Акча каражаттары. Архив

Эми жарандар бюджетти түзүүгө катыша алат. Жол-жобосу

172
Бул үчүн "Жарандардын онлайн кайрылуусу" сервиси ишке кирди.

БИШКЕК, 5-июн. — Sputnik. Мындан ары кыргызстандыктар келерки жылга карата республикалык бюджетти түзүүгө катыша алат. Бул тууралуу Финансы министрлигинин сайтында жарыяланды.

Бул үчүн министрлик "Жарандардын онлайн кайрылуусу" сервисин ишке киргизди.

Анын жардамы менен жарандар реалдуу убакыт режиминде Финансы министрлигине кайрылуу жазып, өздөрүн кызыктырган суроолорго жоопторду ала алышат.

"Ошондой эле жарандар 2020-2022-жылдарга республикалык бюджеттин долбоорун көрүп, кезектеги жылга бюджеттин мазмуну боюнча өз сунуштарын жана сын-пикирлерин калтыра алат", — деп айтылат билдирүүдө.

Ой-пикир калтыруу үчүн "Жарандардын онлайн кайрылуусу" сервисине шилтемеси аркылуу кирип, мамлекеттик же расмий тилде билдирүү калтырса болот.

172
Белгилер:
жаран, сервис, бюджет, Финансы министрлиги
Тема боюнча
Эми тендерди уткандар жергиликтүү товарды алууга аракет кылышы шарт
Дүкөндөгү баштыктарга салынган шекер. Архив

Өкмөт кымбаттап жаткан май менен кумшекерге бирдиктүү баа коюуну сунуштады

82
Кыргызстанда кумшекерге болгон баа былтыркыга салыштырмалуу дээрлик 46 пайызга, ал эми суу майы 54,6 пайызга кымбаттады.

БИШКЕК, 2-мар. — Sputnik. Суу май менен кумшекердин баасын ооздуктоо үчүн мамлекеттик жөнгө салуу чарасын колдонуу сунушталууда. Бул тууралуу маалымат Экономика министрлигинин сайтына жарыяланды.

Министрлик дүйнөдөгү эпидемиологиялык абалга байланыштуу өлкөгө киргизилген өзгөчө кырдаалды эске алуу менен ушундай сунуш берип жатканы айтылат. Анда суу май менен кумшекердин эң жогорку баасын бекитүү чарасын өзгөчө кырдаал режими бүткөнгө чейин киргизүү каралган.

Мындай кадам ЕЭАБ жөнүндөгү келишимдин (№19 Жобо) Конкуренциялык эрежелер жана жалпы жоболор жөнүндөгү протоколунун 81-пунктуна таянуу менен жасалып жатканы айтылды.

Белгилей кетсек, Кыргызстанда кумшекерге болгон баа былтыркыга салыштырмалуу дээрлик 46 пайызга, ал эми суу майы 54,6 пайызга кымбаттады.

82
Белгилер:
өзгөчө кырдаал, бекитүү, баа, Кумшекер, суу май
Тема боюнча
Кыргызстанда бир жылда азык-түлүктүн баасы канчага кымбаттады. Статистика
Темир жол вокзалында нефть продуктуларын цистерналары. Архив

Өкмөт мунай заттарын сыртка ташып чыгууга тыюу салуу ниетинде

126
(жаңыланган 22:26 01.03.2021)
Кыргызстанда жылдын башынан тарта автоунаа майынын баасы өсүп келе жатат. Бул мезгил аралыгында бензин 14 сомго кымбаттап кеткен.

БИШКЕК, 1-мар. — Sputnik. Кыргыз өкмөтү мунай заттарын Евразиялык экономикалык биримдиктин бажы чегинен сырткары ташып чыгууга убактылуу тыюу салууну сунуштап жатат.

Бул боюнча токтом долбоору өкмөттүн сайтына жарыяланды.

Бийлик муну менен Кыргызстандагы күйүүчү-майлоочу майлардын тартыштыгын алдын алууга аракет кылууда.

Эгерде токтом долбоору кабыл алынса, ал үч күндөн соң күчүнө кирип калат. Тыюу салуу ЕАЭБдин мунай жана мунай заттары боюнча жалпы рынокторун түзгөнгө чейин уланышы мүмкүн.

2021-жылдын башынан тарта 1-мартка чейин россиялык өндүрүштөн чыккан бензиндин тоннасы 300 доллардан 500 долларга чейин өскөн. Кымбаттоо 67 пайызды түзүп, орточо эсеп менен алганда күйүүчү майдын литрине 14 сомдон туура келген. Дизель майдын тоннасы 360 доллардан 470ке чыккан. Пайыздык көрсөткүч менен эсептей келгенде 14 болгон. Бул литрине сегиз сом дегенди билдирет.

126
Белгилер:
кымбаттоо, Зат, мунай, Евразиялык экономикалык биримдик, Кыргызстан
Тема:
ЕАЭБдеги Кыргызстан
Тема боюнча
ЕАЭБ чек арасында ветеринардык, фитосанитардык көзөмөл жүргүзүүгө тыюу салынды
Кыргызстан мамлекеттик карыздан кутулууга үч жылда 123 млрд. сом жумшайт
Көйкашка коомдук бирикмесинин мүчөсү, манасчы Нурбек Талантбеков

Талантбеков: бута деген сөздү бир нече мааниде колдонсо болот

0
(жаңыланган 13:08 02.03.2021)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосундагы кездешкен көөнө сөздүн маанисин чечмелеп берди.

Бута деген сөздү бир нече мааниде колдонсо болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Талантбеков: бута деген сөздү бир нече мааниде колдонсо болот

Анын айтымында, бута сөзүнүн орусча алганда "мишень" деген маанисин көпчүлүк билет.

"Эпосто Алмамбет Карагулду туткундап алайын дегенде ал "бутага сөзүң илинди, сенин буруттугуң билинди" деп билип калганы айтылат. Мында "сөзүң назарга илинди" деген мааниде айтылууда. Бул сөздү өтмө мааниде ар кандай колдонсо болот. Ошол эле учурда бутанын бир нече түз мааниси бар. Алсак, бута атып тийгизе турган атайын жер же буюм. Дагы бир маанисинде майда бадал жана дарактын бутактарын кыркууну дагы ушул сөз менен түшүндүрсө болот. Башка маанисинде баалуу кездеме же андан тигилген кийим дагы аталган сөз менен берилет", — деди Талантбеков.

Манасчы эпостогу колдонулбай калган ар бир сөз тилди байытууга көмөк болорун кошумчалады.

0
Белгилер:
тил, Манас, сөз, Нурбек Талантбеков
Тема боюнча
Талантбеков: күч түзүмдөрүнүн бир бөлүгү "бөгөл" делген
Талантбеков: "Манас" эпосунда брусчатка "таш таман" деп айтылган