Чек арада кезекте турган жүк ташуучу унаалар. Архив

Өкмөт товарларды чек арадан өткөрүүнү жөнөкөйлөштүрүү маселесин карады

81
(жаңыланган 19:47 31.05.2019)
Оңолбеков чек ара аркылуу оор жүк ташуучу унааларды өткөрүү кырдаалын турукташтыруу үчүн ведомство тарабынан бардык зарыл чаралар көрүлүп жаткандыгын маалымдады.

БИШКЕК, 31-май — Sputnik. Премьер-министр Мухаммедкалый Абылгазиев Кыргызстандан Казакстан аркылуу үчүнчү өлкөгө товар ташуу шарттарын жеңилдетүү тууралуу казак тарап менен жетишилген макулдашууларды ишке ашыруу маселеси боюнча кеңешме өткөрдү. Бул тууралуу өкмөттүн маалымат кызматы билдирди.

Кеңешменин жүрүшүндө Кыргызстандан товарларды экспорттоонун учурдагы абалына, бажылык түзүү шарттарына жана жалпы товардык продукцияларды Казакстандын аймагы аркылуу өткөрүү процесстерине байланыштуу маселелер талкууланды.

Мамлекеттик бажы кызматынын төрагасы Алмаз Оңолбеков Казакстандын Финансы министрлигинин Мамлекеттик кирешелер комитетинин төрагасы Марат Султангазиев менен жолугушуунун жыйынтыгы тууралуу айтып берди.

Андан сырткары, Кытайдан Казакстанга жана Кыргызстанга ташылган товарлардын баасын шайкештөө жана аларды эл аралык өз ара соодада колдонууну камсыздоо иштерин улантууга макулдашышты.

"Ошондой эле Кыргызстандан Казакстан аркылуу товар ташууда, анын ичинде Кытайдан Россияга жана башка өлкөлөргө товар ташууда казак тарап статистика түзүү максатында документтердеги жалпы маалымат менен чектери тууралуу макулдашылды", — деди ал.

Оңолбеков андан сырткары чек ара аркылуу оор жүк ташуучу унааларды өткөрүү кырдаалын турукташтыруу үчүн ведомство тарабынан бардык зарыл чаралар көрүлүп жаткандыгын маалымдады.

Премьер-министр чек арадан тоскоолдуксуз өтүү шарттарын сактоо боюнча жүк ташуучулар арасында түшүндүрүү иштерин жүргүзүүнү тийиштүү мамлекеттик органдарга тапшырды. Муну менен бирге, Мамлекеттик бажы кызматына салык салуу боюнча натыйжалуу механизмдерди иштеп чыгуу керектигин айтты.

81
Белгилер:
Казакстан, чек ара, Мухаммедкалый Абылгазиев
Тема боюнча
ЕАЭБ саммитинин жыйынтыгы менен 23 документке кол коюлду. Тизме