Кыргызстана менен Казакстан чек арасында турган фуралар. Архивдик сүрөт

Жүк ташуучулар кыргыз-казак чек арасынан жеңил өтөт. Премьерлер сүйлөштү

260
(жаңыланган 14:35 12.07.2019)
Казакстандын өкмөт башчысы Кыргызстанга расмий иш-сапары менен келди.

БИШКЕК, 12-июл. — Sputnik. Кыргыз жана казак премьер-министрлери Мухаммедкалый Абылгазиев менен Аскар Мамин Казакстан аркылуу өткөрүү режимин либералдаштыруу боюнча сүйлөштү. Бул тууралуу өкмөт башчынын маалымат катчысы Адилет Султаналиев Facebook баракчасына жазды.

Мамин бүгүн, 12-июлда, Кыргызстанга расмий иш сапары менен келди. Анын алкагында өкмөттөр аралык кеңештин жыйыны өтүп, бир катар документтерге кол коюлат. Казакстандын өкмөт башчысы президент Сооронбай Жээнбеков менен да жолугат.

"Абылгазиев менен Мамин биздин жүк ташуучулар үчүн Казакстан аркылуу үчүнчү мамлекеттерге транзиттик жол менен өтүүдө өткөрүү режимин жеңилдетүү тууралуу сүйлөштү. Буга чейин ветеринардык тармакта иштешүү боюнча бардык маселелер чечилген", — деп жазды Султаналиев.

Тараптар тар чөйрөдө жолукту.

260
Белгилер:
жүк ташуучулар, чек ара, Аскар Мамин, Мухаммедкалый Абылгазиев, Казакстан, Кыргызстан
Тема боюнча
Гүл кучактап, боорсок көтөргөн кыздар. Казак премьерин тосуп алган видео
Көйгөйлүү маселенин баарын чечебиз. Абылгазиев казак премьери менен жолукту
Баткен облусунун кире бериши. Архив

Баткендин 19 айыл аймагынын ар бирине 100 миң долларлык субгрант берилет

92
(жаңыланган 18:24 22.01.2021)
Долбоор экономикалык мүмкүнчүлүктөрдү жана айылдарда алгачкы медициналык жардамдын жеткиликтүүлүгүн жакшыртууга багытталат.

БИШКЕК, 22-янв. — Sputnik. Баткен облусунун 19 айыл аймагы социалдык муктаждыктарын жеңилдетүү үчүн каржылык колдоого ээ болот. Бул тууралуу өкмөттүн өкүлчүлүгүнүн маалымат кызматы билдирди.

Каржылоонун алкагында тандалган ар бир айыл аймакка берилүүчү ар бир субгрант орточо 100 миң долларды түзөт.

Кыргыз өкмөтү менен Дүйнөлүк банктын ортосунда "CASA-1000 жергиликтүү коомчулуктарды колдоо" долбоору үчүн 21,0 миллион доллар кошумча каржылоо боюнча макулдашылган. Айылдарга жардам ушул макулдашуунун алкагында берилмекчи.

"Долбоор экономикалык мүмкүнчүлүктөрдү арттыртууга жана айылдарда алгачкы медициналык жардамдын жеткиликтүүлүгүн жакшыртууга багытталат. Ошондой эле калктын аяр катмарынын мүмкүнчүлүктөрүн кеңейтет. COVID-19 пандемиясынан улам пайда болгон тобокелдикти азайтууга, айылдын инфратүзүмдөрүн жакшыртууга жардам берет. Анын катарында алгачкы медициналык жардам көрсөтүү пунктуларына же суу менен камсыз кылуу, санитария жана гигиена менен байланышкан муктаждыктарга көмөк көрсөтөт", — деп айтылат маалыматта.

Ага кошумча, айыл чарба өндүрүшү жана кайра иштетүү, транспорттук кызмат көрсөтүүлөр, элдик чеберчилик жана тигүү буюмдарын өндүрүү, санариптештирүү жаатында жаштарды жана аялдарды колдой тургандыгы айтылды.

92
Белгилер:
дүйнөлүк банк, жардам, Баткен облусу
Тема боюнча
Былтыр Баткенде 1000дей ишкер мамлекеттен жеңилдетилген насыя алды
ЕАЭБге мүчө-мамлекеттердин өкмөт башчылары жыйыны. Архив

Февралда ЕАЭБге мүчө-мамлекеттердин өкмөт башчылары Алматыда чогулат

47
(жаңыланган 16:57 22.01.2021)
ЕАЭБ өлкөлөрүнүн өкмөт башчыларын чогулткан иш-чаралар коңшу Казакстандын Алматы шаарында боло турганы айтылды.

БИШКЕК, 22-янв. — Sputnik. Үстүбүздөгү жылдын 5-февралында ЕАЭБге мүчө-мамлекеттердин өкмөттөр аралык жыйыны жана Almaty Digital Forum-2021 форуму өтөт. Бул туурасында Евразия экономикалык комиссиясынын маалымат кызматы билдирди.

Аталган иш-чаралар Казакстандын Алматы шаарында боло турганы айтылды.

Санариптик форумдун пленардык жыйынына ЕАЭБ өлкөлөрүнүн өкмөт башчылары, ЕАЭБге байкоочу мамлекеттер жана Евразия экономикалык комиссиясынын төрагасы Михаил Мясникович катышат.

47
Белгилер:
жыйын, жолугушуу, өкмөт, Евразиялык экономикалык биримдик, Алматы
Тема боюнча
ЕАЭБ: союздаштар саясатты шайкеш келтирүүгө мезгил жетти
Артем Новиков ЕЭК кеңешинин соңку жыйынына катышты. Талкууланган маселелер
Конор МакГрегор позирует во время торжественного взвешивания для боя смешанных единоборств на UFC 246 в Лас-Вегасе (США). 17 января 2020 года

Жыргап күлүп, кучакташып... Макгрегор менен Порьенин көз караштар таймашы

0
(жаңыланган 22:31 22.01.2021)
Эки белгилүү мушкердин кармашы жекшембиде Абу-Дабидеги "Мушкерлер аралы" спорттук жайында өтөт. Атлеттер жети жыл мурун октагондо кезигишкен.

БИШКЕК, 22-янв. — Sputnik. UFC 257 турниринин алдында атактуу ирландиялык мушкер Конор Макгрегор менен америкалык Дастин Порье көз караштар таймашын өткөрүштү. Видео уюмдун расмий Instagram баракчасына жүктөлдү.

Посмотреть эту публикацию в Instagram

Публикация от ufc (@ufc)

Видеодон Конор Дастинге сес көрсөтүмүш болгону менен акырында экөө тең күлүп, кучакташып, жадагалса тамалашканга да үлгүрүшкөн.

Бул иш-чара спортчулар салмакка түшкөндөн кийин уюштурулган. Таразага түшкөн Макгрегор адатынча кыйкырып алганын көрүүгө болот.

Посмотреть эту публикацию в Instagram

Публикация от ufc (@ufc)

Кармаш 24-январда Абу-Дабидеги "Мушкерлер аралы" спорттук жайында өтөт. Атлеттер жылдызы жанып келе жаткан мезгилде, 2014-жылы беттешип, ирландиялык спортчу биринчи эле раундда техникалык нокаут менен уткан.

Арадан алты жыл өткөндөн кийин алар чыныгы такшалган мушкер катары кайра беттешип жатышат. Жеңүүчү жеңил салмактагы чемпиондук наамга башкы талапкер болот. Ошондуктан утуп чыгуу экөө үчүн тең өтө маанилүү.

0
Белгилер:
видео, кармаш, Дастин Порье, Конор Макгрегор, UFC
Тема боюнча
Макгрегор — Порьенин кармашын кайдан көрүүгө болот? Түз эфирлердин тизмеси