Президент Сооронбай Жээнбеков. Архив

Жээнбеков түзгөн ишкерликти өнүктүрчү комитеттин ишти эмнеден баштары айтылды

165
(жаңыланган 10:55 24.06.2019)
Улуттук кеңештин алдындагы Өнөр жай жана ишкерликти өнүктүрүүчү комитет алгачкы жыйынга чогулду.

БИШКЕК, 24-июн. — Sputnik. Президент Сооронбай Жээнбеков Өнөр жай жана ишкерликти өнүктүрүүчү комитеттин биринчи жыйынына катышып, ал эмне менен алектенерин айтып берди.

Комитетти түзүүнү президент демилгелеген.

"Бул кошумча түзүлгөн мамлекеттик орган эмес, актуалдуу маселелерди талкуулай турчу аянтча болот. Биз пикир алышууга кызыкдарбыз. Бул жерде бизнес-коомчулуктун, эл аралык уюмдардын өкүлдөрү отурат, комитетке 25 киши кирди", — деди Жээнбеков.

Президент мамлекеттик органдардын аракетине карабай өнөр жайда байкаларлык жылыш жок экенин айтты.

Премьер-министр Мухаммедкалый Абылгазиевдин архивдик сүрөтү
© Пресс-служба правительства / Сабыр Аильчиев
"Ишкерлерге эмне жолтоо болуп жатат деген сурамжылоо жүрдү. Айтылган пикирлер мамлекеттик органдардын буга чейинки тыянактарына каршы келүүдө. Азырынча бизнес менен мамлекеттик органдардын ортосунда диалог түзүү мүмкүн болбой жатат. Буга жетишүү үчүн болгон арактибизди жумшашыбыз керек", — деди мамлекет башчы.

Жээнбеков комитеттин төрагасы, ал эми биринчи вице-премьер Кубатбек Боронов менен Эл аралык ишкерлер кеңешинин аткаруучу директору Аскар Сыдыков анын орун басарлары болуп бекиген.

165
Белгилер:
өнөр жай, комитет, Сооронбай Жээнбеков
Тема боюнча
Жээнбеков: мамлекеттик кызматта жупуну жашоону сүйгөн инсандар иштеши керек
Мамлекеттик инвестициялык долбоорлорду ишке ашыруу жеңилдейт
Аэропорттун кызматкерлери иш учурунда. Архив

Дарыны компаниялар эмес, ташып келгендер кымбаттатып жатканы айтылды

39
(жаңыланган 21:34 03.07.2020)
Жыйын учурунда фармкомпаниялардын өкүлдөрү баа саясатын дары ташып келгендер жүргүзөрүн белгилешкен. Мэрия алар менен иштешүүнү убада кылды.

БИШКЕК, 3-июл. — Sputnik. Бишкек мэриясы фармацевттик компаниялардын өкүлдөрү менен жолугушуп, препараттардын кымбатташы боюнча сүйлөштү. Бул тууралуу шаардык муниципалитеттин маалымат кызматы кабарлады.

Маалыматка ылайык, мэрияга калаа тургундары дарылардын баасы көтөрүлүп жаткандыгы боюнча көп кайрылышкан.

Мындан улам санитардык нормаларды сактоо менен чогулуш өткөрүүнү туура көрүшкөн. Ага аппарат жетекчиси Балбак Түлөбаев, фармацевттер жана укук коргоо органдары менен Финполициянын (ЭКККК) өкүлдөрү катышкан.

"Биз ишкерлерди дарыга суроо-талап күчөп жатканда бааны көтөрүп, алып сатарлык менен алектенбөөгө чакырдык. Препараттын наркын өзүм билемдик менен көтөргөндөр мыйзам чегинде жоопко тартыларын эскерттик", — деп айтылат маалыматта.

Жардам бергиле! Сабырбек Жумабеков олигархтарга кайрылды

Өз кезегинде фармкомпаниялардын өкүлдөрү баа саясатын дары ташып келгендер түзөрүн белгилешкен.

Мэрия бул пикирди эске алып, препарат алып келгендер менен сүйлөшүүнү убадалады.

39
Белгилер:
кымбаттоо, баа, дары, мэрия, Бишкек
Тема боюнча
Президент Жээнбеков кимдерди "эл душманы" деп атаарын айтты
Аптка иш учурунда. Архив

Пандемияда кымбаттаган дарылар: чыга элек токтом, алакан жайган аптека ээси

282
(жаңыланган 14:37 03.07.2020)
Бишкектеги дарыканаларда дары-дармектин баасынын кескин жогорулаганы коомчулуктун кыжырын кайнатууда. Тиешелүү тараптардын айтымында, дарыканаларды текшерүүнү шарттаган токтом эми чыгат.

Sputnik Кыргызстан кырдаал боюнча тиешелүү тараптарга кайрылып, мамлекеттик органдар менен дары ташыган компаниялардын ээсине суроо салды.

Социалдык тармактарда да нааразычылыгын билдирген интернет колдонуучулар Монополияга каршы мамлекеттик агенттик кырдаалды көзөмөлгө албай жатканын жазып, тийиштүү мекемелердин дарегине да бир топ сын айтышууда. Алар айрым дарылардын, мисалы, арбидол мурда 280 сомдон сатылса, азыр баасы 1000 сомго жакын деп билдиришти.

Монополияга каршы мамлекеттик агенттиктин башчысы Шухрат Сабиров өкмөттүн токтомунун негизинде республикада дары-дармекти тескөөчү орган Саламаттык сактоо министрлигинин алдындагы Дары-дармек менен камсыздоо жана медициналык техника департаменти эсептелерин айтты.

"Дары-дармек менен камсыздоо жана медициналык техника департаменти тарабынан дарыканадагы препараттарга бирдиктүү сатуу баалары коюлуп берилбегендиктен, биз көзөмөлдөй албай жатабыз. Монополияга каршы кызмат коюлган баалардын негизинде гана текшерүүгө укуктуу", — деди ал.

Жогорудагы билдирүүдөн улам Sputnik Кыргызстан агенттигинин кабарчысы аталган департаменттин директорунун орун басары Руслан Акматовго бир нече суроолор менен кайрылган. Анын айтымында, жакында өкмөттүн текшерүүгө уруксат бере турган токтому чыгат.

Өкмөт коронавирустан сакайтчу дарыларга баанын өсүшүн чектөөгө киришти

"Ошол токтомдун негизинде Монополияга каршы жөнгө салуу агенттиги жана Финансы полициясы менен биргеликте дарыканаларды кыдырып, баасынын өзгөрүшүнө мониторинг жүргүзөбүз. Быйыл ар кандай себептерден улам дарыканаларда дарылардын бирдиктүү сатыкка чыгуучу баасы коюлган эмес", — деди Акматов.

Ал коомчулук көп талкууга алып жаткан арбидол баасынын кескин жогорулашы туурасында кечээ Республикалык штабдын жыйынында да сөз болгонун белгиледи.

"Арбидол азыр 600 сомдон келип, дарыканада 700 сомдон сатылып жатыптыр. Бул кымбатпы? Ал эми сиз айткан 280 сомдон сатылган арбидол балдар үчүн, бул 600 сомдон келгени чоңдордуку. Экөөнүн айырмасы бар. Анын үстүнө бул препарат ковиддики эмес. Болгону эл ушул дары керек экенин угуп алып эле дүрбөп жатат. Дарыканалар менчик болгондуктан уруксат кагазы жок текшере албайбыз. Бул жерде дагы бир коркунуч бар. Биз дарыканаларга бирдиктүү бир бааны коюп койсок, мамлекетке айрым дары-дармектер келбей калышы мүмкүн. Анткени алар өздөрүнүн да кирешесин карайт", — деди ал.

Акматов белгилегендей, Кыргызстанда азыр дары-дармек каражаттарынын үч айлык запасы бар.

Министрлик: дары-дармек жетиштүү, дүрбөлөңгө түшпөгүлө

Ал арада Экономикалык кылмыштарга каршы күрөшүү мамлекеттик кызматы айрым дарыканалардын дары-дармектин баасын негизсиз жогорулатканы боюнча фактылар аныкталды деген маалымат таратты.

"Республика боюнча дарыканаларда баанын жогорулап кетпеши үчүн текшерүү иштери жүргүзүлүп жатат. Буга чейин ал аракеттер алдын алуу максатында уюштурулуп келген. Мыйзамсыз фактылар аныкталып, дарыкана ээлери катуу жазаланарын эске салабыз", — деп жазылган маалыматта.

Фармацевтикалык компаниянын ээси: 30 пайыз кошобуз

Ал эми Бишкектеги ири фармацевтикалык компаниянын атын атагысы келбеген ээлеринин биринин айтымында, республикадагы дары каражаттарынын кескин кымбатташына дүйнөдөгү пандемиялык абал, эл аралык каттамдардын жабылышы себеп болууда.

"Кыргызстанда керектүү дарылардын бир эле пайызы чыгат. Калган 99 пайызы чет жактан алып келинет. Ошол себептен биздин рынок башка өлкөнүн өндүрүшүнөн көз каранды. Азыр сырьёнун баары Кытайдан алынат. Ал жакта да эпидемиялык абалдан улам сырьё кымбаттап, заводдордо да дары-дармектин баасы жогору болууда. Ушундан улам бизде кээ бир дарылардын баасы жогорулап кетиши мүмкүн, бирок көбүнүн баасы мурункудай эле", — деди ал.

Министрлик COVID менен күрөшүүдө жетишсиз жабдууларды тизмектеди

Ишкер сырттан алып келинген препаратка 10 пайыздан 30 пайызга чейин акча кошуларын айтты.

"Фармацевтикалык компаниялар абдан жогору бааларды коюп алып байып жатат дегенден алыс болуу керек. Анткени сырттан алып келинген препаратка 10 пайыздан 30 пайызга чейин акча кошулат. Андан көп эмес. Бир чети биздин рынок кичинекей, атаандаштык чоң. Эгер мамлекеттик органдар катуу көзөмөл жүргүзүп, көйгөй жарата берсе фармацевтикалык компаниялар дары-дармектерди алып келбей коёт. Ошентип элге керектүү препараттар рынокто жок болуп калышы мүмкүн. Себеби мамлекет кайсы бир дарыга белгилүү бааны коюп койсо, чет жакта ал андан кымбат болсо ишкер өз чөнтөгүнөн акча кошпойт да. Андан көрө кымбат болсо да ошол дарынын өлкө ичинде болгону жакшы. Мисалга, азыр эки күндөн бери баасы 60 миң сом турган кычкылтек концентраторун таппай жатышат. Эч жерде жок. Ошондой эле азыр кээ бир зарыл препараттар рынокто жок болууда", — деди ал.

Коронавирустун белгиси байкалса эмне кылуу керек. Кадамдардын алгоритми

Фармацевтикалык компаниянын ээси "мамлекет тарабынан дарыларга бирдиктүү баа коюлса, дары-дармек алып келүүдө көйгөй жаралып калышы мүмкүн" деген пикирин кошумчалады.

Буга чейин премьер-министр Кубатбек Боронов Республикалык штабдын жыйынында элдин башына мүшкүл түшүп турган маалда дары-дармекти кымбаттатуу туура эмес экенин, азыр жардам берчү мезгил экенин айткан болчу.

282
Белгилер:
коронавирус, кымбаттоо, дары-дармек, компания
Тема:
Коронавируска байланыштуу Кыргызстандагы кырдаал
Тема боюнча
COVID-19: Министрлик жаңы эки алгоритм бекитти. Чоо-жайы
АКШ конгрессинин спикери Нэнси Пелоси

"Тезинен аткаруу зарыл": АКШ Россияны эмнеге жазалагысы бар?

0
(жаңыланган 22:32 03.07.2020)
Дүйнөдө кечээги күндүн негизги жаңылыгы болуп АКШ конгрессинин спикери Нэнси Пелосинин Россияга каршы тезинен санкция киргизүү боюнча билдирүүсү, ошондой эле Америкада коронавируска кабылгандардын саны күндөн-күнгө өсүшү туурасындагы маалымат чыкты.

Пелосинин мындай билдирүүсү "Россия менен талибдердин" Америкага каршы кутуму" деген акылга сыйбаган айыптоодон улам келип чыкканын эске сала кетели. Кыскасы, бул америкалык атайын кызмат тарабынан топтолгон маалымат дагы эмес, "кайсы бир аналитиктердин талибдерди суракка алышынан кийинки бүтүмдөр" экен. Анда Россиядагы кимдир бирөөлөр "көп жылдан бери америкалык аскерлерди өлтүрүп келе жаткан талибдерге дал ушул "милдет" үчүн акча төлөгөн" деген кеп камтылат". Ушундай эле жол менен алар Россия Африкадагы төрөлүү саны үчүн кошумча төлөгөн деп да чыгары ажеп эмес. Дал ушул тууралуу РИА Новости агенттигине макала жарыяланды.

Пентагондун да, Улуттук коопсуздук боюнча кеңешчи О'Брайендин билдирүүлөрүнө ылайык чыгарылган мындай "күчтүү" бүтүмдүн деле тастыктоосу табылбады. Андан улам өз маалында бул туурасында АКШ президентине да маалымдашпаптыр. Буга чейин да тастыкталбаган толгон-токой жоромолдордой эле... Аларды топтоо, иштеп чыгуу атайын кызматтардын түз милдети эмеспи. Бирок кептин баары Американын бүгүн кадыресе мамлекеттин кадимки мыйзамдары менен жашабай калганында (Дмитрий Песков туура баамдагандай, "Вашингтондо бүгүн түшүнүксүз нерселер көп"). Хайптардын ички айыгышкыс күрөшүнүн мыйзамы өкүм сүрүүдө. Муну кыскача "Эч кандай мыйзамдын жоктугу" деп сүрөттөөгө болот. Ошондуктан өзөктүк державанын өкүлдөр палатасынын башчысы, өзүнүн идеологиясы катары сот адилеттиги жана акыйкаттыкты жарыялаган мамлекеттин жогорку кызматтарынын бирин ээлеген киши эч далилденбеген "ыкчам маалымат", тагыраагы, дээрлик саясий бүтүмдөн улам башка бир өзөктүк державага каршы тезинен санкция киргизүү демилгеси менен чыгып отурат.

АКШнын чалгын кызматы Россиянын талибдер менен "жакындыгын" төгүндөдү

Ал эми бул маалыматты ыраспы же жалганбы деп текшерип койбостон коомго жайган маалымат каражаттары "Бул кишиге Россия туурасындагы терс маалымат жакпайт" деп АКШнын азыркы президентинин "айыбын" ачып киришти. Бул далалат менен алар мурдатан айтылып, бирок максатына жете албай келе жаткан "Трамп — орус тыңчысы" деген тезисти кайрадан жаңыча иштеп чыгып жатышкандай.

Ал эми экинчи саптагы жаңылык — Кошмо Штаттарда COVID-19 кескин көбөйүп, күн сайын АКШда 50 000ден ашуун учурлардын катталышы. Мында, эң кызыгы, америкалык маалымат каражаттарынын бул статистиканы элге кандай нукта сунуп жатканы. Маселен, абройлуу Huffington Post басылмасы: "Илдеттин мындай күч алышынын айрым себептерин май аягындагы Эскерүү күнүнөн бери (чейин) байкоого болот".

CNN: "Трамптын бет капка каршы жүрүштөрү кайра өзүнө кайтты", – деп жазды.

The New York Times: "Сурамжылоолор көрсөткөндөй, көптөгөн америкалык эркектер бет кап тагынууну чабалдыктын белгиси катары эсептешет. Трамптын бет кап тагынуудан баш тартышы да ушундай ойдо экенин боолголоого себеп", — жеп жарыялады.

Эгер сизге аналитиктердин бул мисалдарында кайсы бир нерселер көз жаздымда калгандай туюлса, жаңылган жоксуз. Аларда май айынан бүгүнкү күнгө чейин аралыкты сактоо, үйдө отуруу жана башка чакырыктарга баш ийбей, Black Lives Matter прогрессивдүү жана туура кыймылынын өкүлдөрүнүн көп миңдеген тобу көчөдө жүргөнүнөн, дүкөндөрдү тоноп, имараттарга өрт коюп, унааларды талкалап, адамдарды өлтүрүп (ушул тапта толук эмес эсеп боюнча BLM кыймылынын жоопкерчилигинде 25тен ашуун өлүм бар), тизе бүктүрүп жатышканынан кеп салууга толук тыюу салынган.

Россияны дүйнөгө жаман көрсөткүсү келгендер "кой терисин" жамынганбы?..

Жүз миңдеген, балким, миллиондогон америкалыктар коопсуздукту чечкиндүү түрдө унуткарып, эч кандай коронавирус жоктой жүрүм-турумга өтүштү. Сырттан караган байкоочулар белгилегендей, оорунун күч алышы тозокту эске салгандай абалга кептейт, акыркы окуялардан улам бул башкача бүтпөйт. Бирок андай учур башка түшкөн соң чындыкты аташпайт.

Ошол себептен прогрессивдүү талдоочулар элдин (эл баягы эмес) ашкере эр жүрөктүүлүгүн, Трамптын жоопкерчиликсиздигин жана май айындагы Эскерүү күнүн себеп катары көрсөтүшкөнү менен, болгон түтүктөрдөн чыгып турган түтүндү эч кимдин көргүсү жок. Мында маселенин негизги себебин издөөнүн ордуна, РФти "Оккаманын устарасынын" эмоционалдык түрүнө кептегендей. Ошондуктан "кандай кыйын кырдаал болбосун, Россия менен Трампты айыпта" деген принцип өкүм сүрүүдө.

Анткен менен бул деле Американын дүйнөлүк лидерликтен тайып, пандемияга туруштук берүүгө жөндөмсүздүгү өңдүү чоң көйгөйлөрдү чечүүгө пайдасын тийгизбейт. Бирок бул америкалык коомдун ички прогрессивдүү күчтөрдү канааттандырып, азыркы бийликтин каршылаштарына президентти ээрден алып түшүүгө өбөлгө түзөт.

Айтмакчы, мунун баары бүт дүйнөгө азыркы күнгө чейин үлгү катары көрсөтүп келишкен өлкөдө орун алууда. Ошентсе да РФтеги элдик добуш берүүнүн жыйынтыктарына таянсак, "Америкадагыдай" деген сөздүн "сыйкыр" күчү четинен жоюлуп бараткандай.

0
Белгилер:
байланыш, көйгөй, Талибан, коронавирус, гезит, маалымат, күч, Россия, АКШ
Тема боюнча
Россия эми дүйнөлүк террорчулукка айыпталууда. Америкалыктардын акыл парасаты