Дары дармек. Архивдик сүрөт

Рак менен ооругандардын дары-дармегин оңой сатып алуу жолу каралууда

202
Аймактарда алдын ала жүргүзүлгөн мониторингде ооруну басаңдатуучу дары каражаттарынын жеткиликтүүлүгү боюнча бир канча маселе аныкталган.

БИШКЕК, 14-авг. — Sputnik. Вице-премьер Алтынай Өмүрбекова онкологиялык илдетке чалдыккандар, паллиативдик жардамга муктаждар үчүн ооруну басаңдатуучу дары-дармектин жеткиликтүүлүгүн жогорулатуу боюнча иш-чаралардын планын иштеп чыгуу тууралуу жыйын өткөрдү. Бул тууралуу өкмөттүн маалымат кызматы билдирди.

"Залалдуу шишик дартына кабылгандардын ар бири эле дарыканадан татаал механизмге же наркынын жогору болушуна байланыштуу ооруну басаңдатуучу дары каражаттарын ала албайт. Ошондуктан алыскы аймактарда жашагандарга райондун же облустун борборуна барууга туура келет", – деди вице-премьер.

Жыйындын жүрүшүндө укук коргоо органдарынын текшерүүлөрүнөн корккондуктан, колдонулган каражаттарды жок кылуунун жол-жобосу, рецептти толтуруунун жана башка процедуралардын татаалдыгына байланыштуу фармацевтикалык компаниялар мындай каражаттарды дарыканаларынан сатууга ашыкпай турганы айтылды. Ошондуктан ооруну басаңдатуучу каражаттарды көзөмөлдөө боюнча нормативдик-укуктук актыларды жакшыртуу зарыл.

Аймактарда алдын ала жүргүзүлгөн мониторингде ооруну басаңдатуучу дары каражаттарынын жеткиликтүүлүгү боюнча бир канча маселе аныкталган. Мында дарыканалардын жоктугу кырдаалды курчутат, көпчүлүк дарыгерлер укук коргоо органдарынын суроосун жаратпаш үчүн аталган багытта иш алып баргысы келбейт.

Өмүрбекова мындай дары-дармектерге жарандардын жеткиликтүүлүгүн жакшыртуу боюнча фармацевтикалык компаниялар менен айыл жергесиндеги жана алыскы аймактардагы дарыканалардын санын көбөйтүү, аларга тийиштүү шарттарды түзүү боюнча иштөө тапшырмасын берди.

Мындан тышкары, ооруну басаңдатуучу дарыларды саткан юридикалык жактардын маселелерин чечүү жана онкологиялык, наркотикалык дары-дармектерди аккредитациядан өткөн эл аралык уюмдардан сатып алуу маселелерин чечүү милдеттендирилди.

202
Белгилер:
Алтынай Өмүрбекова, дары-дармек, онкология, өкмөт
Тема боюнча
Дарысы эркектин бел суусуна таасир этет. Кызыл жүгүрүк дарты тууралуу маек
Мастопатияны жакшы дарылаңыз! Эмчек рагынын белгилери, себеби, алдын алуу жолдору
Рак болгон балдардын ата-энелери: онколог Макимбетовду үй камагына чыгаргылачы!
Коронавируска чалдыккан бейтапты кароо. Архивдик сүрөт

Боронов: COVID менен күрөшкөн медиктер 72 миң сомго чейин кошумча акы алат

32
(жаңыланган 14:55 07.07.2020)
Өкмөт башчы "Медицина кызматкеринин статусу жөнүндө" мыйзамына өзгөртүүлөрдү киргизүү тууралуу" мыйзамга кол койгон. Өкмөт эми бул мыйзамды ишке ашыруунун аракетин көрө баштады.

БИШКЕК, 7-июл. — Sputnik. Саламаттык сактоо мекемелеринде иштеген медиктердин айлык маянасына кошумча төлөмдүн өлчөмү 25-30 пайызга көбөйтүлөт. Бул тууралуу премьер-министр Кубатбек Боронов брифинг учурунда маалымдады.

Анын айтымында, өкмөт башчы "Медицина кызматкеринин статусу жөнүндө" мыйзамына өзгөртүүлөрдү киргизүү тууралуу" мыйзамга кол койгон. Өкмөт эми бул мыйзамды ишке ашыруунун аракетин көрө баштады.

Аймактарда Бишкектегидей көрүнүш кайталанбасын! Бороновдун тапшырмалары

"Медицина кызматкерлерине жана медициналык мекемелерде иштеп жаткан башка адистерге төлөнүп келе жаткан айлык маяналарына кошумча төлөмдүн өлчөмү категорияга жараша 25-30 пайызга көбөйтүлөт. Мисалы, буга чейин инфекциялык бөлүмдөрдө, реанимацияда, вирусологиялык лабораторияда, обсервацияларда жана мобилдик топтордо иштеп жаткан дарыгерге бир күнгө 2300 сом төлөнсө, азыр 3000 сом төлөп берүү сунушталып жатат. Ошондой эле буга чейин дарыгерлер бир айда 14 күн изоляцияда болсо, эми аны жети күнгө кыскартуу сунушу киргизилди. Бирок изоляцияда болгон күндөрүнө мурунку эле бекитилген тартиптей күнүнө 900 сомдон төлөнөт. Ошондо жогорку категориядагы дарыгер 29 күн үчүн жалпы 72 миң сомго чейин кошумча акы ала баштайт", — деди Боронов.

Өкмөт башчы буга чейин жогорку категориядагы дарыгерлер 47 миң сомго чейин кошумча акы алып жатканын кошумчалады.

32
Белгилер:
кошумча акы, медик, брифинг, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Екатеринбургдан кайткан мекендештер менен чогуу медиктер да келди. Сүрөт
Россиядагы кыргызстандык медиктер Бишкекке келди. Сүрөт
Бир миң сомдук купюралар. Архив

Жыл башынан бери мамлекеттик карызды төлөөгө канча акча жумшалды

56
(жаңыланган 08:47 07.07.2020)
7 миллиард 608,3 миллион сом сырткы карызга кетсе, калган 8 миллиард 363,8 миллион сом ички бересеге төлөнгөн.

БИШКЕК, 7-июл. — Sputnik. Кыргызстан 2020-жылдын алты айында карыздарды тейлөө үчүн 16 миллиард сомго жакын акча жумшады. Бул тууралуу Финансы министрлигинен билдиришти.

Маалыматка ылайык, үстүбүздөгү жылдын биринчи жарымында мамлекеттик карызды тейлөөгө республикалык бюджеттен 15 миллиард 972 миллион сомдон ашык каражат кеткен. Анын 7 миллиард 608,3 миллион сому сырткы карызга кетсе, калган 8 миллиард 363,8 миллион сом ички карызга жумшалган.

Кыргызстан жеке тараптарга насыя берүү үчүн карыз алмай болду

2020-жылы карыз төлөөгө жалпы 32 миллиард 821,2 миллион сом каралган.

Мамлекеттик карыз — өлкөнүн насыялык макулдашуусу боюнча же башка карыздык милдеттенмелери, ички жана тышкы мамлекеттик карызынын жалпы суммасы.

56
Белгилер:
Финансы министрлиги, карыз, Кыргызстан
Тема боюнча
Кычкылтек концентраторун сатып алууга өлкө казынасынан 50 млн сом бөлүндү
Премьер-министр Кубатбек Боронов. Архивдик сурөт

Силерсиз ооруну жеңе албайбыз! Боронов медициналык билими барларды ишке чакырды

0
(жаңыланган 15:21 07.07.2020)
Өкмөт башчы Саламаттык сактоо министрлигине кыска убакытта адистерди даярдоо боюнча тапшырма бергендигин жана Россиядан дагы 50 кыргыз дарыгери келе тургандыгын айтты.

БИШКЕК, 7-июл. — Sputnik. Өкмөт башчы Кубатбек Боронов брифинг учурунда дарыгерлер менен медайымдардын жетишпей жатканын айтып, медициналык билими барларды ишке чакырды.

Анын айтымында, бейтаптар үчүн даярдалган орундар медицина кызматкерлеринин тартыш болгондугунан улам ачылбай турат.

Боронов: COVID менен күрөшкөн медиктер 72 миң сомго чейин кошумча акы алат

"Бүгүн медицина тармагындагы кадр маселесин чечүүгө аракет кылып жатабыз. Бейтаптар үчүн билим берүү мекемелеринде 750гө жакын орундук даярдалган. Тилекке каршы, ак халатчандардын жетишсиздигинен улам аларды ишке бере албай жатабыз. Азыр көпчүлүк медициналык жайларда дарыгерлер тартыш болууда. Бардык дарыгерлер менен медайымдарды жумушка чакырам. Азыр пульмонолог, терапевт, реаниматолог, кардиолог, инфекционисттер өтө керек. Айлык акы категорияларына жараша 70 000 сомго чейин төлөнүп берилет. Биз силерсиз пандемиядан арылып, адамдардын өмүрүн сактай албайбыз", — деди Боронов.

Премьер-министр ошондой эле Саламаттык сактоо министрлигине кыска убакытта адистерди даярдоо боюнча тапшырма бергендигин жана Россиядан дагы 50 кыргыз дарыгери келе тургандыгын кошумчалады.

"Медициналык билими барларды ишке чакырам. Андай адамдар болсо, Саламаттык сактоо министрлигине кайрылгыла. Бир айбы же бир жылбы, айтор, эмгек келишими түзүлүп, иштеген акысы төлөнүп берилет", — деди өкмөт башчы.

Өлкө аймагындагы соңку кабарлар менен биздин Telegram-каналдан таанышып

0
Белгилер:
медик, брифинг, Кубатбек Боронов, коронавирус, Кыргызстан
Тема боюнча
Биз болбосок ким?! Жетекчи спортчуларды COVID менен күрөшүүгө жардамга чакырды
Финпол бааны жогорулаткан фарм-компаниянын жетекчилерине иш козгоду
Кычкылтек концентратору деген эмне, кандай максатта пайдаланылат? Түшүндүрмө