Алтын казуучу жай. Архивдик сүрөт

Солтон-Сарыдан кен казууга ким качан уруксат берген? Тизме

(жаңыланган 10:38 07.08.2019)
Кытай компаниясы эң акыркы лицензияны Сапар Исаковдун өкмөтүнөн алганы белгиленет.

БИШКЕК, 6-авг. — Sputnik. Zhong Ji Mining Company ишканасына Солтон-Сарыдагы алтын кенин иштетүүгө 2009-жылы лицензия берилген. Бул туурасында өкмөттүн маалымат кызматы билдирди.

Ошондой эле лицензиялар качан жана ким тарабынын берилгени тизмектелген.

Компаниянын жетекчиси: Кытай жараны Сюй Говей;

Негиздөөчүсү: "Компания Чайна голд Гонконг бучук майнинг компи лимитед".

Zhong Ji Mining Company кытай-кыргыз компаниясына төмөндөгүдөй лицензиялар берилген:

Вице-премьер-министр КР Жениш Разаков на заседании Совета по судебной реформе
© Пресс-служба президента КР / Султан Досалиев
№ 2387 АР лицензиясы — Солтон-Сары кенинин Бучук аймагында геологиялык чалгындоо иштерин жүргүзүү үчүн 2009-жылдын 20-декабрында 2020-жылдын 2-февралына чейинки мөөнөткө берилген.

Биринчи лицензия Геология жана минералдык ресурстар боюнча мамлекеттик агенттиктин директору Капар Курманалиев тарабынан берилген.

Кийин 2011-жылы Замирбек Эсенаманов, 2014-жылы Дүйшөнбек Зилалиев берген. Акыркы уруксат кагазын 2018-жылы 9-февралда Сапар Исаковдун тушундагы өкмөттөн алышканы белгиленет.

Алтын казыла турган жердин аянты 1500 гектар, жалпы төлөмдөр 211,9 миллион сомду түзөт.

3228 АЕ лицензиясы — 2013-жылдын февралында Солтон-Сары кенинин Бучук участкасынан алтын казууга 20 жылга уруксат берилген. Анда лицензияны Геология жана суу ресурстары боюнча мамлекеттик агенттиктин башчысы Ишимбай Чунуевден алышкан.

Жердин аянты 44,07 гектар, алтындын көлөмү 12 тоннаны түзөт.

Ошол эле учурда 745 миң доллар бонус төлөнгөн.

2015-жылы компания кайра каттоодон өткөн.

2019-жылы 1,3 тонна алтын казуу мерчемделген, кийинки жылкы пландар 2,1 тоннаны түзөт.

2015-жылдан 2019-жылга чейин компания төлөм жана кайрымдуулук катары 37,2 миллион сом которгон.

Бүгүнкү күндө компаниянын жол, фабрика куруу объектилеринде 473 адам эмгектенүүдө, алардын 301и — кыргызстандык, 126сы — субподрядчы, ал эми 172си — кытай жарандары.

“Компаниянын ишмердүүлүгү тууралуу калк карасында түшүндүрүү иштерин жүргүзүү үчүн 2018-жылы мамлекеттик органдар Эмгекчил жана Миң-Булак айылдарынын тургундары менен бир нече ирет жолугушуу өткөргөн”, — деп айтылат маалыматта.

Ал жолугушууларда компаниянын убактылуу пайдаланып туруусу үчүн 956,1 гектар жерди бөлүп берүү тууралуу протоколдор түзүлгөн. Дал ушул чечимдердин негизинде мамлекеттик органдар жер тилкелерин убактылуу колдонуу укугун тастыктаган күбөлүк берген.

Белгилей кетсек, 5-август күнү Zhong Ji Mining компаниясынын кызматкерлери менен жергиликтүү тургундардын ортосунда жаңжал чыгып, тараптар бири-бирин ташка алган. Натыйжада чатактан жабыркагандардын саны 40ка чамалап барган

Жергиликтүү эл кытай компаниясынын алтын казуусуна каршы болушууда.

Белгилер:
лицензия, компания, казуу, кен, алтын, Солтон-Сары жайлоосу
Тема:
Солтон-Сарыдагы кытай компаниясында августта чыккан чыр (19)
Тема боюнча
Министрлик Солтон-Сарыдагы окуядан канча киши жабыркаганын айтты
Экономика илимдеринин доктору, профессор Төлөнбек Абдыров

Абдыров: ишкерлер ЕАЭБдин мүмкүнчүлүктөрүн колдоно албай жатышат

(жаңыланган 11:33 19.04.2021)
Экономика илимдеринин доктору, профессор Төлөнбек Абдыров өлкөдө өндүрүш ишканалары дээрлик иштебей жатканын белгиледи.
Абдыров: ишкерлер ЕАЭБдин мүмкүнчүлүктөрүн колдоно албай жатышат

Эгемендүүлүк алган жылдары өлкө экономикасында секирик жасай турган кадамдар жасалган жок. Бул тууралуу Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, 30 жылдын ичинде курулуш жана тейлөө тармагы гана көтөрүлгөн.

"Соңку 30 жылдын ичинде өлкөдө экономикалык секирик кыла турган кадамдарды жасай алган жокпуз. Эгемендүүлүк алган алгачкы жылдарда экономиканын структурасында айыл чарба тармагы 36 пайыз, өндүрүш 27 пайыз, курулуш сегиз жана тейлөө тармагы 33 пайызды түзчү. Кийин айыл чарба 12 пайызга түшүп калган. Ортодогу айырмачылык дээрлик 24 пайыз. Учурда өндүрүш 18 пайызды түзгөнү менен анын ичине Кумтөр да кирет. Өлкөдө салыштырмалуу жакшыраак абалда иштеп жаткан жалгыз гана тейлөө тармагы болуп калды. Пандемия учурунда бул багыт да аксап, бюджетке 30 миллиард сомдун тегерегинде каражат түшкөн жок. Бул дароо ички экономикага терс таасирин тийгизди. Ошондуктан биз ЕАЭБдин потенциалын колдонушубуз керек, бирок атаандаштыкка туруштук бере албай жатабыз. Себеби ишкерлерге жакшы мүмкүнчүлүктөр түзүлбөй, бизнеске колдоо жок. Азыркы бийлик бул багытта бир катар чечимдерди кабыл алууда, алар өз натыйжасын берет деген үмүттөмүн", — деди Абдыров.

Ошондой эле ал пандемиядан көптөгөн өлкөлөрдүн экономикасы жабыр тартканын айтып, бирок аларда инновация өнүккөндүктөн анча кооптуу жагдай жаралбаганын кошумчалады.

Белгилер:
Төлөнбек Абдыров, Евразиялык экономикалык биримдик, пандемия, айыл чарба, экономика
Тема:
ЕАЭБдеги Кыргызстан
Тема боюнча
Кыргызстандык мигранттар январь менен февралда канча акча которду
Мунай платформасы. Архив

ЖМК: дүйнө жүзү боюнча кампаларда топтолгон мунай запасы түгөндү

(жаңыланган 10:12 19.04.2021)
Маалыматка караганда, запас учурда бир гана Кытайда калды. Алар мунайды нефть иштетүүчү жаңы ишканалар үчүн сактап турат.

БИШКЕК, 19-апр. — Sputnik. Пандемия учурунда суроо-талаптын азайышынан улам кампаларда топтолуп калган мунай запасы дээрлик түгөндү. Бул тууралуу Эл аралык энергетика агенттигине шилтеме берип РИА Новости жазды.

Маалыматка караганда, запас учурда бир гана Кытайда калды. Алар мунайды нефть иштетүүчү жаңы ишканалар үчүн сактап турат.

"Февраль айында дүйнө жүзү боюнча топтолгон мунайдын бештен бир бөлүгү гана калган. Андан бери дагы азайды. Калыбына келип жаткан дүйнөлүк экономикада күйүүчү майга суроо-талап өтө жогору болуп жатат", — деп айтылат кабарда.

Өткөн аптада Эл аралык энергетика агенттиги мунайга болгон баа дагы беш пайызга өскөнүн айткан.

Дүйнөлүк рыноктогу баалар Кыргызстанга дагы таасирин тийгизүүдө. Буга чейин Нефтетрейдерлер ассоциациясы Кыргызстанда күйүүчү майдын баасы дагы көтөрүлүп, апрель айында бензин алты пайызга, дизель майы тогуз пайызга кымбаттай турганы күтүлүп жатканын айткан.

Белгилер:
запас, баа, нефть, дүйнө
Тема боюнча
Кыргызстанда акыркы үч күндө бензин дагы кымбаттады
Россияга өтө кымбат мунай пайдалуу эмес. Абалга сереп
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:19 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн