Кыргызстан желеги жана монеталар. Архивдик сүрөт

Кыргызстанда топтолмо пенсиялык фонддор түзүлөт. Маңызы эмнеде?

217
(жаңыланган 19:53 06.08.2019)
Жаңы фонддордун түзүлүшү келечекте эмгекчилерге киреше табууга шарт түзөт.

БИШКЕК, 6-авг. — Sputnik. Президент Сооронбай Жээнбеков "Топтолмо пенсиялык фонддор жөнүндө" мыйзамына өзгөртүүлөрдү киргизүү тууралуу" мыйзамга кол койгонун өлкө башчынын маалымат кызматы билдирди.

Аталган мыйзам 26-июлда Жогорку Кеңеш тарабынан кабыл алынган.

Максаты — топтолмо пенсиялык фонддор чөйрөсүндөгү КР мыйзамдарын өркүндөтүү жолу менен топтолмо пенсиялык фонддордун рыногун өнүктүрүү.

Анда каралган шарттар:

— акционердик коом түрүндөгү жаңы топтолмо пенсиялык фонддорду түзүү;

— Кыргызстанда ачык, корпоративдик жана кесиптик пенсиялык фонддорду киргизүү.

Ачык пенсиялык фонд — топтолмо пенсиялык фонд, иштеген жерине жана ишинин мүнөзүнө карабастан, кандай болбосун жеке жактар анын катышуучусу боло алат.

Корпоративдик топтолмо пенсиялык фонддор алуучулар — ошол топтолмо пенсиялык фонддун уюштуруучусу жана акционерлери болуп саналышкан бир же бир нече юридикалык жактардын кызматкерлери үчүн түзүлөт.

Кесиптик пенсиялык фонд — топтолмо пенсиялык фонд, анын уюштуруучусу (уюштуруучулары) юридикалык жактардын — жумуш берүүчүлөрдүн жеке жактардын бирикмеси, анын ичинде кесиптик бирликтердин бирикмеси боло алышат. Фонддун уставында аныкталгандай, алардын кесиптик ишинин (жумушунун) түрү боюнча байланышкан жеке жак гана андай фонддун катышуучусу боло алат.

Банктык эмес финансылык рынокту түзүүдө топтолмо пенсиялык фонддордун иши олуттуу ролду ойнойт.

"Топтолмо пенсиялык фонддор келечекте келип түшкөн каражат эмгекчилерге инвестициялык киреше алып келишине жетишүү максатында түзүлөт", — деп айтылат маалыматта.

Мыйзам расмий жарыяланган күндөн тартып он беш күн өткөндөн кийин күчүнө кирет.

217
Белгилер:
фонд, пенсия
Тема боюнча
Билбей калбаңыз! Мамлекет сизге бере турган акча каражаты
Жогорку Кеңештин төрагасы Канатбек Исаев. Архивдик сүрөт

Канат Исаев ТТМККнын баш катчысы менен жолугуп кызматташтыкты талкуулады

29
(жаңыланган 14:52 23.10.2020)
ЖК төрагасы түзүлгөн кырдаал өлкөнүн демократиялык өңүттө өнүгүп жатканынан кабар берерин белгилеген. 

БИШКЕК, 23-окт. — Sputnik. Жогорку Кеңештин төрагасы Канатбек Исаев Түрк тилдүү мамлекеттердин кызматташтык кеңешинин башкы катчысы Багдад Амреевди кабыл алды. Бул туурасында парламенттин маалымат кызматы билдирди.

Жолугушууда тараптар түрк тилдүү мамлекеттер ортосундагы алакаларды арттыруу, саясий-экономикалык, маданий-гуманитардык кызматташтыкты кеңейтүү маселелерин талкуулашты.

Россия биздин ишенимдүү өнөктөш. Садыр Жапаров элчи менен жолукту

Алгач төрага Кыргызстандагы акыркы окуяларга токтолуп, түзүлгөн кырдаал өлкөнүн демократиялык өңүттө өнүгүп жатканынан кабар берерин белгиледи. 

"Баарынан элдин пикири кымбат. Андыктан калктын талабы эске алынып, президентибиз өз ыйгарым укуктарынан баш тартуу менен кызматын өткөрүп берди. Өзгөрүүлөрдүн баары мыйзам чегинде ишке ашып, мамлекеттин туруктуулугу эске алынды. Алдыда демократиялык багытыбызды чыңдоого жана парламентаризмди күчтөндүрүүгө аракет кылабыз. Мындан ары да тарыхый тамыры бир мамлекеттердин саясий-экономикалык, маданий-гуманитардык кызматташтыгынын уланышына кызыкдарбыз", — деп белгилеген Исаев.

Өз кезегинде Кеңештин башкы катчысы Багдад Амреев боордош кыргыз элиндеги туруктуулук бардык түрк тилдүү мамлекеттер үчүн маанилүү экенин билдирген. 

Аны менен катар экономикалык кызматташтыкты кеңейтүү зарылчылыгын айткан. 

29
Белгилер:
мамиле, кеңеш, жолугушуу, Канатбек Исаев
Тема боюнча
Министр Казакбаев Россияга барып, реформа жүргүзүүгө каражат сурады
Жапаров Абдыгуловго финансы рыногун жөнгө салуу боюнча тапшырма берди
ЕАЭБдин жыйыны

Министрлер ЕАЭБ менен Кытай кызматташтыгын талкуулайт

58
Документ соода тармагынын көп жагын камтымакчы. Мында техникалык жактан жөнгө салуу, бажы процедуралары, атаандаштык жана электрондук соода жаатында сөз болот.

БИШКЕК, 23-окт. — Sputnik. Евразиялык экономикалык комиссиянын аянтчасында ЕАЭБ менен Кытай демилгесинин өз ара кызматташтыгына арналган "Бир алкак — бир жол" деп аталган видеофорум болот.

26-27-октябрда Россия, Кытай, Армения, Кыргызстан, Казакстан, Беларустагы бизнес адамдары жана мамлекеттик түзүмдөрдүн өкүлдөрү пандемиядан кийин экономиканы калыбына келтирүү, ЕАЭБ менен Кытайдын иш тажрыйба жүзүндөгү алакалары талкууланмакчы. Алар – экология, туруктуу өнүгүү, логистика, транзит процессинде санарип чечимдерди тереңдетип киргизүү, улуттук валюта менен эсеп-кысап жүргүзүү жана агро өнөр жай боюнча кызматташуу маселелери.

ЕАЭБ менен Кытай: кызматташуунун бир нече тармагы талкууланды

Иш-чара Евразиялык экономикалык комиссиянын аянтчасында өтөт.

"Бир алкак — бир жол" деп аталган глобалдуу транспорттук жана инвестициялык инфратүзүмдү калыптандыруу жаатындагы кытайлык демилге эки долбоорду бириктирди. Алар — "Жибек жолунун экономикалык алкагы" жана "XXI кылымдагы деңиз Жибек жолу".

"Евразиялык экономикалык биримдик менен Кытай Эл Республикасын инфратүзүмдүк, техникалык, коммуникациялык барьерлерди аттап өтүү, континентте экономикалык аймакты түзүүнүн маанилүү экендигин түшүнүү бириктирип турат", — деди ЕЭКтин Соода коллегиясынын мүчөсү Андрей Слепнев.

Онлайн-жолугушуунун катышуучуларынын арасында Россия ТИМ жетекчисинин орун басары Игорь Моргулов, Кытайдын коммерция министри Чжунь Шань, Беларусь ТИМинин жетекчисинин биринчи орун басары Александр Гурьянов, Казакстандын соода, интеграция министри Бахыт Султанов, Армениянын экономика министри Тигран Хачатрян, Кыргызстандын экономика министри Санжар Муканбетов бар.

Путин: ЕАЭБ ири бирикмелер менен кызматташуусун күчөтүшү керек

ЕЭКтен өтө турган иш-чара ЕАЭБ — Кытайдын соода-экономикалык кызматташтыгы боюнча 2019-жылдын күз айында күчүнө кирген макулдашуулардын арбышын шарттай турганын айтышты.

Документ соода тармагынын көп жагын камтымакчы. Алар – техникалык жактан жөнгө салуу, бажы процедуралары, атаандаштык жана электрондук соода. Бирок бажы алымдарынын арзандашы боюнча маселе каралбайт. Бул ЕАЭБ менен Кытайдын ортосундагы соода-экономикалык өз ара алаканы өнүктүрүү боюнча келишимдердин комплексин түзүүгө шилтенген биринчи кадам.

Иш-чара интерактивдүү түрдө орус, кытай жана англис тилдерин аталган аянтчага пайдаланып, аны YouTube каналына, социалдык тармактарга түз алып берүү ыкмасы менен өтмөкчү.

58
Белгилер:
жибек жолу, талкуу, кызматташуу, ЕЭК, Кытай, Евразиялык экономикалык биримдик
Тема боюнча
ЕАЭБ өлкөлөрү Кытайга темир жол аркылуу айыл чарба азыктарын ташый алат
Член партии Ата Мекен Тилек Токтогазиев на митинге сторонников в Бишкеке, после беспорядков вызванных результатами парламентских выборов

Тилек Токтогазиев жыйын өткөрүп, министрликтеги ишин эмнеден баштаарын айтты

0
(жаңыланган 17:12 23.10.2020)
Жаңы министр айыл чарба тармагын санариптештирүүнү жана тамак-ашты кайра иштетүүнү колго ала турганын жарыялады.

БИШКЕК, 23-окт. — Sputnik. Айыл чарба, тамак-аш өнөр жайы жана мелиорация министри Тилек Токтогазиев бүгүн министрликтин кызматкерлери менен таанышып, жүргүзүлүп жаткан иштер боюнча маалымат алды. Бул тууралуу ведомствонун маалымат кызматы билдирди.

Жыйында жаңы министр айыл чарба тармагын санариптештирүүнү жана тамак-ашты кайра иштетүүнү колго ала турганын айткан.

Ошондой эле айыл чарба тармагындагы ассоциациялар менен тыгыз кызматташып, дыйкан-фермерлерге ыңгайлуу шарттарды түзүүгө өзгөчө көңүл буруларын белгилеген.

Кадр кызматынын башчылыгына мурдагы вице-премьер барды

Мындан сырткары, Токтогазиев кесиптештерин айыл чарба тармагын алдыга жылдырууга жана өнүктүрүүгө чакырганы айтылат.

0
Белгилер:
жыйын, кайра иштетүү, Айыл чарба жана мелиорация министрлиги, Тилек Токтогазиев
Тема боюнча
Тилек Токтогазиев айыл чарба министри болуп дайындалды
Жапаров Зулушевди Башкы прокуратура жамаатына өзү барып тааныштырды