Премьер-министр Мухаммедкалый Абылгазиев

Абылгазиев: Россия менен Кытайдан келчү миллиарддар "жок болуп" кетпеши керек

210
(жаңыланган 13:48 29.07.2019)
Өкмөт башчы чет өлкөдөн бөлүнгөн каражат сол чөнтөккө кирип кетпешин катуу эскертти.

БИШКЕК, 29-июл. — Sputnik. Премьер-министр Мухаммедкалый Абылгазиев Россиянын президенти Владимир Путиндин жана Кытайдын лидери Си Цзиньпиндин Кыргызстанга болгон мамлекеттик сапарларынын алкагында кол коюлган эл аралык келишимдерди жана бизнес-долбоорлорду ишке ашыруу боюнча кеңешме өткөрдү. Бул туурасында өкмөттүн маалымат кызматынан билдиришти.

Ага ылайык, "Стратегиялык өнөктөштүктүн жана интеграциянын жаңы горизонттору" VIII кыргыз-россия аймактар аралык конференциясынын жыйынтыгы менен 6 миллиард 134 миллион 860 миң долларлык 53 келишимге (макулдашуулар, меморандумдар, соода келишимдер) кол коюлган. Анын ичинде инвестиция чөйрөсүнө 5 миллиард 514,7 миллион жана соода тармагына 620 миллион доллар каралган.

Кыргызстандын жана Кытайдын желектери. Архив
© Пресс-служба президента КР / Султан Досалиев
Ал эми Кытай лидери Си Цзиньпиндин визитинин алкагында өткөн Кыргыз-кытай бизнес-форумунун жүрүшүндө 7 миллиард 828 миллион долларлык тоо-кен, агрардык өнөр жай, билим берүү, курулуш тармактарында инвестициялык долбоорлорду ишке ашырууга багытталган 24 документке кол коюлган. Мындан тышкары, 500 миллион (5 миллиард сом) юань өлчөмүндө кайтарымсыз жардам берүү жөнүндө келишимге кол коюлган. Ага катар кытай тарап 2019-жылдан 2021-жылга чейин 1,5 миллиард юань (15 миллард сом) гранттык жардам көрсөтүү ниетин билдирген.

"Министрликтердин жана ведомстволордун жетекчилери кол коюлган документтерге жеке жоопкерчиликти тартышат. Түшкөн каражаттар максаттуу пайдаланылып, эң керектүү чөйрөлөргө багытталышы үчүн биздин ишибизди тутумдаштыруу абзел. Алар "жок болуп" кетпеши керек, мурдагыдай баш аламандык эч болбосун. Биздин жарандар сүйлөшүүлөр боюнча олуттуу натыйжаларды күтүп жатышат", — деген тапшырмаларды берген өкмөт башчы.

Ошондой эле Абылгазиев эл аралык келишимдерди аткарууну создуктурбоону баса белгилеген.

210
Белгилер:
каражат, аткаруучу, келишим, Россия, Кытай, өкмөт, Мухаммедкалый Абылгазиев
Тема боюнча
Жээнбеков менен Си Цзиньпиндин макулдашуусу. Кол коюлган 18 документ
12 өлкөнүн лидерлери Кыргызстан үчүн эң маанилүү маселени көтөрдү
Жээнбеков: Россия менен бирге алдыга жылгыбыз келет