АКШ долларлары. Архив

Кыргызстанга насыя бергендерге ар бир жаран 600 доллардан карыз. График

489
(жаңыланган 15:33 03.07.2019)
Карыздын үчтөн бир бөлүгүнөн көбүрөөгү Кытайга туура келет.

БИШКЕК, 3-июл. — Sputnik. Финансы министрлигинин берген акыркы маалыматы боюнча, Кыргызстандын мамлекеттик карызы 4,4 миллиард долларды түзөт.

Sputnik Кыргызстан агенттиги ар бир жаран орточо эсеп менен канча карыз экенин эсептеп көрдү. Бардык эсептөөлөр алынган насыялардын көлөмүн көрсөтүү үчүн гана жасалды.

Апрель айынын аягына алынган маалымат боюнча, Кыргызстандын мамлекеттик карызы 4 миллиард 445 миллион долларды түзөт. Ал эми 1-январга карата Кыргызстандын калкынын саны 6 миллион 389,5 миң киши. Белгилей кетсек, мамлекеттик карыз — ички (659 миллион доллар) жана тышкы карыздан (3,8 миллиард доллар) турат.

Жалпысынан алганда Кыргызстан 21 мамлекетке жана финансы институттарына карыз.

Орто эсеп менен алганда Кыргызстандын ар бир жаранынын "карызы" 695,6 долларды түзөт. Анын 592 доллары тышкы карызга туура келет.

Калган мамлекеттер менен финансы институттарына канча карыз экенин графиктен караңыз.

489
Белгилер:
карыз, насыя, Кыргызстан
Тема боюнча
Аз болсо да... Өлкөнүн мамлекеттик карызы 12 млн. долларга кыскарды
Жыл башындагы акчанын сыртка чыккан көлөмү рекорддук көрсөткүч болду. График