Өрүк. Архивдик сүрөт

Баткендиктер АКШга 25 тонна кургатылган өрүк экспорттоду

643
(жаңыланган 11:11 16.06.2019)
Министрликтин негизги басым жасаган багыты — азык-түлүктөрдү экспортко чыгаруу.

БИШКЕК, 16-июн. — Sputnik. Баткен районунун Кара-Бак айылындагы "Алтын Аймак" ишканасы январдан май айына чейин 25 тонна кургатылган өрүк экспортторду. Бул тууралуу Айыл чарба, тамак-аш өнөр жайы жана мелиорация министрлиги билдирди.

Маалыматта бүгүнкү күндө аталган министрликтин негизги басым жасаган багыты азык-түлүктөрдү экспортко чыгаруу экени айтылат.

Жалпы жонунан тышка сатылган мөмө-жемиштин көлөмү төмөнкүдөй:

АКШнын Нью Йорк шаарына

  • Баргек (как ) — 15 000 кг;
  • Өрүк (сөөктүү) — 5 000 кг;
  • Кандек өрүк — 5 000 кг;

АКШнын Чикаго шаарына

  • Баргек — 15 000 кг

Түркиянын Измир шаарына

  • Кайналы — 72 000 кг;
  • Алма как — 48 000 кг.

Украинанын Днепр шаарына

  • Кайналы — 30 000 кг;
  • Өрүк — 14 000 кг.

Россиянын Москва, Санкт-Петербург шаарларына

  • Баргек — 20 000 кг;
  • Баргек — 22 000 кг.

Мындан тышкары, 14-июнга карата Баткен районунун аймагынын Дара, Төрт-Гүл, Кара-Бак айыл өкмөттөрүндөгү айылдык товар өндүрүүчүлөр тарабынан 194 тонна ак өрүк Россиянын Новосибирск, Омск, Томск облустарына жана Казакстандын Нур-Султан шаарына экспорттолууда.

Райондун аймагында эрте бышчу өрүктөр кызуу жыйналып жатат.

643
Белгилер:
өрүк, Казакстан, Россия, Түркия, АКШ, Баткен, экспорт
Тема боюнча
Кытай Кыргызстандан ири көлөмдө азык-түлүк сатып алууга даяр
Бишкектеги стационардын биринде иштеген медиктер. Архивдик сүрөт

COVID-19ду ооздуктоого чет жактан алынган акчанын 2,2 млн. доллары бөлүнгөн

50
(жаңыланган 13:17 10.07.2020)
Кыргызстан чет элдик донорлордон 627,3 миллион доллар сураган. Бүгүнкү күндө анын жарымы келип түштү.

БИШКЕК, 10-июл. — Sputnik. Чет жактан алынып жаткан каражаттын эсебинен коронавирустун жайылышына бөгөт коюу иш-чараларына 2,2 миллион доллар бөлүнгөн. Бул туурасында вице-премьер Эркин Асрандиев брифинг учурунда билдирди.

Белгилей кетсек, Кыргызстан чет элдик донорлордон кредит жана грант түрүндө 627,3 миллион доллар сураган. Бүгүнкү күндө Финансы министрлигинин эсебине 321,4 миллион доллар келип түштү. Анын 2,2 миллион доллары (болжол менен 165 миллион сомдун тегереги) медициналык жабдуу жана каражат алууга берилген. Бул акчаны Дүйнөлүк банк берген. 

Өкмөт быйыл саламаттыкты сактоо тармагына канча акча бөлүнгөнүн жарыялады

Ал суммага төмөнкүлөр алынды:

  • Тез жардам унаасы — 13 даана;
  • Жеке коргонуу каражаттары — 109,3 даана;
  • Дезинфекциялоо каражаттары — 8,3 миң даана;
  • Лабораториялык реактивдер — 36,3 миң даана;
  • Дары-дармек — 385,6 миң даана;
  • Медицина багытындагы буюмдар — 45,4 миң даана;
  • Өпкөнү жасалма дем алдыруучу аппарат — 10 даана;
  • Жасалма дем алдыруучу BiPAP аппараты — 50 даана;
  • Чарба товарлары — 15,9 миң даана; 
“Товарларды сатып алуу үчүн тендерлер Дүйнөлүк банктын талаптары менен өтүп, ага өздөрү көзөмөл кылышты. Мындан сырткары, бизге бир нече өлкөдөн товар түрүндө гуманитардык жардам келген. Алар: тесттер, жабдуулар, медициналык боюмдар. Бул боюнча да кийинчерээк толук маалымат берилет”, — деди Асрандиев.

Белгилей кетсек, каражаттар бюджетти колдоо, COVID-19дун жайылышына жол бербөө жана экономиканы колдоо деп үч багыт менен алынууда. 

Өлкө аймагындагы соңку кабарлар менен биздин Telegram-каналдан таанышып туруңуз.

50
Белгилер:
колдонуучу, медицина, карыз, каражат
Тема:
Коронавируска байланыштуу Кыргызстандагы кырдаал
Тема боюнча
COVID: зарыл болгон жардамды бир жерге топтогон жаңы сайт ишке кирди
Нарын облусу 300 кычкылтек концентраторуна жана 17 ИВЛге муктаж болууда
Доллар жана евро акчалары. Архивдик сүрөт

Кыргызстан чет жактан канча акча алып, канчасын коротту. Кыскача түшүндүрмө

106
(жаңыланган 11:58 10.07.2020)
Коронавирустун кесепетинен Кыргызстан чет элдик банктардан жарым миллиард доллардан көбүрөөк каражат сураган. Бирок учурда анын баары келип түшө элек.

БИШКЕК, 10-июл. — Sputnik. Кыргызстан чет элдик донорлордон кредит жана грант түрүндө 627,3 миллион доллар алып жатат. Анын 461,5 миллион доллары кредит, 165,8 миллиону грант түрүндө берилет. Бул туурасында экономикалык блокту тескеген вице-премьер Эркин Асрандиев брифинг учурунда билдирди.

Анын айтымында, учурда өлкөнүн Финансы министрлигинин эсебине 321,4 миллион доллар келип түштү. Анын 173 миллион доллары иштетилип бүттү. Бул коронавирус менен күрөшүү иштерине, экономиканы колдоого жана социалдык төлөмдөр менен маяналарды төлөөгө жумшалган. Калган 148,4 миллион доллары казынада турат. Башкача айтканда, коротула элек.

Финансы министрлиги: COVID-19 менен күрөшүүгө 3,8 млрд сом кетет

Алдыда дагы 305,9 миллион доллар алуу макулдашылган, учурда тактоо процесстери жүрүп жатат.

Ошондо чет жактан алынган жана күтүлүп жаткан каражаттын жалпы суммасы 627,3 миллион долларды түзүүдө.

Алынган жана макулдашууда турган каражаттар:

  • Эл аралык валюта фондунан 241,9 миллион доллар кредит алынды;
  • Азия өнүктүрүү банкы 135 миллион доллар берет. Учурда 50 миллион доллар (жарымы грант) келип түштү. Калган 85 миллион доллары (69 млн кредит, 16 млн грант) макулдашуу процессинде турат;
  • Дүйнөлүк банктан 121,15 миллион доллар алуу боюнча келишим түзүлдү. Аталган сумманын 50 пайызы кредит, калганы грант түрүндө берилмекчи. Бүгүнкү күндө анын 2,2 миллион доллары Финансы министрлигинин эсебине түштү. Ал эми 118,9 миллион доллары макулдашууда;
  • Азия инфраструктуралык инвестициялар банкынан 50 миллион доллар кредит алуу боюнча сүйлөшүү жүрүүдө;
  • Ислам өнүктүрүү банкынан 15 миллион доллар кредит алуу макулдашылып жатат;
  • Европа биримдиги 33, 88 миллион доллар грант берет. Азыркы тапта анын 27,3 миллиону алынды, 6,6 миллиону макулдашууда;
  • KfW Германия өнүктүрүү банкынан 30,4 миллион доллар грант алынат.
106
Белгилер:
Эркин Асрандиев, макулдашуу, грант, кредит, каражат, коронавирус
Тема боюнча
Кыргызстан пандемия учурунда сырттан алган каражатты кандай сарптады
Мамлекет жарым жылда баалуу кагаз чыгаруудан 4,7 млрд. сом пайда көрдү
Бишкектин күндүзгү стационарлардын бири. Архив

Мэрия: күндүзгү стационарлардан бейтаптар айыга баштады

0
(жаңыланган 14:01 10.07.2020)
Борбор калаада азыркы тапта күндүзгү тогуз стационар иштеп жатат. Ар биринде ординатор, медайым, санитар жана ыктыярчылар нөөмөттө.

БИШКЕК, 10-июл. — Sputnik. Бишкектеги күндүзгү стационарларда дарыланган бейтаптар айыга баштады. Бул тууралуу мэриянын маалымат кызматы кабарлады.

Билдирмеге ылайык, бүгүн Каба уулу Кожомкул атындагы спорт ордосунда жайгашкан күндүзгү стационарда дарыланып айыккан бейтаптарды шаардын вице-мэри Татьяна Кузнецова жана аппарат жетекчиси Балбак Түлөбаев үйлөрүнө узатышкан.

Новосибирскиден мекенге жардам берүү үчүн дагы медиктер учуп келди

"Сасык тумоонун белгисин байкаган шаардыктар дароо күндүзгү стационарларга кайрылышкан. Алар тийиштүү медициналык жардам алып, өздөрүн жакшы сезип калышты", — деп айтылат маалыматта.

Мэрия бир жумага жетпей күндүзгү стационарлар 11 миң 370 адамды кабыл алганын айтып, кезекке тургандардын саны азайып калганын кошумчалады.

Эске салсак, борбор калаада азыркы тапта күндүзгү тогуз стационар иштеп жатат. Ар биринде ординатор, медайым, санитар жана ыктыярчылар нөөмөттө.

0
Белгилер:
ден соолук, күрөш, оору, бейтап, стационар, Бишкек
Тема:
Коронавируска байланыштуу Кыргызстандагы кырдаал
Тема боюнча
Новосибирскиден мекенге жардам берүү үчүн дагы медиктер учуп келди
COVID-19ду ооздуктоого чет жактан алынган акчанын 2,2 млн. доллары бөлүнгөн