Малина. Архивдик сүрөт

Аймактардагы азык-түлүктү экспорттогондор жеңилдетилген насыя ала алышат

103
Ишкерлерге коммерциялык банктардан 3-5 жылга чейин жылдык 8-10 пайыздык коюм менен узак мөөнөттүү насыя берилмекчи.

БИШКЕК, 7-май — Sputnik. "Иштетүүчү жана кайра иштетүүчү ишканаларды каржылоо" долбоорунун алкагында экспорттоочуларга жеңилдетилген насыя берилет. Тийиштүү буйрукка премьер-министр Мухаммедкалый Абылгазиев кол койду.

Аталган долбоорду өкмөт 2019-жылдын майынан тартып ишке киргизет. Анын башкы максаты — аймактардагы өндүрүлгөн продукцияны экспорттогон жана экспортко багытталган жаңы ишканаларды ачкан ишкерлерге финансылык колдоо көрсөтүү.

Тамак-ашты кайра иштетүү жана жеңил өнөр жай тармагында өз ишмердүүлүгүн жүргүзгөн атамекендик ишканалар (Бишкек жана Ош шаарларынан тышкары) коммерциялык банктардан 3-5 жылга чейин жылдык 8-10 пайыздык коюм менен узак мөөнөттүү жеңилдетилген насыяларды ала алышат.

Буга чейинки "Экспортко багытталган жана импортту алмаштыруучу ишканаларды каржылоо-1" долбооруна салыштырмалуу жаңы долбоордо патенттик негизде ишмердүүлүгүн жүргүзгөн тигүү ишканалары үчүн жеңилдетилген насыя каражаттарын (негизги каражаттарга 1 миллион сомдон ашык эмес жана жүгүртүү каражаттарына 500 миң сомдон ашуун эмес) алуу укугу каралган.

Долбоорду ишке ашыруу тандалган коммерциялык банктар аркылуу берилген насыя каражаттарынын пайыздык коюмдарын субсидиялоо жолу менен жүргүзүлөт. Тийиштүү финансылык ресурстар өлкө бюджетинде каралган.

103
Белгилер:
азык-түлүк, насыя, экспорт, ишкер, өкмөт
Тема боюнча
Ипотека берген банктардын шарты
Банк адиси ипотека алууда эмнелерге көңүл буруу керектигин айтты
Эрке элем, анан көргүлүктү көрдүм... Москвада бизнес империя түзгөн Адилеттин баяны
Кыргыз-казак чек арасында кезекте турган жүк ташуучу автоунаалар

Чек арадагы фуралардын узун кезеги Бишкектин жасаган чагымы. Казакстан үн катты

214
(жаңыланган 17:32 05.06.2020)
Билдирүүгө караганда, транзит катары белгиленген товардын 17 пайызы Казакстандын ичинде калып жатат. Мындан улам бюджетке тиешелүү сумма киреше катары түшпөй калууда.

БИШКЕК, 5-июн. — Sputnik. Кыргыз-казак чек арасындагы жүк ташуучу автоунаалардын узак кезекке туруп калышы — Бишкектин кырдаалды курчутуу аракети. Бул тууралуу Sputnik Казакстан агенттигинин Telegram-каналы Мамлекеттик кирешелер комитетине таянуу менен жазды.

Казакстанга кирүү май айынын соңунан тарта кыйындай баштаган. Өкмөттөн 300-400 фура кезекте турганын айтышкан. Мындан улам Sputnik Кыргызстан жеринен репортаж жасаган.

Аталган комитеттин маалыматына караганда, Бишкекке чек арада автоунааларды узакка текшерүүлөр жакпай жатат. Ошондой эле транзит катары белгиленген товардын 17 пайызы Казакстандын ичинде калып жатканы айтылды. Мындан улам бюджетке тиешелүү сумма киреше катары түшпөй калууда.

Мамлекеттик кирешелер комитетинен билдиришкендей, февраль айындагы жолугушуу маалында кыргыз тарапка жүктөр боюнча маалымат алмашып, навигациялык кулпуларды пайдалануу сунушталган.

"Бул нерсе мыйзамдуу соода-сатык иштерин уюштурууга жана эки өлкөнүн тең казынасына көбүрөөк киреше түшүрүүгө жардам бермек. Бирок Кыргызстан жолугушуунун протоколуна кол койбой койгон. Кийин почта аркылуу жөнөтүлгөн документке дагы жооп берген эмес", — деп айтылат билдирүүдө.

Кыргыз-казак чек арасындагы Акжол көзөмөл-өткөрүү пункту. Архивдик сүрөт
© Пресс-служба правительства / Сабыр Аильчиев
Казак тарап чек арадан суткасына 200 фура өтөт деген маалыматын айткан. Ар бир жүк ташуучу автоунааны текшерип, коё бергенге 15-20 мүнөт кетет. Учурда Кыргызстан менен чек арада аларды тейлеген эки пункт иштеп жатат. Алар жогоруда айтылган гана автоунааларды карайт.

Кечээ, 4-июнда, Кыргызстандын вице-премьери Эркин Асрандиев абалды оор деп баалаган. Ал чек арага барып, абалды өз көзү менен көргөндүгүн айткан.

"Жеке өзүм айдоочуларды Казакстандын чек арасынан Кыргызстанга өткөрүү тартибин көрдүм. Ал паспорттук көзөмөлдөн, андан аркы көзөмөлдөө үчүн медицина кызматкерлеринин анкеталык маалыматтарын топтоодон, вирустун бар-жогуна анализ тапшыруудан турат. Андан соң жүк ташуучу Кыргызстандын аймагында тесттин жыйынтыгын күтөт. Өлкөгө кирүү тартиби дагы татаал эмес. Ал эми казак тараптан бардыгы жай жүргүзүлүүдө", — деген Асрандиев.

Вице-премьер бул көйгөйдү чечүү үчүн ЕАЭБ аянтын колдонууну айткан. Анын пикиринде, кептин баары, кыйынчылыктын көбү ички чек аралардан келип чыгууда. Кыргызстан былтыртан тарта ЕАЭБ регламентинин алкагында Коллегияга кайрылып келе жаткандыгын айткан. Ал учурда чек арада оор жүк ташыган айдоочулардан жогорудагыдай абалда калышын атайын жасалган тоскоолдук деп баалап, биримдиктин ички макулдашууларына каршы келерин кошумчалаган.

214
Белгилер:
көзөмөл, Евразиялык экономикалык биримдик, Эркин Асрандиев, Казакстан, Кыргызстан
Тема боюнча
Жагдай оор. Асрандиев кыргыз-казак чек арасындагы тыгындын себебин айтты
Кыргыз-казак чек арасындагы тыгын. Айдоочулардын көйгөйүн баяндаган видеорепортаж
Антисептик жана медициналык бет каптар. Архив

Өкмөт бет кап, антисептик чыгарууну эртелетүүгө жардамдашмай болду

47
(жаңыланган 12:32 05.06.2020)
Өкмөт мамлекеттик органдарга компаниялардын вирустан коргой турчу каражаттарды чыгаруусуна жардамдашканга тапшырма берген.

БИШКЕК, 5-июн. — Sputnik. Ата мекендик компанияларга бет кап жана антисептиктерди чыгарууну эртерээк баштоого көмөктөшүү зарыл. Бул тууралуу Республикалык ыкчам штабдын жыйынында айтылганын өкмөт кабарлады.

Ага ылайык, тиешелүү тапшырма мамлекеттик органдар менен жергиликтүү бийлик органдарына берилген.

Ошондой эле үй карантинин сактоо, коомдук жайларда дезинфекция иштерин жүргүзүү маселелери талкууланган.

"COVID-19 илдети аныкталган бир бейтап инфекцияны шаардын үч ири базарынын биринен жуктурушу божомолдонуп жатканы маалым. Буга байланыштуу муниципалитетке бардык санитардык-эпидемиологиялык чараларды күчөтүү сунушталды. Базарларда вирусту жуктуруунун жогорку тобокелдиги байкалууда, көпчүлүк жарандар бет кап тагынбай, аралыкты сактабай жатышат", — деп айтылат маалыматта.

Бишкек мэриясы калаанын бардык базарларында бирдиктүү стандарт киргизилгенин билдирген. Ага ылайык, мекеменин жетекчилиги санитардык талаптардын сакталышы үчүн жоопкерчилик алат.

47
Белгилер:
жардам, компания, антисептик, бет кап, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бала бакча кызматкерлери COVID вирусуна анализ тапшырат

Акыйкаттык орнобосо, тынчтык болбойт! АКШда эл Флойд менен коштошкон видео

0
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

0
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат