Акча каражаттары. Архив

Кыргызстанда элдин колундагы акчанын көлөмү болуп көрбөгөндөй көбөйдү

273
Бир ай ичинде жүгүртүүдөгү акча дээрлик 2,6 миллиард сомго өстү.

БИШКЕК, 13-июн. — Sputnik. 1-июнга карата элдин колундагы каражат 95,2 миллиард сомдон ашканын Улуттук банктан кабарлашты.

Жүгүртүүдөгү акча — бул насыялык уюмдардын кассаларында калган каражатты эске алуу менен эсептелген элдин каражаты. Кеп улуттук валюта туурасында гана болуп жатат.

Улуттук банктын маалымат кызматынын билдиргенине караганда, бул — финансылык регулятордун маалыматтары жарыялана баштаган 2007-жылдан берки рекорддук көрсөткүч. Май айында жүгүртүүдөгү акча дээрлик 2,6 миллиард сомго өскөн.

Буга чейинки рекорд 93,5 миллиардан бир аз ашыгыраак суммасы менен быйылкы жылдын 1-январында байкалган.

Бирок мындай көрүнүштүн күнгөйү менен тескейи боло турганын айткан экономисттер өтө көп болуп кеткен өсүш инфляцияга алып келе турганын эскертти.

273
Белгилер:
акча, Улуттук банк, Кыргызстан
Тема боюнча
Улуттук банктагы алтындын запасы эң жогорку көрсөткүчкө жетти
Эми жарандар бюджетти түзүүгө катыша алат. Жол-жобосу