Үй куурчагы жана калькулятор. Архивдик сүрөт

Жакындап калды! Салык кызматы элге эскертти

493
(жаңыланган 12:55 11.07.2019)
Салыктарды өз убагында төлөбөгөн учурда жеке жактарга 1000 сом, юридикалык жактарга 5000 сом айып салынат.

БИШКЕК, 11-июл. — Sputnik. Мамлекеттик салык кызматы бир катар салыктарды төлөөнүн мөөнөттөрү жакындап калганын эскертти.

Маалыматка караганда, үстүбүздөгү жылдын 1-сентябрына чейин транспорт каражаттарына, 2-сентябрга чейин турак үй, батир (ишкердик иш үчүн пайдаланылбаган) жана жер салыгын (короо-жай жанындагы, бактуу-чарба жер участоктору) төлөө зарыл.

"Салыктарды өз убагында төлөбөгөн учурда жеке жактарга 1000 сом, юридикалык жактарга 5000 сом өлчөмүндө административдик айып салынат", — деп айтылат маалыматта.

Белгилей кетсек, быйылкы жылдан тартып мүлккө маалыматтык эсеп толтуруп, салык органдарына тапшыруу зарылдыгы жоюлду. Мүлкү тууралуу маалыматты юридикалык жактар 1-мартка чейин, жеке жактар 1-апрелге чейин жыл сайын тапшыруучу Бирдиктүү салык декларациясында гана көрсөтүшөт.

Кеңири маалыматты 1240 номери же www.sti.gov.kg сайты аркылуу, ошондой эле жергиликтүү салык органдарынан алууга болот.

493
Белгилер:
эскертүү, салык, үй, жер, Кыргызстан
Тема боюнча
Статком: экономика көтөрүлүп, баалар арзандады
Өкмөт товарларды чек арадан өткөрүүнү жөнөкөйлөштүрүү маселесин карады