экономикалык комиссиянын жетекчиси Тигран Саркисян ачты.

ЕЭК башчысы биринчи кезекте комиссиянын кеңешти өнүктүрүү боюнча докладын угуп, коллегиянын мүчөлүгүнө Казакстандан көрсөтүлгөн Серик Жумангаринди тааныштырууну сунуштады.

Өкмөт башчылар жалпы жонунан сегиз маселени карап чыкмай болушту. Мындан башка да каралчу суроолор тизмектелди. Алар:

ЕАЭБге мүчө өлкөлөрдүн биримдиктин ички рыногунда тоскоолдуктарды жоюу боюнча иши;

ЕАЭБ алкагында сооданын санариптик экосистемасын өнүктүрүүгө шарт түзүү;

ЕАЭБ өлкөлөрүнүн арасында бажы пошлиналарын бөлүштүрүү нормативдери тууралуу.

Сүйлөшүүнүн өзүнчө пункту катары Саркисян "Өнөр жай кооперациялары, субконтрактациялары жана технологиялар трансферинин евразиялык түйүнү" аттуу биргеликте жасалган алгачкы санариптик долбоорду талкуулоону алып чыкты. Катышуучулардын сунушу менен бул маселе кеңири форматтагы жолугушууда ЖМК өкүлдөрүнүн катышуусу менен каралмай болду.

51
Белгилер:
бажы, экономика, Армения, Евразиялык экономикалык биримдик
Тема боюнча
Мухаммедкалый Абылгазиев Ереванга учуп кетти. Коштоп кеткендердин тизмеси
Капуста өстүрүү. Архивдик сүрөт

Жээнбеков рынок атаандаштыгына өлкөнүн кайсы тармагы туруштук берерин айтты

31
(жаңыланган 16:24 15.08.2020)
Мамлекет башчы белгилегендей, айрыкча өнүккөн жана жашоо деңгээли жогору өлкөлөр экологиялык таза азык-түлүккө кызыкдар.

БИШКЕК, 15-авг. — Sputnik. Кыргызстан рынокто экологиялык таза айыл чарба азыгы менен атаандаштыкка туруштук бере алат. Бул тууралуу президент Сооронбай Жээнбеков "Биринчи радиого" берген маегинде билдирген.

Ал келечекте ушул багытка басым жасалып жатканына токтолду.

"Кыргызстан экологиялык таза айыл чарба азык-түлүктөрүн экспорттоону көбөйтөт. Экологиялык таза айыл чарба азыктары бул кайсы өлкөдө болбосун, чоң суроо-талапка ээ. Айрыкча, өнүккөн мамлекеттер менен жашоо деңгээли жогору өлкөлөр ушундай экологиялык таза продукцияга кызыкдар", — деди президент.

Жээнбеков Кытай өлкө үчүн ири рынок экендигин айтып, өндүрүлгөн азык-түлүктү ал жакка чыгаруу боюнча иш башталганын кошумчалады.

Ошондой эле ЕврАзЭСтин алкагында уюмга мүчө эмес өлкөлөр менен эркин соода жүргүзүү аракети бар экенин белгилеген.

Жылына 8 тонна. Баткенде өрүктү кайра иштеткен логистикалык борбор курулууда

"Тышкы рынокко чыгуу үчүн ошол талаптарга жооп берген азык-түлүктү өндүрүп, көлөмүн көбөйтүшүбүз керек. Ал үчүн өндүрүү технологияларын жакшыртуу, жетиштүү сырьелор менен камсыз кылуу зарыл. Бул маселелерди кластердик долбоорлор аркылуу чечебиз. Ага каржылоо булактары аныкталып, жеңилдиктер, дем берүү инструменттери каралган. Сыртка чыгыш үчүн өзүбүзгө логистикалык борборлорду салуу боюнча долбоорлор иштеп жатат, каражат бар", — деген өлкө башчы.

Ал экономиканы ишкерлер өргө тартарын белгилеп, аларга ички ресурстардан колдоо көрсөтүү боюнча иш жүрүп жатканын кошумчалады.

31
Белгилер:
атаандаштык, азык, экология, рынок, Сооронбай Жээнбеков
Тема боюнча
Жээнбеков: бирөөнү суракка чакырып, мени коргоого муктаж эмесмин
Министрлик: пандемия артка тарткан жок. Алты айда 153,5 млрд сомдук товар өндүрүлдү
Алтын куймалар. Архивдик сүрөт

Кыргызстандын алтын валюта резервинин көлөмү рекорддук көрсөткүчкө жетти

104
(жаңыланган 13:00 15.08.2020)
Алтын валюта резерви сомдун курсунун туруктуулугун камсыз кылат. Бир ай ичинде анын көлөмү 112,5 миллион долларга өстү.

БИШКЕК, 15-авг. — Sputnik. Июль айынын аягында Кыргызстандын алтын валютасынын запасы 2 миллиард 753 миллион 750 миң долларды түздү. Бул тууралуу Улуттук банктын сайтында айтылат.

Резервдин көлөмү биринчи жолу 2,7 миллиард доллардык ченден ашып, рекордго жетти. Буга чейинки рекорд июнь айында коюлуп, көрсөткүч 2 миллиард 641,2 миллионду түзгөн.

Алтындын унцийи тарыхта биринчи жолу 2 миң доллардан кымбат сатылат

Өткөн жылдын аягына салыштырмалуу алтын валюта резерви дээрлик 330 миллион долларга өскөн.

Алтын валюта запасы (эл аралык валюта резерви) Улуттук банктын курстун кескин өзгөрүп кетүүсүн көзөмөлдөп турууга мүмкүнчүлүк берет. Резерв ондогон валюталардан турат. Алар: CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) жана алтын.

104
Белгилер:
курс, сом, Улуттук банк, валюта, алтын
Тема боюнча
Бишкекте евро, доллар жана алтындын баасы кымбаттады. Соңку маалымат
Көчөдөн бараткан кыз. Архивдик сүрөт

Ош шаарында бир жылдан бери дайынсыз болгон кыз изделүүдө. Сүрөт

0
(жаңыланган 19:13 15.08.2020)
Жаш кыз былтыр жайында Кара-Суу районунда үйүнөн чыгып кеткен боюнча дайынсыз. Милиция аны табышууга коомчулуктан жардам сурады.

БИШКЕК, 15-авг. — Sputnik. Ош шаарында былтыр жоголгон 18 жаштагы Муножат Салиева изделип жатат. Бул тууралуу калаа милициясынын маалымат кызматы билдирди.

Кыз 2019-жылдын 15-июль күнү Кара-Суу районунда жашаган үйүнөн чыгып кеткен боюнча дайынсыз болууда. Милиция аны табуу үчүн кайрадан коомчулукка кайрылып жатканын айтты.

"Изделип жаткан Муножат Салиева 2002-жылы туулган. Бою 165-170 сантиметр, жоголгон күнү үстүндө кара-ак (сызык) түстөгү жемпир, кара шым жана кара түстөгү бут кийим кийип жүргөн. Айрымдар кыз дайынсыз болгон күнү аны Ош шаарынын Масалиев көчөсүнөн көрүшкөндүгүн айтышкан", — деп жазылган маалыматта.

Милиция Жалал-Абадда жоголгон эже-сиңдини Баткенден тапты. Кыздардын жообу

Ош шаардык милициясы жогорудагы кыз тууралуу кандайдыр бир маалыматы барларды 03222-2-75-15, 0702-17-09-17 жана 0551-05-42-75 телефондору аркылуу кабарлап коюну өтүнөт.

0
Белгилер:
кыз, издөө, милиция, Ош
Тема боюнча
Мөңгүгө кирип кеткен. Жалал-Абаддагы жайлоодо 14 жаштагы баланын сөөгү табылды