Алтын куймалары. Архив

Улуттук банктагы алтындын запасы эң жогорку көрсөткүчкө жетти

174
(жаңыланган 11:49 08.06.2019)
Былтыркы жылдын аягында Улуттук банкта 11 тоннага чейин алтын бар болчу.

БИШКЕК, 8-июн. — Sputnik. Кыргызстандын улуттук банкындагы алтындын запасы 1-майга карата 36 миллиард сомду түзгөн. Бул тууралуу каржыны жөнгө салуу мекемесинин сайтында жазылган.

Билдирүүгө ылайык, апрель айынын башына салыштырмалуу алтындын запасы 350 миллион сомго көбөйгөн. Бул бардык маалыматтар ачык, жеткиликтүү болуп калган убакыттан, тагыраагы, 2008-жылдан берки рекоддук көрсөткүч.

2008-жылдын 1-январына карата Кыргызстандын 2,5 миллиард сомго бааланган алтыны бар экени айтылган.

Андан соң бул сан жогорулай баштаган. Былтыркы жылдын ноябрь айында Улуттук банктагы алтындын кору 10,8 тонна болчу. Негизи баалуу таштын көпчүлүк бөлүгү 2011-жылы сатып алынган.

Алтын валюта запасы (эл аралык валюта резерви) Улуттук банкка сомдун курсун кармап турууга мүмкүнчүлүк берет.

Резерв ондон ашык валютадан жана алтындан турат.

174
Белгилер:
запас, алтын, Улуттук банк
Тема боюнча
Кыргызстандын запаста канча алтыны бар? Сомго тийгизген таасири
2019-жылдын январь-мартындагы орточо айлык эмгек акы. Сандар