Мөмө жемиштер. Архив

Кыргызстан бал жана мөмө-жемиш экспорттой алчу өлкөлөр. Тизме

198
(жаңыланган 12:00 24.06.2019)
Кыргызстан эми мөмө-жемиш, сүт жана балды ЕАЭБ өлкөлөрүнөн тышкаркы мамлекеттерге да жөнөтө алмакчы.

БИШКЕК, 24- июн. — Sputnik. Сооронбай Жээнбеков Өнөр жай жана ишкерлик боюнча комитеттин биринчи жыйынында Кыргызстан атамекендик айыл чарба продукцияларын кайсы өлкөлөргө экспорттой аларын айтты.

Аталган комитет президент тарабынан түзүлгөн.

"Мөмө-жемиш, сүт жана балды ЕАЭБ өлкөлөрүнөн тышкары Кытай, Индия, Пакистан жана Иран мамлекеттерине да экспорттоо мүмкүнчүлүгү пайда болду", — деди президент.

Эске салсак, жакында эле Кытай лидери Си Цзиньпиндин Кыргызстанга болгон иш сапарынын жыйынтыгында 19 документке кол коюлган. Анын ичинде айыл чарба продукцияларын экспорттоо тууралуу да жазылган.

198
Белгилер:
рынок, экспорт, Кытай, Кыргызстан
Тема боюнча
Жээнбеков түзгөн ишкерликти өнүктүрчү комитеттин ишти эмнеден баштары айтылды
Баткендиктер АКШга 25 тонна кургатылган өрүк экспорттоду
Жээнбеков Кумтөрдүн кирешесин күтпөй өнүгүүнүн башка жолун көрсөттү
Электр станциясы. Архив

Электр энергиясына коюлган жаңы тариф 1-июлдан тарта күчүнө кирет

300
(жаңыланган 16:18 26.05.2020)
Өкмөт 27-мартта 2020-2023-жылдарга карата баа саясаты боюнча токтом кабыл алган. Ал документ 12-июнда күчүнө кирмек.

БИШКЕК, 26-май — Sputnik. Ушул жылдын 1-июлунан тарта электр энергиясына болгон жаңы баа иштей баштайт. Бул тууралуу Sputnik Кыргызстанга Отун-энергетикалык комплексин көзөмөлдөө мамлекеттик агенттигинин директорунун орун басары Миргүл Айдарова билдирди.

Анын айтымында, 27-мартта өкмөт 2020-2023-жылдарга карата баа саясаты боюнча токтом кабыл алган. Ал документ 12-июнда күчүнө кирмек.

"Биз ал датаны июнь айынын башына жылдырууга укугубуз жок. Ал токтом 1-июлдан баштап иштейт. Эсеп-фактурасы бир айга чыгат. Эгер айды экиге бөлсөк, энергетика тармагында көйгөйлөр пайда болот. Ошондуктан жаңы тариф 1-июлдан тарта киргизилет", — деди Айдарова.

Бир киловатт-саатка тарифтер төмөндөгүдөй (салыктарды эске албаганда):

  • Балдар үйлөрү үчүн — 1,58 сом (азыркысы 2,24 сом);
  • Электр кубаты менен жүргөн транспорт заряд алчу жайлар — 1,58 сом (эгер мындай жайлар ачылып калса, алар троллейбустук ишканалардын тарифи менен төлөөрү каралган);
  • Майнинг-фермалар үчүн — 2,91 сом (бул категорияга өзүнчө тариф каралган эмес).

Башка тарифтер мурдагы бойдон калат.

300
Белгилер:
электр энергиясы, тариф, Кыргызстан
Тема боюнча
Кыргызстанда электр энергиясына айрым тарифтер өзгөртүлөт
Экономика министринин мурдагы орун басары, экономист Элдар Абакиров

Абакиров: мүлктү адалдоого багытталган мыйзам ишке ашпайт

24
Экономика министринин мурдагы орун басары, экономист Элдар Абакиров мүлктү легалдаштыруу боюнча мыйзам туура эмес жол менен байыгандарга ылайыкташкан деген пикирин билдирди.
Абакиров: мүлктү адалдоого багытталган мыйзам ишке ашпайт

Өлкөдө көмүскө экономика тамырлашып кеткен. Мындан улам мыйзамсыз жол менен табылган байлыктарын легалдаштыруу боюнча жаңы кабыл алына турган мыйзам ишке ашпайт. Мындай пикирин Элдар Абакиров Sputnik Кыргызстан радиосуна маек куруп жатып билдирди.

Анын айтымында, жашыруун мүлктөрүн, капиталын ачыктоону каалагандар саналуу эле болот.

“Капиталды амнистиялоо же болбосо мүлктү легалдаштыруу боюнча мыйзам долбоору ишке ашпайт. Анткени анын баарын көзөмөл кылган система жок. Эгерде “жакынкы күндөрү жалпы декларациялоо жүргүзүлөт. Анын алкагында экономика тармагы санариптештирилип, жарандардын бардыгы текшерилет” деген коркунуч турса, кандайдыр бир натыйжа бермек. Анда айрымдар жашыруун байлыгын адалдаштырууга умтулмак. Ал эми азыр эч кандай кооптоно турган жагдай байкалбайт. Мындан тышкары, өлкөдө көмүскө экономиканын үлүшү 40-50 пайызды түзөт. Буга бир нече объективдүү жана субъективдүү себептер бар. Бир топ ишкана көмүскө иш алып барууда өзүн ыңгайлуу эле сезип жатат. Алардын кожоюндары коомчулукка капиталын ачыктоону каалабайт”, — деди Абакиров. 

Ошондой эле ал бул мыйзам иштеп кетүүсү үчүн Салык кодекси түшүнүктүү жана жеңил болушу керектигин кошумчалады.

24
Белгилер:
мыйзам, салык, декларация, Элдар Абакиров
Тема боюнча
Чиновниктер байлыгын ачыктаса, эски ишин кечирүү мыйзамы сунушталды. Чоо-жайы
Facebook соцтармагынын логотиби. Архивдик сүрөт

Facebook кызматкерлеринин теңин аралыктан иштөөгө өткөрмөкчү

7
(жаңыланган 17:33 26.05.2020)
Цукерберг белгилегендей, дистанттык вакансияларды түзүү Facebook компаниясына башка шаарлардан жана өлкөлөрдөн таланттуу адамдарды тартууга мүмкүндүк берет.

БИШКЕК, 26-май — Sputnik. Жакынкы бир нече жылда Facebook 48 миң кызматкеринин жарымын дайыма аралыктан иштегенге өткөрөт. Бул тууралуу компаниянын директору Марк Цукерберг жумушчулары менен жолукканда билдиргенин The New York Times жазды.

Ошондой эле ал бул тууралуу The Verge гезитине берген маегинде да айткан.

Цукербергдин айтымында, учурда Facebook кызматкерлеринин 40 пайызы үйдөн иштөө каалоосун билдиришкен.

"Албетте, COVID-19 биздин жашообузду, ишибизди бир топ өзгөрттү. Бул мезгилден кийин аралыкта иштөө тенденцияга айланат деп ишенем", — деген компаниянын башчысы.

Цукерберг белгилегендей, дистанттык вакансияларды түзүү Facebook компаниясына башка шаарлардан жана өлкөлөрдөн таланттуу адамдарды тартууга мүмкүндүк берет. Себеби бардык эле киши жумуш үчүн жер которгусу келбейт.

Бирок алгач Американын жер-жерлериндеги улук инженерлерди аралыктан иштөөгө штатка алышат. Ал эми компаниянын учурдагы айрым кызматкерлери, тагыраагы, жогорку көрсөткүчкө ээ болгондору гана пандемиядан кийин алыстан эмгектенет. Убакыттын өтүшү менен жумуштун бул түрүн башка бөлүмдөрдө жайылтышат.

Facebook сырттан иштей турчуларды 2021-жылдын 1-январына чейин тизмектейт. Алардын жашаган жерине жараша эмгек акы менен компенсациялары өзгөртүлүшү мүмкүн.

7
Белгилер:
эл аралык укук, иш, кызматкер, Марк Цукерберг, Facebook
Тема боюнча
АКШ соту Facebook компаниясын 5 млрд. доллар айыпка жыкты. Себеби