Радиорелейдий антенна. Архивдик сурөт

Ишке кире элек "КТ Мобайл" мамкомпаниясынын карызы 170 млн. сомду түздү

244
Мамлекеттик компания 2003-жылы түзүлүп, уюлдук байланыш кызматын көрсөтүү боюнча лицензиясы бар.

БИШКЕК, 14-май — Sputnik. "КТ Мобайл" мамлекеттик компаниясынын карызы 2018-жылдын жыйынтыгы менен 170 миллион сомду түздү. Бул тууралуу компаниянын техникалык директору Николай Дмитриенко маалымат жыйында билдирди.

Мамлекеттик компания 2003-жылы түзүлүп, уюлдук байланыш кызматын көрсөтүү боюнча лицензия алган.

"Былтыр декабрь айынын жыйынтыгы менен компаниянын карызы 170 миллион сомду түздү. Анын кайсы бир бөлүгү төлөндү. Азыр канча калганын так айта албайм. Карыздын басымдуу бөлүгү радиожыштыкты колдонуудан улам пайда болгон", — деди Дмитриенко.

Компаниянын башкы директорунун орун басары Эрназар Иманкадыр уулунун айтымында, ишкана иштеп баштаса эле жарым жылдын ичинде карыздардан кутулууга болорун белгиледи. Компания "Альфа Телеком" ЖЧКсынын (MegaCom бренди) базасында ачылат. Кирешенин 67 пайызы MegaCom компаниясына берилет. "КТ Мобайл" толук иштей баштагандан тарта киреше теңме-тең бөлүнөт. Ал ошондой эле жаңы уюлдук операторду виртуалдык деп атоо туура эмес экенин кошумчалады.

"Виртуалдык оператор өзүнүн жыштыгы жана лицензиясы болбогондуктан башка компаниянын байланыштарын колдонуп кызмат көрсөтөт. "КТ Мобайл" компаниясын виртуалдык жана толук иштеген компания катары таануу керек. Анткени өзүнүн жыштыгы бар. Ал ошондой эле өнүккөн мамлекеттерде виртуалдык операторлор рыноктун 30-40 пайызын ээлейт", — деди ал.

Эрназар Иманкадыр уулу өз сөзүндө кардарлар үчүн тандоонун көп болгону жакшы экенин айтып, аларды жаңы технологиялар жана жаңы тарифтер менен тартарын белгиледи. Ал өз сөзүндө компания 8-майда ишке кирмектигин айтты.

"Биз даяр болчубуз, бирок "Альфа-Телекомдун" техникалык мүчүлүштүктөрүнөн улам иштей албай калдык", — деди Иманкадыр уулу.

Компаниянын өкүлдөрү акыркы учурда аларды каралаган аракеттер көрүлүп, терс маанайдагы маалыматтар тарап жатканын белгиледи.

Ошондой эле компаниянын лицензиясы жыл аягына чейин жарамдуу экенин, ал аяктаганга чейин ишти баштоо зарылдыгын белгиледи. Мындан тышкары, башка операторлор менен кызматташуу варианты да каралышы мүмкүн экенин кошумчалады.

244
Белгилер:
Кыргызстан, карыз, уюлдук байланыш
Тема боюнча
"Юнистрим" мобилдик тиркемеси эми кыргыз тилинде тейлейт
Россиядагы Калининград шаарында мигранттар. Архив

Жогоруладыбы же түштүбү? COVID-19дун Россиядан которулган акчага таасири

40
(жаңыланган 02:05 30.05.2020)
Акча которуу системасы эл аралык агымдын көлөмү бул жазда азайып кеткендигин көрсөттү. Россиядан жакынкы чет өлкөлөргө жасалган которуулар апрелде кээ бир компанияларда 50 пайызга ылдыйлаган.

Мында көрсөткүчтөр көптөгөн эмгек мигранттары пандемиядан улам мекенине кайтып же Россияда ишсиз калганы менен байланыштуу болду. Sputnik учурда акча которуу рыногунда эмне болуп жатканына көз салып, кийинкиге божомол кылып көрдү.

Апрелдеги которуулар жарымына чейин азайды

Апрель айында рынокто Россиядан жакынкы мамлекеттерге жасалган эл аралык которуулар кадимкидей түштү. Эгерде мартта төмөндөө 5-10 пайыз (2019-жылдын март айына караганда) болсо, апрелде 50 пайызга жетти. Бул маалыматты "Золотая корона – Денежные переводы" кызматынын директору Иван Ситнов айтып берген. Азыр майдагы көрсөткүч 25-30 пайызда турат.

Денежные переводы в страны СНГ в 2019 году
© Sputnik
КМШ өлкөлөрүнө акча которуулар

Мындай абал "Юнистримде" да байкалган. Sputnik агенттигине Эл аралык которуулар кызматынын президенти Ксения Чернышева апрелде мартка караганда 34 пайызга түшкөндүгүн айтып берген. Майда апрелге карата 10 пайызга төмөндөө боолголонуп жатат.

Аналитик группы компаний Финам Алексей Коренев
"Финам" компаниясынын серепчиси Алексей Коренев
"Россиядан жакынкы мамлекеттерге которулган акчалардын көп бөлүгү мигранттардын мекенине, үй-бүлөсүнө жиберген каражаты. Мартта абал мынчалык курч болгон эмес, бир катар ишканалар иштеп жаткан. Апрелде алар токтоп калды. Көбү мекенине кайтканга мажбур болду же кырдаалдын жакшырышын күтүп отуруп калды. Тагыраагы, үйүнө жибергенге эч нерсеси калган жок", — деген "Финам" компаниялар тобунун серепчиси Алексей Коренев жаздагы которуулар көлөмүнө байкоо салып.

Western Union кызматынан апрелде мартка караганда которуулардын көлөмү азайганын айтышкан.

КМШ өлкөлөрүнүн экономикасына урулган сокку

Директор системы Золотая Корона – Денежные переводы Иван Ситнов на VI ежегодной церемонии вручения премии Банк года по версии портала banki.ru в Lotte Hotel Moscow.
© Sputnik / Валерий Левитин
"Золотая корона – Денежные переводы" кызматынын директору Иван Ситнов
"КМШ өлкөлөрүнүн көп бөлүгүнө Россиядан түшкөн акча – бюджетти кадимкидей эле толтурган каражат. Бул валюта андан аркы тышкы соода операцияларын жасоого көмөкчү болот. Андыктан ачка которуу Кыргызстан жана Тажикстан үчүн зор роль ойнойт. Алар үчүн күткөн акчанын түшпөй калышы чоң эле сокку", — деген Ситнов.

Тармактарды жандандырууга эмне жардам берет?

Иван Ситновдун пикирине караганда, акча которуу рыногунун кайра калыбына келишине эки фактор таасир этет. Алар — жеке адамдарды тейлеген жайлардын ачылышы жана эл аралык аба каттамдарынын иштеши.

"Биз май айында Москвада бир катар чектөөлөр алына тургандыгын көрүп турабыз. Бир катар пункттар иштеп, аз болсо да өсүү байкалды. Ал эми чек араларга келсек, эл Россияга акча тапканга учуп келе турган маалда жабылып калды. Чек ара кандай ачылары менен абал жакшырат. Бул Россияга иштөө үчүн эл учуп келгенде болот. Бирок мунун качан болорун билбейбиз. Балким, бир ай, балким, эки ай кетет. Алдын алып айтуу кыйын. Бардыгы коронавирустан улам абалга байланыштуу болот", — деп эсептейт "Золотая корона" кызматынын өкүлү.

Алексей Коренев болсо төмөнкүчө айтты.

"Азыр курулуш, жолдорду оңдоо иштерин башташат. Иштей турган кишилер керек, муктаждык болгон соң мигранттар Россияга кайрадан келет. Маселе башкада – эмгек рыногу өзгөрүшү мүмкүн", — деген аналитик.

Ал дагы бир пикири менен бөлүшкөн.

Эгерде пандемияга чейин Россиянын жарандарынын арасынан кара жумушка байланышкан, ачык абада, эшикте иштеген иштерге кызыгуу анчалык жаралбай мигранттарга тийсе, эми башкача болот. Келгендер атаандаштыкка кабылып, россиялыктар да ал иштерге, тагыраагы, мигранттардын жумушуна ыктай баштайт.

КМШнын экономикалык ишкер өнүгүү борборунун башкы директору Владимир Савченко да акча которуу өнөр жай активдүүлүгүнө байланыштуу деп эсептейт. Анын пикиринде, эгерде баары ойдогудай болсо, эки-үч айдан кийин калыбына келе баштайт.

40
Белгилер:
орун, иш, атаандаштык, Акча которуулар, коронавирус, Мигрант, Россия
Тема боюнча
Бир айдан кийин өлкөдөгү бардык май куюучу жайлар тыкыр көзөмөлдөнө баштайт
Асрандиев: КМШ аймагында жүктү тоскоолдуксуз ташууга шарт түзүшүбүз керек
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

432
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

432
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады