Финпол: Жалил Атамбаевге тиешелүү ишканалар миллиондогон салык төлөбөй койгон

© AFP / ERNESTO BENAVIDESАКШ долларлары. Архив
АКШ долларлары. Архив - Sputnik Кыргызстан
Жазылуу
Жалил Атамбаевге тиешелүү делген ишканаларда табылган мыйзам бузуулар боюнча Салык кызматынын өкүлүнө дагы иш козголду.

БИШКЕК, 3-июл. — Sputnik. Экономикалык кылмыштуулукка каршы күрөшүү боюнча мамлекеттик кызматы (Финпол) ишкер Жалил Атамбаевге тиешелүү делген ишканаларды текшерип чыгып, 40 миллион сомдук салыктын жашырылганы тууралуу маалымат таратты.

Эске салсак, 2019-жылдын апрель айында Финансы полициясы КРдин Жазыктар кодексинин 232-беренесине ("Салык төлөөдөн баш тартуу") ылайык Кылмыштар менен жоруктардын бирдиктүү реестрине соттук ишти каттоого алган.

Буга "Азаттык" үналгысынын "Ош: салыктан буйтаган "ишкерлер" аттуу иликтөөсүндө келтирилген фактылар түрткү болгону айтылды.

Финполдон билдиришкендей, иликтөөдө Жалил Атамбаевге тиешеси бар делген, салык төлөөдөн качкан ишканалар фигурант болгон.

"Алдын ала текшерүүлөргө караганда, "А.Д." ЖЧКсы 28 миллион сом, "О.О." ЖЧКсы 12 миллион сом салык төлөмөк. Андыктан бул ишканалардын каржы жана чарбалык документтери текшерүү үчүн алынды", — деп айтылат билдирүүдө.

Ошондой эле "Б" ЖЧКсынан салык кызматынын колдонула элек пломбалары табылды. Алар күйүүчү май ташуу үчүн пайдаланылышы керек эле. Бул пломбалар үчүн салык кызматынын инспекторлору жоопкер.

"Ушул эле ЖЧКда нефть өндүрүмүн ташууда колдонулчу документтер, тагыраагы, Салык кызматынын Ош шаары боюнча башкармалыгынын мөөрү басылган бош бланкалар табылды", — деп жазылат Финполдун билдирүүсүндө.

Президент КР Сооронбай Жээнбеков  - Sputnik Кыргызстан
Сооронбай Жээнбеков бизнесмендер менен күч органдарын сынга алды
Экономикалык кылмыштуулукка каршы күрөшүү кызматынан билдиргендей, салыкчылар кызматынан кыянаттык менен пайдаланып, аталган ишканага өз мөөрү басылган, колдонула элек кагаздарды берген.

Бул факты боюнча КРдин Жазыктар кодексинин 320-беренесине ("Кызмат абалынан кыянаттык менен пайдалануу") ылайык Кылмыштар менен жоруктардын бирдиктүү реестрине соттук иш каттоого алынды.

Финполдун билдирүүсүнө караганда, 2-июль күнү Мамлекеттик салык кызматынын Ош шаары боюнча башкармалыгынын күйүүчү май боюнча секторунун жетекчиси О.М. кармалып, Бишкек ШИИБинин убактылуу кармоо жайына киргизилди.

Жалил Атамбаевге тиешелүү делген башка ишканалар боюнча текшерүү иштери жүргүзүлүп, тиешелүү документтер иликтенип жатканы кошумчаланды.

Жаңылыктар түрмөгү
0