Майда тыйын. Архив

Жээнбековдон Трампка чейин... Дүйнөдөгү президенттер канча айлык алышат

4088
(жаңыланган 09:17 02.05.2019)
Бегимай Бакашева
Дүйнөнүн ар кайсы жеринде президенттердин айлыктары ар кандай. Мисалы, бири жылына 2,2 миллион доллар алса, башкасыныкы 10 миң доллардан араң ашат.

1-май - Эмгек күнүнө карата Sputnik Кыргызстан агенттиги мамлекет башчылардын маңдай тери менен тапкан маянасы канча экенин билип көрдү.

Кызыгы, ачык булактарда Борбор Азия өлкөлөрүнүн ичинен Кыргызстандан башка эч биринин айлыгы тууралуу маалымат жок. Андыктан, Эмомали Рахмон, Касым-Жомарт Токаев же Шавкат Мирзиёевдин канча аларын биле алган жокпуз.

Запись пяти песен президента Кыргызской Республики Алмазбека Атамбаева, занявшее 47 минут. 17 июня 2016 года, город Бишкек
© Пресс-служба президента КР / Султан Досалиев
Экс-президент Алмазбек Атамбаев

Ал эми Кыргызстандын мурдагы жана азыркы башчыларынын кирешелери ачык көрсөтүлгөн. Мисалы, экс-президент Алмазбек Атамбаев декларациясында 2017-жылы 100 миллион 118 миң сом тапканын билдирген Бул сумманын канчасы айлык, канчасы башка булактардан келгени белгисиз. Бирок Атамбаев жаңы президент болгон жылдары 960 миң 744,84 сом айлык алары айтылчу. 

Макалада президенттердин негизги кызмат ордунан бир жыл ичинде иштеп тапкан маянасы гана көрсөтүлдү.

© Sputnik / Алексей Витвицкий
Сингапурдун премьер-министри Ли Сянь Лун

Сингапурдун премьер-министри Ли Сянь Лун — 2,2 миллион доллар

Сингапурду 15 жылдан бери башкарып келе жаткан Ли Сянь Лун дүйнө лидерлери арасында эң көп айлык алган адам экенин көпчүлүк ЖМКлар жазып келет. Мисалы, 2017-жылы ал 2,2 миллион доллар тапкан. 

Премьер-министр Канады Джастин Трюдо на пресс-конференции в Оттаве, Онтарио, Канада, 31 мая 2018 года
© REUTERS / CHRIS WATTIE
Канаданын премьер-министри Жастин Трюдо

Канаданын премьер-министри Жастин Трюдо — 253 миң доллар

Жастин Трюдо өлкөнүн өкмөт башчысы кызматында туруп, жылына 253 миң доллардын тегерегинде киреше көрөт. 

Канцлер Германии Ангела Меркель играет с гандбольным мячом, подаренным ей президентом федерации гандбола Германии (не на снимке), когда она приняла национальную гандбольную команду Германии в канцелярии в Берлине 8 апреля 2019 года
© AFP 2019 / JOHN MACDOUGALL
Германиянын канцлери Ангела Меркель

Германиянын канцлери Ангела Меркель — 244 миң доллар

2005-жылдан бери Германияны башкарып келе жаткан Меркель айым жылына 244 миң доллар айлык алат. 

© Sputnik / Алекс Макнотон
Улуу Британиянын премьер-министри Тереза Мей

Улуу Британиянын премьер-министри Тереза Мей — 198 миң доллар

Үч жылдан бери Улуу Британиянын өкмөтүн жетектеп келе жаткан Тереза Мейдин жылдык кирешеси 198,5 миң долларды түзөт. 

 Президент РФ Владимир Путин на брифинге после переговоров
© Sputnik / Табылды Кадырбеков
Россиянын президенти Владимир Путин

Россиянын президенти Владимир Путин — 133,8 миң доллар

Владимир Путиндин 2017-жылкы декларациясында 8 648 353 рубль (133,8 миң доллардын тегереги) иштеп тапканы жазылган. 

Интервью с президентом Армении Арменом Саркисяном
© Sputnik / Евгений Одиноков
Армениянын президенти Армен Саркисян

Армениянын президенти Армен Саркисян — 24 миң доллар

Армениянын мамлекет башчысы жылына 24 миң доллардын тегерегинде айлык алат. Бул тууралуу ал кайрымдуулук максатында кайсы бир фондго алты айлык маянасын бергенде белгилүү болду. Тагыраагы, Саркисян "жарым жылдык айлыгым" деп 5,7 миллион драм (12 миң доллардын тегереги) бөлгөн.

Председатель КНР Си Цзиньпин принимает участие в заседании Совета глав государств - членов Шанхайской организации сотрудничества (ШОС) в расширенном составе в Циндао.
© Пресс-служба президента КР / Султан Досалиев
Кытайдын президенти Си Цзиньпин

Кытайдын президенти Си Цзиньпин — 20 миң доллар

Кытай Эл Республикасынын төрагасынын айлыгы анча көп эмес. 2015-жылы окладын 62 пайызга көтөргөндөн кийин жылына 20,5 миң доллардан маяна алат. 

 Президент КР Сооронбай Жээнбеков во время совместного заявления с лидером РФ Владимиром Путиным
© Sputnik / Табылды Кадырбеков
Кыргызстандын президенти Сооронбай Жээнбеков

Кыргызстандын президенти Сооронбай Жээнбеков — 12 миң доллар

Сооронбай Жээнбековдун 2017-жылдагы декларациясында жыл ичинде 891 миң сом иштеп тапканы көрсөтүлгөн. 

Президент США Дональд Трамп на конференции консервативных активистов в Мэриленде
© AFP 2019 / NICHOLAS KAMM
АКШнын президенти Дональд Трапм — 1 доллар

АКШнын президенти Дональд Трапм — 1 доллар

АКШ президентинин жылдык айлыгы 400 миң долларга жетет. Бирок Трамп бул айлыктан баш тарткан. Анткен менен ал мыйзамга ылайык, жылына жок дегенде мамлекеттен 1 доллар алып турушу керек. https://sputnik.kg/politics/20161114/1030264268/tramp-bir-dollarga-ishtejt.html

Президент Грузии, кандидат в президенты Саломе Зурабишвили позирует в своем предвыборном штабе в Тбилиси.  9 ноября 2018 года
© AFP 2019 / Vano Shlamov
Грузиянын президенти Саломе Зурабишвили

Грузиянын президенти Саломе Зурабишвили айлык албайт

Өткөн жылдын аягында президенттик тактыга отурган Зурабишвили президенттик айлыктан баш тарткан. Бул жерде кайсы сумма жөнүндө айтылып жатканы белгисиз, бирок айлыгынын бир ларисин (Грузиянын акча бирдиги — ред.) дагы албай, муктаж болгондорго жардам болсун деп президенттик фондусуна которот.

4088
Белгилер:
киреше, айлык-акы, президент
Тема боюнча
Сагынбаев: зоомузейдеги кызматкерлердин айлыгы 4 миң сомдон ашпайт
Президенттердин күйөө балдары. Борбор Азия ажолорунун кыздары кимге бүлө
Айгүл Токоева менен Зироатхон Хошимованын артынан келгендер. КМШнын жаңы канайымдары