Унаа базары. Архивдик сүрөт

Унаа чындап эле кымбаттайбы? Бажы боюнча жаңы эрежелер иштей баштайт

2493
(жаңыланган 10:04 01.08.2019)
2020-жылдан тарта автону бажылык жол-жоболоштуруунун жаңы эрежелери күчүнө кирет. Мындан улам Кыргызстанда машиналардын кымбатташы ыктымал деген божомол бар. Өлкөгө автомобиль ташып келүүгө бажылык төлөмдөрдү азыркы көлөмүндө калтыра турууга мүмкүнбү? Буга Sputnik Кыргызстандын кабарчысы кызыгып, сураштырып көрдү.

БИШКЕК, 30-июл. — Sputnik. Былтыр дал ушул айда Кыргызстанда автомобилди бажылык жол-жоболоштуруу төлөмү төмөндөтүлүп, 2014-жылдагы көлөмгө чейин түшүрүлгөн. Электромобилдерге бажы төлөмү ансыз да жок. Муну менен өкмөт жарандарды экологиялык, энергия үнөмдөө стандарттарына жооп бергидей көлүк тандоого шыктандырууну көздөгөн. Андан тышкары, бул чечим эскирген унаалардын санын азайтып, автопаркты жаңылоого жол ачат деп болжошкон.

Бирок эмки жылдан тарта бажы төлөмдөрүнүн чени Евразиялык экономикалык биримдикке мүчө өлкөлөрдүн ортосунда түзүлгөн келишимдеги деңгээлге дейре жогоруламакчы.

Sputnik Кыргызстандын редакциясы келерки жылы автомобилдик рынокту эмне күтөрүн, бажы төлөмдөрү канчалык жогоруларын, чендин көтөрүлүшү эмнеге алып келерин сураштырып, 2020-жылы бул азыркы эрежелерди узарта туруу ыктымалдуулугуна кызыгып Экономика министрлигине кайрылды.

Бажылык жол-жоболоштуруу эрежелери кандай өзгөрөт?

Экономика министрлигинен 2020-жылдан тарта автосүйүүчүлөр үчүн бажылык жол-жоболоштуруунун жаңы эрежелери ишке кирерин эске салышты.

"Кыймылдаткычтын иш көлөмүнүн бир куб сантиметрине 1,5-20 евродон кем эмес акы алына баштайт. Анын суммасы чыккан жылына жана автомобилдин наркына жараша эсептелет", — деп айтылат тийиштүү мекеменин билдирүүсүндө.

Министрликтин расмий жообунда транспорттук каражаттардын наркы юридикалык тараптар үчүн жаңы чен киргизүү бөлөк чыгымдарды кошпогондо да болжол менен он пайызга өсөт.

Азыркы төлөм ченин кармап турууга болобу?

Экономика министрлиги жарандар жеке пайдалануу үчүн ташып келген жеңил унааларга коюлган ченди көбөйтүүгө республика али даяр эместигин белгилейт.

Калктын төмөнкү жана ортоңку кирешесин эске алуу менен Экономика министрлиги жеңилдетилген мөөнөттү беш жылга узарта турууну сунуштайт. Органдын адистери тийиштүү документке өзгөртүү киргизүү жөнүндө долбоорду иштеп чыгып, өкмөт аппаратына жөнөтүшкөн.

"Ушул тапта бул маселени ЕАЭБдин өкмөттөр аралык кеңешинин кароосуна алып чыгууга даярдык көрүлүүдө. Өзгөртүү киргизүү үчүн аталган уюмга мүчө мамлекеттердин баарынын макулдугу зарыл", — деп жазылат билдирүүдө.

Саясат таануучу Денис Бердаков Экономикалык интеграциянын мүчө өлкөлөрү Кыргызстан өкмөтүнүн өтүнүчүн колдойт деген ойдо. Анын пикиринде, ЕАЭБге мүчө мамлекеттерге Кыргызстанда саясий кырдаалдын тынч болушу артык.

"Албетте, жеңилдетилген мөөнөттү узартуу Россия менен Казакстандын авто өндүрүшү үчүн пайдасыз. Биздин рыноктун көлөмү чакан болсо да, алардын эсебинде. Бирок ЕАЭБге мүчө өлкөлөрдүн биздин мамлекеттен күткөн эң башкы нерсеси — саясий туруктуулук. Эгер аны камсыздоо үчүн ченди азырынча жогорулатпай туруу керектигин негиздеп берсек, алар биздин сунушту четке какпаса керек", — деп боолголойт Бердаков.

Бажы төлөмдөрүнүн арзандыгы эмнеге алып келди?

Экономика министрлиги 2018-жылы бажы төлөмдөрү төмөндөтүлгөндө үчүнчү өлкөлөрдөн унаа көп ташылган. Мекеме буга айкын мисал келтирет.

"Былтыр 7 миң 177 автомобиль алып келинди, алардын көпчүлүгү жылдын экинчи жарымында ташылды. Өзүңүздөргө белгилүү болгондой, унаа импорттоо төлөмдөрүн азайтуу жөнүндө өкмөттүн токтому дал ошол тушта күчүнө кирген. Салыштырсак, 2018-жылдын биринчи жарымында болгону 200 авто ташылган", — деп жазылган билдирүүдө.

Экономика министрлиги өкмөттүн чечими кыймылдаткычы электр жана гибриддик автолорду ташуу, ошондой эле өтө эски эмес машиналарды импорттоону өбөлгөлөгөн. 2018-жылдын 25-июлунан 2019-жылдын июнь айына чейин Кыргызстанга 29 электромобиль жана кыймылдаткычы гибриддик болгон 1229 унаа алып келинди.

Эски автомобилдер үчүн кыймылдаткычтын бир куб сантиметрине алты доллардан деген чектелген чен бар экенин эске сала кетели. Ошол эле учурда электрдик автотранспорттук каражат акысыз киргизилет, ал эми кыймылдаткычы гибриддик машиналар өбөлгөлөөчү чен менен, тагыраак, бир куб сантимерине 0,5-,06 доллар менен импорттолот.

2493
Белгилер:
өндүрүш, Евразиялык экономикалык биримдик, төлөм, автоунаа, бажы
Тема боюнча
Айдоочулук күбөлүктүн ордуна эмнеге кагаз берилип жатат? Мамкаттоонун жообу
Айдоочуларга берилчү жаңы күбөлүктүн 7 айырмасы айтылды

Майды аз ичкен өтүмдүү автоунаалардын баасы. Инфографика

146
(жаңыланган 19:51 05.12.2020)
Sputnik Кыргызстан унаа базарларындагы бааларды карап чыгып, майды аз ичкен жеңил автокөлүктөрдүн орточо наркын эсептеди.

Агенттик autobaza.kg, cars.kg, turbo.kg жана mashina.kg ресурстарына таянды. Бул жактагы баалар бири-биринен дээрлик айырмаланбайт. Окурманга ыңгайлуу болсун үчүн ар бир автонун Улуттук банктын 4-декабрдагы курсу менен белгиленген баасын киргиздик.

Эл көп алган 10 автоунаа төмөнкүдөй болду:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Mazda Demio;
  • Volkswagen Golf;
  • Chevrolet Spark;
  • Honda Civic;
  • Toyota Prius.

Тизмедеги эң арзан машина Lada 2107 болду. 2001-жылы чыгарылган үлгүсү 1 179 доллар деп бааланууда. Экинчи орунда Daewoo Matiz турат, колдон 1 754 долларга сатып алууга болот. Эң кымбаты — Toyota Prius. 2010-жылы чыгарылганы 9 670 доллар турса, ал эми 2014-жылкысы 11 147 доллардан сатылууда.

146
Белгилер:
май, Кыргызстан, базар, баа, автоунаа
Тема боюнча
Бишкектеги батирлер канча турат? Ноябрь айындагы баалар
Тышкы иштер министри Руслан Казакбаев. Архивдик сүрөт

Кыргызстан референдум өткөрүүгө БУУдан техникалык жардам сурады

118
(жаңыланган 12:56 05.12.2020)
Жолугушуунун негизги темасы өлкөдөгү конституциялык реформа жана БУУнун Кыргызстанга көмөктөшүүсү болгон.

БИШКЕК, 5-дек. — Sputnik. Тышкы иштер министри Руслан Казакбаев БУУнун Кыргызстандагы туруктуу координатору Озонниа Ожиелону кабыл алды. Бул тууралуу ведомствонун маалымат кызматы билдирди.

Жолугушуунун негизги темасы өлкөдөгү конституциялык реформа жана БУУнун Кыргызстанга көмөктөшүүсү тууралуу болгону айтылат.

"Министр жакынкы айларда башкаруу формасын тандоо, Конституцияны кабыл алуу, президенттик жана парламенттик шайлоолорду өткөрүү пландалып жатканын айтты. Буга байланыштуу ал БУУнун туруктуу өкүлүнө аталган маанилүү жалпы элдик иш-чараларды өткөрүүгө техникалык жардам көрсөтүү өтүнүчү менен кайрылды", — деп айтылат маалыматта.

Ал эми Ожиело Баш мыйзамдын жаңы редакциясын иштеп чыгуу эгемендүү мамлекеттин укугу экенин айтып, ошону менен бирге адамдардын эркиндиги жана укуктарын сактоого маани берүү керектигин белгилеген.

Ошондой эле ал Бириккен Улуттар Уюму Кыргызстанга конституциялык реформанын алкагында документтерди иштеп чыгуунун сапаттуулугун арттырууга көмөктөшүүгө даяр экенин билдирген.

118
Белгилер:
референдум, жардам, Кыргызстан, БУУ, Руслан Казакбаев
Тема:
Кыргызстандагы президенттик шайлоо – 2021
Тема боюнча
Министр Казакбаев АКШ элчиси менен сүйлөштү. Ортодо эмне кеп болду
Кыргызстан чет өлкөлүк донорлордон дагы 429 млн. доллар күтүп жатат
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен