Алтын. Архивдик сүрөт

Улуттук банктагы алтын көбөйүп, көлөмү рекорд койду

349
(жаңыланган 10:15 14.08.2019)
Өткөн айга салыштырмалуу резервдеги акча 26 миллион долларга өскөн.

БИШКЕК, 14-авг.— Sputnik. КыргызстандынУлуттук банкынын алтын запасынын наркы июль айынын акыркы күнүнө карата 2 миллиард 271, 3 миллион долларды түздү. Бул туурасында аталган мекеменин маалымат кызматы кабарлады.

Бул 2002-жылдан берки рекорддук көрсөткүч. Дал ушул убакыттан тарта бардык маалыматтар ачык, жеткиликтүү боло баштаган.

Мурдагы рекорд 2014-жылдын июль айында коюлган. Анда резервдеги акча 8,3 миллион долларга аз болчу. Июнь айынын акыркы күндөрүнө салыштырмалуу алтын менен валюта 26 миллион долларга өскөн.

Алтын валюта запасы (эл аралык валюта резерви) Улуттук банкка сомдун курсун кармап турууга мүмкүнчүлүк берет. Резерв ондон ашык валютадан жана алтындан турат.

349
Белгилер:
акча, резерв, Улуттук банк, Кыргызстан
Тема боюнча
Кыргызстандын кайсы аймагы алтынга бай. Карта