Кумтөр алтын комбинаты. Архив

Жээнбеков Кумтөрдүн кирешесин күтпөй өнүгүүнүн башка жолун көрсөттү

274
(жаңыланган 11:31 24.06.2019)
Мамлекет башчы Кумтөрдөгү алтын казуунун көлөмү кыскарарын, мындан улам тоо-кен тармагындагы киреше 2 миллиард сомдон ашпай каларын эске салды.

БИШКЕК, 24-июн. — Sputnik. Кыргызстан жеңил өнөр жайы менен айыл чарба продукциясын кайра иштетүүгө басым жасап, алтын казуунун кирешесинен көз карандылыгын жойсо болот. Бул тууралуу президент Сооронбай Жээнбеков Өнөр жай жана ишкерликти өнүктүрүү боюнча комитеттин жыйынында билдирди.

Анын айтымында, мамлекет алдында чоң сыноо турат — Кумтөр кениндеги алтын казуунун көлөмүнүн кыскарышынан тоо-кен тармагындагы киреше 2 миллиард сомдон ашпайт.

"Демек бул кемтикти башка өндүрүш менен толтуруу керек. Бүгүнкү күндө өнөр жайдын абалы алтын казуу жана аны экспорттоого байланыштуу.  Бул жааттагы өзгөрүү биздин өнөр жайды артка тартат. Мындан улам өкмөт алтын казуудан тикелей көз каранды болгон абалга каршы турууга жөндөмдүү концепцияга өтүшү керек", — деди Жээнбеков.

Президент каражаттын жетишсиздигинен мамлекет өнөр жайдын бардык тармагына жардам берүүгө алсыз экенин белгилеп, жеңил өнөр жайы жана айыл чарба продукциясын кайра иштетүү жаатына басым жасады. Жээнбековдун айтымында, бул тармактар ушу тапта элди жумуш орду менен камсыздап, башка багыттардын өнүгүшүнө да түрткү боло алат. Мамлекет башчы эгер бул тармактарга мамлекет тарабынан колдоо көрсөтүлсө, эселеп киреше алууга болорун кошумчалады.

274
Белгилер:
алтын, Кумтөр, ишкердик, өнөр жай, комитет, Сооронбай Жээнбеков
Тема боюнча
Абылгазиев: өлкөгө пайда-батасы жок 51 ишкана бар
Жээнбеков: мамлекеттик кызматта жупуну жашоону сүйгөн инсандар иштеши керек

30 күн убакыт берем, уурдаган акчаңарды кайтаргыла! Жапаровдун видеокайрылуусу

553
(жаңыланган 16:42 21.10.2020)
Бир жолку берилүүчү экономикалык мунапысты пайдалануудан баш тарткандарга мыйзам чегинде катуу чаралар көрүлөрү эскертилди.

Премьер-министр, президенттин милдетин аткаруучу Садыр Жапаров экономикалык мунапыс жарыялай турганын айтып, 30 күндүн ичинде казынадан уурдаган акчаларды кайтаргыла деп эскертүү берди.

Төмөндө Жапаровдун кайрылуусу толугу менен берилет:

Ушул күндөрү мамлекеттик бийлик бутактарына олуттуу милдеттер жүктөлүп жатат. Анын ичинде президент жана өкмөт башчынын милдетин аткарып жаткан мага өтө чоң жоопкерчиликтүү ыйгарым укуктар берилди.

Мындан улам, бизге ишеним арткан жалпы журттун жүгүн көтөрүү үчүн бүгүндөн тартып мен расмий түрдө өлкөдө экономикалык амнистия жарыялайм.

Максатым:

  • мамлекеттик бюджетти толтуруу, кошумча киреше алуу;
  • өлкөдөн чыгып кеткен жана чыгып жаткан мыйзамсыз капиталды кайра кайтаруу;
  • оффшордук эсептердеги акчаларды кайрып келүү;
  • көмүскө бизнестин ресурстарын толугу менен мыйзамдаштыруу;
  • ишкердик чөйрөнүн баарына тең шарттарды түзүү;
  • макроэкономикалык оң натыйжаларга жетишүү;
  • өлкө экономикасына зарыл болгон каражатты тезинен табуу;
  • мамлекеттик тышкы карыздарды төлөө.

Бул максаттарга жетүү үчүн соңку 30 жыл бою эң кирешелүү тармактар болгон энергетика, бажы, салык, дары-дармек, лицензия берүүчү, тоо кен жана башка тармактарга 30 күн убакыт берем. Бул төмөнкү тараптарга тиешелүү:

  • өзүнүн коррупциялык схемаларын түзүп, элдин ырыскысын тоноп жүргөн коррупционерлерге;
  • ар кандай компанияларга үлүштөргө отуруп алган мурдагы чиновниктерге;
  • ири ишканалардын акцияларына рейдерлик жол менен мыйзамсыз ээ болуп алган аткаминерлерге;
  • салыктарды төлөбөй качып жүргөн жарандарга;
  • кирешесин аз көрсөтүп жүргөн ишкерлерге;
  • мыйзамдарды бузуп жүргөн чиновниктердин тобуна;
  • министрликтер менен ведомстволордун жетекчилерине;
  • бажычыларга жана финансисттерге.

Силер өзүңөр деле ар бир тармак боюнча коррупциялык схемаларды абдан сонун билесиңер. Аларды өзүңөр ачыкка чыгаргыла. Анын баарын мамлекеттик казынага кайтарып бергиле! Мамлекеттен алган, казынадан жеп жаткан, жаап-жашырган ар бир тыйынды өз ыктыярыңар менен ордуна койгула. Мүлкүңөрдү, чыныгы капиталыңарды ачыкка чыгаргыла. Азырынча мен силерге убакыт жана мүмкүнчүлүк берип жатам. Кыска мөөнөттүн ичинде экономикалык мунапыс берүү жана акча каражаттарын, кыймылдуу-кыймылсыз мүлктү мыйзамдаштыруу үчүн укуктук-ченемдик негиздер даярдалат.

Эскерте кетсем, бул иш-чара бир гана жолу болот.

Ошондуктан жогоруда аталган адамдар жакшылап ойлонуп, капиталына жана мыйзамдуу жүгүртүүдөн чыгарылган мүлкүнө мунапыс алуу үчүн ушул учурду колдонуп калышы керек.

Укук коргоо, тергөө органдары менен кызматташып, ички инвестиция жасап, акчаларды экономикабызга кайрып бергиле. Ошондо баарыңарга административдик жана экономикалык кечирим болот.

Мен декларациялануучу мүлктөр менен кирешенин кол тийбестигине кепилдик берем. Мүлктү жана кирешени ыктыярдуу түрдө декларациялоо процессинде сыр сакталат. Эгерде экономикалык амнистияны пайдаланбасаңар, мыйзам чегинде катуу чаралар көрүлөт.

Бул элдин талабы!

Бул мага ишенип тапшырган элдин мүдөөсү!

553
Белгилер:
коррупция, кайтаруу, каражат, экономика, мунапыс, кайрылуу, Садыр Жапаров
Тема боюнча
Өзүбүз чакырганбыз. Жапаров Жээнбековдун отставкага кантип кеткенин айтты
Аягына чыгарабыз! Мамытканов бажыдагы коррупциялык схема боюнча оюн билдирди
Жапаров: уулума телефон чалып, кызмат үчүн 300 миң доллар сунуштагандар бар
Экономика илимдеринин доктору, профессор Төлөнбек Абдыров

Абдыров: Кыргызстан ЕАЭБдин мүмкүнчүлүктөрүн колдоно албай жатат

48
Экономика илимдеринин доктору, профессор Төлөнбек Абдыров ЕАЭБге кирген беш жылдын ичинде Бажы кодексине Кыргызстан анча маанилүү эмес сунуштарды берип келе жатканын айтты.
Абдыров: Кыргызстан ЕАЭБдин мүмкүнчүлүктөрүн колдоно албай жатат

Кыргызстан Евразиялык экономикалык биримдиктин мүмкүнчүлүктөрүн тийиштүү деңгээлде колдоно албай жатат. Мындай пикирин Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, ЕАЭБ менен түздөн-түз иш алып барган Экономика министрлигинде бир башкармалык жана бир эле сектор бар.

Казакова: ЕАЭБ мигранттары Россияда жергиликтүүлөр менен теңата иштешет

"Эгемендүүлүк алгандан бери Кыргызстан бир топ экономикалык, соода жүргүзүү боюнча уюмдарга кирген. Бирок алардын пайдасын көрө албайт. Себеби бул багытта иш алып баруу боюнча стратегиялык пландар түзүлбөйт. Евразиялык экономикалык биримдигинин алкагында деле ошондой болуп жатат. Мисалы, уюмга мүчө-мамлекеттер Бажы кодексине 1500дөй сунуш берген. Ал эми Кыргызстан "үтүрдү алып койгула, бул сөздү кошуп койгула" деген сыяктуу анча маанилүү эмес 10го жетпеген сунуш айткан. Башкача айтканда, ЕАЭБдин алкагында тийиштүү деңгээлде Кыргызстандын таламын талашып, уюмдун мүмкүнчүлүктөрү толук кандуу колдонулбай жатат", — деди Абдыров.

Ошондой эле ал ЕАЭБдин алкагында иш алып баруучу Кыргызстандын кадрлары чабал иштеп жатышканын кошумчалады.

48
Белгилер:
кадрлар, Евразиялык экономикалык биримдик, экономика
Тема боюнча
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет
Грузиянын Зугдиди шаарындагы банкты тоноого кирип, андагы 50гө чукул адамды бир күн бою барымтага алган киши

Грузияда банкты тоногон киши полициянын автосун айдап качып кетти. Видео

0
(жаңыланган 11:36 22.10.2020)
Окуя кечээ, 21-октябрь күнү, болгон. Банкты тоноого келген киши 50гө чукул кишини барымтага алып, бийликтен 500 миң доллар жана коопсуздук кепилдигин талап кылган.

БИШКЕК, 22-окт. — Sputnik. Грузиянын Зугдиди шаарындагы банкты тоноого кирип, андагы 50гө чукул адамды бир күн бою барымтада кармап отурган киши полициянын автоунаасын айдап качып кетти. Бул тууралуу Sputnik Грузия агенттиги жазды.

21-октябрь күнү курал жана граната көтөргөн киши ири банктардын биринин филиалына кирген. Ал 50гө чукул кишини барымтага алып, бийликтен 500 миң доллар жана коопсуздук кепилдигин талап кылган. Полиция аны менен күн бою сүйлөшүүлөрдү жүргүзгөн.

Жыйынтыгында тоноочу барымтадагыларды полиция департаментинин жетекчиси Автандил Галдавага алмашууга макул болуп, 43 кишини чыгарып берген.

Бирок түн ичинде ал Галдава жана башка туткундагы үч киши менен сыртка чыгып, полициянын машинасын айдай качкан. Учурда аны издөө иштери жүрүп жатат. Жергиликтүү ЖМКлар анын колундагы баштыкта талап кылган акча бар экенин жазууда. Бирок ал тууралуу расмий айтыла элек.

0
Белгилер:
тоноо, уурулук, полиция, барымта, банк, Грузия
Тема боюнча
Кыргызстанда чаламандын чак түшүндө тонолгон банк. Окуянын видеосу