Президент Сооронбай Жээнбеков Швейцарияга болгон сапары

Жээнбеков Швейцарияда бизнес көзүрлөрүнө жолугуп, бир топ документке кол коюлду

141
(жаңыланган 11:39 11.07.2019)
Президент Швейцарияга экологиялык таза жана сапаттуу айыл чарба продукцияларын, кийим-кечелерди жана бут кийим экспорттоого даяр экенин билдирди.

БИШКЕК, 11-июл. — Sputnik. Президент Сооронбай Жээнбеков Швейцарияга болгон сапарынын алкагында ири бизнес өкүлдөрү менен жолугуп, бир нече документке кол коюлду. Бул туурасында мамлекет башчынын маалымат кызматы кабарлады.

Жолугушуулар кечээ, 10-июлда, Жээнбековдун Европа өлкөлөрүнө жасаган расмий сапарынын алкагында Берн шаарында өткөн.

  • Встреча с представителями крупного бизнеса Швейцарии президента Кыргызской Республики Сооронбая Жээнбекова на в городе Берн. 10 июля 2019 года
    Президент Сооронбай Жээнбеков Швейцарияга болгон сапарынын алкагында ири бизнес өкүлдөрү менен жолукту
    © Пресс-служба президента КР / Султан Досалиев
  • Встреча с представителями крупного бизнеса Швейцарии президента Кыргызской Республики Сооронбая Жээнбекова на в городе Берн. 10 июля 2019 года
    Жолугушуулар кечээ, 10-июлда, Жээнбековдун Европа өлкөлөрүнө жасаган расмий сапарынын алкагында Берн шаарында өткөн.
    © Пресс-служба президента КР / Султан Досалиев
  • Встреча с представителями крупного бизнеса Швейцарии президента Кыргызской Республики Сооронбая Жээнбекова на в городе Берн. 10 июля 2019 года
    Президент Кыргызстан Швейцариянын рыногуна экологиялык таза жана сапаттуу айыл чарба продукцияларын, кийим-кечелерди жана бут кийим, ошондой эле азем буюмдарын экспорттоого даяр экенин билдирген.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Президент Сооронбай Жээнбеков Швейцарияга болгон сапарынын алкагында ири бизнес өкүлдөрү менен жолукту

Президент Кыргызстан Швейцариянын рыногуна экологиялык таза жана сапаттуу айыл чарба продукцияларын, кийим-кечелерди жана бут кийим, ошондой эле азем буюмдарын экспорттоого даяр экенин билдирген.

Ал эми Швейцариянын ишкерлери ар кандай инвестициялык долбоорлорду жүзөгө ашыруу боюнча кызматташууга даяр экенин билдиришти. Алар санариптештирүү, сертификациялоо, финансы, энергетика, туризм, мунайды кайра иштетүү, сүт азыктарын өндүрүү чөйрөлөрүндө өз ара аракеттешүү мүмкүнчүлүктөрү тууралуу айтышкан.

Мамлекет башчысы менен жолугушууга Herculis Partners, ABB Schweiz, Tatneft Europe, OBVIAM Investing for Impact, Blue Orchard Finance, Integral Petroleum, SICPA, Switzerland Tourism сыяктуу ири компаниялардын, ошондой эле Швейцариянын Бириккен соода палатасынын, Швейцариянын Экономикалык иштер боюнча мамлекеттик катчылыгынын (SECO) жетекчилери, өкүлдөрү жана башкалар катышты.

Кол коюлган документтер:

— КР Инвестицияларды илгерилетүү жана коргоо агенттиги менен Швейцариянын Бириккен Соода палатасынын ортосундагы өз ара кызматташтык тууралуу документ;

— КРдин Маданият, маалымат жана туризм министрлигине караштуу Туризм Департаменти менен Switzerland Tourism улуттук маркетинг уюмунун ортосундагы өз ара түшүнүшүү жана туризм чөйрөсүндө кызматташтык тууралуу документ;

— КРдин Саламаттыкты сактоо министрлиги, Мирсаид Миррахимов атындагы Улуттук кардиология жана терапия борбору менен Цюрих университети жана Цюрих университеттик госпиталынын ортосундагы респиратордук, ички жана бийик тоолуу медицина жана изилдөө чөйрөлөрүндө кызматташтык тууралуу документ.

141
Белгилер:
ишкер, кызматташтык, Швейцария, Сооронбай Жээнбеков
Тема боюнча
Сооронбай Жээнбековду Швейцарияга кимдер коштоп кетти. Тизме
АКШ доллары. Архив

Доллардын баасы кескин өсүп жатат. Улуттук банктын түшүндүрмөсү

348
(жаңыланган 19:24 27.10.2020)
Дүйшөмбү күндүн эртең мененки убактысына салыштырмалуу америкалык валюта бир сомдон ашык кымбаттап, 82 сомго жетти.

БИШКЕК, 27-окт. — Sputnik. Доллардын баасы сезондук фактор менен иш активдүүлүгүнөн улам өстү. Бул тууралуу Sputnik Кыргызстан агенттигине Улуттук банктан билдиришти.

Эске салсак, дүйшөмбү күнү эртең менен, 26-октябрда, доллар 80,44 сомдон сатып алынып, 80,82 сомдон сатылган. Кийин америкалык валютанын баасы 81,5-81,65 (сатып алуу) жана 81,8-81,9 (сатуу) сомго жетти.

“Кыргызстанда акча алмаштыруу курсу калкыма режимде болгондуктан баанын динамикасы сунуш менен суроо-талаптан көз каранды. Доллар кымбаттаса, демек, сунушка караганда суроо-талап көбөйгөнүнөн кабар берет. Буга сезондук фактор менен иш активдүүлүгү таасир этип жатат”, — деп айтылат маалыматта.

Улуттук банк акчанын баасы боюнча божомол бербей турганын эскертти. Ошол эле учурда ички жана тышкы валюталык рыноктогу абалга такай көз салып турат. Зарыл учурда тийиштүү операцияларды жасайт.

“Улуттук банктын негизги максаты тийиштүү акча-насыялык саясатты жүргүзүү менен баалардын туруктуулугун кармап туруу”, — деп айтылат маалыматта.

Башкы банк өлкөдөгү акчанын баасын аныктай турчу эсеп коюмун коюп турарын эскертти. Ошондой эле Улуттук банк эл аралык дүң резерви 26-октябрга карата 3 миллиард доллардан ашканын кабарлап, жарым жылдык товар менен кызматтардын импортуна жете турганын белгиледи.

348
Белгилер:
Улуттук банк, баалар, доллар, Кыргызстан
Тема боюнча
Айлык айдан-айга өп-чап жетеби? Акча топтоо боюнча кыргызстандыктарга кеңеш
Мамлекеттик салык кызматынын имараты. Архив

Кымырылган 9 млрд. сом: Салык кызматы Финполдун кинеси негизсиз экенин айтты

946
(жаңыланган 17:46 27.10.2020)
МСК Экономикалык кылмыштарга каршы күрөшүү кызматына тийиштүү материалдарды берүүгө даяр экенин жарыялады.

БИШКЕК, 27-окт. — Sputnik. Салыкчылар алтын казган компания менен жең ичинен сүйлөшүп алып, коррупциялык схема түзгөнү туурасында Финполдун берген маалыматы юридикалык жактан негизсиз. Бул тууралуу Мамлекеттик салык кызматы (МСК) тараткан расмий билдирүүдө айтылат.

Финпол бүгүн алтын казуучу "К.Г.К." жабык акционердик коому бюджетке 9 миллиард сомдон ашык зыян келтиргени аныкталганын жарыялады. Ага ылайык, компания Салык кызматы жана Социалдык фонддун кызматтагы адамдары менен жең ичинен сүйлөшүп, салык жана камсыздандыруу төлөмдөрүн толук төлөбөй келген.

"МСКнын кызматкерлери коррупциялык схема түзүүгө аралашкан деген маалымат чындыкка дал келбейт жана минтип айтууга эч кандай юридикалык негиз жок. Салык кызматынын 2018-жылы "К.Г.К." компаниясына карата жасаган бардык иштери мыйзам чегинде кынтыксыз", — деп жазылат билдирүүдө.

УКМК: коррупциялык иштерге күбө болгондор үчүн ишеним телефондор иштей баштады

Ошондой эле МСК Салык кодексинин 54-беренесине ("Салыктык купуялуулук") ылайык, айыптоолорго жооп катары маалыматты толугу менен коомчулукка ачыктай албай турганын белгиледи. Ал эми Экономикалык кылмыштарга каршы күрөшүү кызматына тергөөнүн алкагында тийиштүү материалдарды берүүгө даяр экени жазылат.

Айып тагылып жаткан ишкана "Кумтөр Голд Компани" экени айтылууда. Бирок аталган компания бул боюнча Финполдон билдирме албаганын билдирди.

946
Белгилер:
казуу, кен, Мамлекеттик салык кызматы, финансы полициясы
Тема боюнча
Финпол: тез жардам унааларын 1 млн. долларга кымбат алгандарга иш козголду
Садыр Жапаров: "Кумтөрдү" мамлекетке алайын деген оюм жок
Киши ант берип жаткан учурда. Архив

Антымды бузсам жоопкерчилик тартууга даярмын! Өкмөт мүчөлөрү ант берди

0
(жаңыланган 17:06 28.10.2020)
Өкмөттүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

БИШКЕК, 28-окт. — Sputnik. Премьер-министр Садыр Жапаров жана жаңыдан дайындалган өкмөт мүчөлөрү кызматына киришип жатып ант беришти.

Жогорку Кеңештин жыйыны "Ала-Арча" мамлекеттик резиденциясында өтүп жатат.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниет менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Садыр Жапаров депутаттардын алдында ант берди. Видео

Соңунда Жапаров аларга кайрылып,болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

0
Белгилер:
ант берүү, өкмөт, Садыр Жапаров
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео
Жапаров кимдерди бийликке алып келди. Өкмөттүн жаңы курамын таанып алыңыз