Акча каражаттары. Архив

Бир ай ичинде кыргызстандыктардын колундагы акча кескин көбөйдү

291
(жаңыланган 09:50 16.05.2019)
Адатта экономисттер каражаттын көбөйүшү баанын жогорулашын шарттайт деген божомолду айтып келишет.

БИШКЕК, 16-май — Sputnik. Апрель айынын жыйынтыгы менен элдин колундагы акчанын көлөмү 2,6 миллиард сомго өстү. Бул тууралуу Улуттук банк билдирди.

Мында кеп улуттук валюта тууралуу гана болууда, чет элдик валюта эсепке алынбайт.

1-апрелге карата кыргызстандыктардын колундагы каражаттын көлөмү 90 миллиард 14 миллион сомду түзсө, 1-майга карата 92 миллиард 621 миллион сом болду. Акча эмненин эсебинен көбөйүп жатканы айтылган жок.

291
Белгилер:
валюта, Улуттук банк, акча
Тема боюнча
Эл Улуттук банктан бир нече миңдеген алтын куймасын сатып алды
Алча түшүмү. Архив

Кыргызстан азык-түлүктүн жаңы түрлөрүн Кытайга экспорттоону көздөп жатат

109
(жаңыланган 23:48 19.09.2020)
Мамлекет башчы фермерлер Кытайга таза бал, гилас, коон, ун, сүт азыктарын сатууга мүмкүнчүлүк алышканын белгиледи.

БИШКЕК, 19-сен. — Sputnik. Кыргызстан бир катар жаңы азык-түлүктүн түрлөрүн Кытайга экспорттоонун үстүндө аракеттерди көрүп жатат. Бул тууралуу президент Сооронбай Жээнбеков "Биринчи радиого" берген кезектеги маегинде айтты.

Кытайдын тышкы иштер министри Ван Инин жакында эле Кыргызстанга келген иш сапары тууралуу суроого жооп берип жатып, өлкө башчы Кытай Кыргызстан үчүн чоң рынок экенин белгиледи.

"Алар биздин экологиялык таза азыктарыбызга кызыкдар. Биз мына ушул багытты күчөтүү ниетибиз бар экенин билдирдик. Тышкы иштер министри Ван И мырза жардам берерин билдирип, колдоду", — деп белгиледи мамлекет башчы.

Президенттин айтымында, экспорт маселеси Кытайдын төрагасы Си Цзиньпин Бишкекке Шанхай кызматташтык уюмунун саммитине келгенде дагы талкууланган.

"Кытай бизге чектеш, жакын. Бизден өндүрүлгөн азык-түлүктү Кытайдын Кашкар, Синьцзян аймактарына алып киргенге ыңгайлуу. Кытай башчысы "Кыргызстандын продукциясы эл аралык стандартка жооп берет, экологиялык жактан таза" деп, бизде өндүрүлгөн айыл чарба продукциясын тааныштырып, даамын көргөн. Ошондон кийин иш жыла баштады", — деди президент.

Жыл башынан бери КР кайсы мамлекеттерге канча азык-түлүк экспорттоду. Тизме

Жээнбеков фермерлер Кытайга таза бал, гилас, коон, ун, сүт азыктарын сатканга мүмкүнчүлүк алышканын белгиледи. Бирок коронавирус илдети чыккандан улам бул иш токтоп калган.

Президент кошумчалагандай, тиешелүү мамлекеттик органдар Кытайга буурчак, жүзүм, картошка, абрикос, жүгөрү, эт азыктарын жана башка айыл чарба продукцияларын экспорттоо боюнча сүйлөшүүлөр башталды.

109
Белгилер:
экспорт, экономика, Кытай, Сооронбай Жээнбеков
Тема боюнча
Президент Жээнбеков аны сындаган талапкерлер боюнча оюн айтты
Темир жол куруу иштери. Архив

Жээнбеков: Кытай Кыргызстан Өзбекстан темир жолун курууга Россия да кызыкдар

94
(жаңыланган 16:35 19.09.2020)
Өлкө башчы долбоорду ишке ашыруу үчүн учурда Кытай, Кыргызстан, Өзбекстан жана Россия мамлекеттеринин ортосунда (3+1 форматында) сүйлөшүүлөр активдүү жүрүп жатканын белгиледи.

БИШКЕК, 19-сен. — Sputnik. Кытай — Кыргызстан — Өзбекстан темир жолун куруу долбоорун ишке ашырууга Россия дагы катышкысы келип жатат. Бул тууралуу өлкө башчы Сооронбай Жээнбеков "Биринчи радиого" берген маегинде билдирди.

Анын айтымында, бул долбоорду ишке ашыруу үчүн учурда Кытай, Кыргызстан, Өзбекстан жана Россия мамлекеттеринин ортосунда (3+1 форматында) сүйлөшүүлөр активдүү жүрүп жатат.

"Бул долбоор бизге аба менен суудай керек. Аны сөзсүз ишке ашыруу зарыл. Кечээ илдет чыгып, пандемия башталып, чек аралар жабылганда биз оор абалда калдык. Темир жол абдан керек экенин дагы бир жолу көрдүк. Долбоорду ишке ашыруу боюнча эксперттер иштеп жатат. Жалпылап алганда ал долбоорго Кытай тараптын кызыгуусу бар. Темир жол долбооруна Россиянын катышуусу тууралуу да РФ менен сүйлөшкөнбүз. Азыр "Россия темир жолдору" бул маселе боюнча биздин темир жолдор менен тыгыз байланышта иштей баштады", — деди өлкө башчы.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

Эске салсак, 14-сентябрда Кыргызстанга расмий иш сапары менен Кытайдын тышкы иштер министри Ван И келип, өлкө башчы Жээнбеков менен жолугушкан. Анда тараптар аталган долбоор тууралуу да кеп кылганы маалым болгон.

94
Белгилер:
долбоорлор, темир жол, Россия, Өзбекстан, Кытай, Кыргызстан
Тема боюнча
Факты болсо, жаза да болот. Жээнбеков добуш сатып алуу боюнча пикирин айтты
Сооронбай Жээнбеков: кудай алдында, өз абийиримдин алдында тазамын
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

0
(жаңыланган 16:12 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бурхара облусунун акмиаты тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

0
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты