Фемида айкели. Архив

Кыргызстан эл аралык сотто канадалык компанияга утулду. Төлөнчү акча

184
(жаңыланган 14:02 23.08.2019)
Канадалык Stans Energy Corp компаниясы былтыр Кыргызстанды 304 миллион доллар доого жыккысы келип, сотко кайрылган.

БИШКЕК, 23-авг. — Sputnik. Эл аралык арбитраж Stans Energy Corp жана Kutesay Mining LLC компанияларынын Кыргызстанга карата жалпы доо арызынын алты пайызын гана канааттандырды. Бул тууралуу кыргыз өкмөтүнүн маалымат кызматынан билдиришти.

Буга чейин Bloomberg басылмасы канадалык Stans Energy Corp компаниясы кыргыз өкмөтүн соттон 24 миллион долларга утуп алганын жазган.

Эскерте кетсек, 2015-жылы аталган эки компания кыргыз бийлигинин 2013-2014-жылдар аралыгындагы "Кутессай-II" жана "Калесай" кендерин иштетүүгө берилген лицензияны токтотууга байланыштуу мыйзамсыз делген аракеттеринин натыйжасында келтирилген зыяндын ордун толтуруу талабы менен эл аралык арбитраждык процессти демилгелеген.

2018-жылдын апрелине карата доогерлер тарабынан белгиленген талаптар пайызын эске алуу менен дооланган каражаттын көлөмү 304,23 миллион долларды түзгөн.

Ал эми 2019-жылдын 20-августунда арбитраждык трибунал чечим чыгарган. Ага ылайык, доо талаптарынын суммасынан 6 пайызга жакыны канааттандырылды.

"Тагыраагы, 15 миллион доллар жана 2014-жылдан берки 5 пайыздык үстөгүн Кыргызстан төлөп бериши керек. Мындан тышкары, арбитраж доогерлердин пайдасына соттук чыгымдарынын үчтөн экисин (4 миллион долларга чукул) кыргыз өкмөтүнүн мойнуна жүктөдү", — деп айтылат билдирүүдө.

Арбитраждык чечим боюнча маалымат жарыяланган соң, Stans Energy Corp компаниясынын Торонто биржа фондундагы акцияларынын баасы 70 пайызга төмөндөп кеткен.

Учурда өкмөт менен анын юридикалык консультанттары (King & Wood Mallesons компаниясы) мындан аркы аракеттердин стратегиясын иштеп чыгуу үчүн арбитраждык чечимди талдап жатышат.

Ошону менен катар кыргыз тарап "Кутессай-II" жана "Калесай" кендерин иштетүү укугу доогерлер тарабынан кызмат адамдарын паралоо жана паранын суммасын оффшордук компаниялардын эсеби аркылуу "АзияУниверсал Банк" ААКга легалдаштыруу аркылуу алган деген жүйөнү карманууда.

Мунун негизинде Кыргызстан арбитраждык чечимди таанууга жана аткарууга каршы турууга ниеттенип жатат.

Белгилей кетсек, кыргыз тарапка каршы аталган компаниялардын доо арызы боюнча Канадада жана Россияда көп жылдардан бери соттошуулар болуп келген. Процесстер 2015-2017-жылдары Кыргызстандын пайдасына аяктаган. Тагыраагы, Москва өнөр жай палатасынын Stans Energy Corp менен Kutеsay Mining ЖЧКсына 118 миллион доллар төлөп берүүсү боюнча чыккан чечими жокко чыгарылган.

184
Белгилер:
чечим, сот, өкмөт, Канада, Кыргызстан
Тема боюнча
Мамлекет акчаны эмнеге коротот? Бюджеттик каражаттын сарпталышы сүрөттө
Табло курса доллара, евро, рубля и тенге на обменном бюро в Бишкеке

Ката кеткен. Акча алмаштыруу жайларын жабуу мыйзам долбоору ЖКга киргизилди

56
(жаңыланган 13:23 04.06.2020)
Мыйзам долбоору үстүбүздөгү жылдын апрель айында коомдук талкууга коюлуп, бир топ сын-пикирлерди жараткан.

БИШКЕК, 4-июн. — Sputnik. Кыргызстандагы акча алмаштыруу жайларын жабуу боюнча мыйзам долбоору Жогорку Кеңештин кароосуна киргизилди. Бул тууралуу парламенттин сайтында жарыяланды.

Сурамжылоо

Акча алмаштыруу бюролорун жабуу демилгесин колдойсузбу?
  • Жабыш керек! Акча алмаштыруу жайларын банктарга салыштырмалуу көзөмөлдөө оор
    0% (0)
  • Мен каршымын. Валюта рыногунда атаандаштык болушу керек
    0% (0)
  • Азыр ишсиз отургандар ансыз да көп. Дагы башкаларды жумушсуз калтыруунун эмне кереги бар?
    0% (0)
  • Мага баары бир, менин киреше-чыгашамдын бардыгы сом менен
    0% (0)
Добуш бергендер:
Аталган документ үстүбүздөгү жылдын апрель айында коомдук талкууга коюлган. Мыйзамды демилгелеген депутаттар менчик бюролор операциялар тууралуу маалыматты жашырып, валюта курсун негизсиз жогорулатып, мындай аракети менен сомдун кунун кетирет деген жүйө келтирген.

Долбоордун негиздемесинде 2015-жылы Улуттук банк акча алмаштыруу жайларын жабууга аракет кылып, бирок коомдук талкуу учурунда колдоо таппай калганы жазылган.

"Акча алмаштыруу операцияларын банктар, кредиттик союздар, чакан финансылык жана кредиттик компаниялар гана жүргүзүшү сунушталууда. Бул улуттук валюта рыногунун коопсуздугун, валюта операцияларынын ачык-айкындуулугун камсыздоого жана көбүрөөк салык түшүшүнө шарт түзөт", — деп жазылган мыйзам долбоорунда.

Документтеги ката

Деген менен мыйзам долбоорунун расмий тилде жазылган негиздемесинде ката кетип калган. Мүмкүн болуучу терс кесепеттердин болжолу бөлүмүндө "Мыйзам долбоорду кабыл алуу "Медицина кызматкерлеринин макамы жөнүндө" КР мыйзамдарына өзгөрүтүүлөрдү киргизүү" терс кесепеттерди алып келбейт" деп жазылып турат. Чынында бул мыйзам валюта рыногуна эмес, медицина тармагына тиешелүү.

Ал эми жөндөө таасирин талдоо жөнүндө маалыматында "Мыйзам долбоору жөндөө таасирине талдоо жүргүзүүнү талап кылбайт, себеби ал ишкердик ишти жөнгө салууга багытталган эмес" деп жазылган.

Законопроект о закрытии обменных пунктов в Кыргызстане
скриншот с сайта Жогорку Кенеша
Акча алмаштыруу жайларын жабуу боюнча мыйзам

Мыйзам долбоорун депутаттар Гүлшат Асылбаева, Алиярбек Абжалиев, Салайдин Айдаров, Искендер Гайпкулов, Пархат Тулендыбаев, Айнура Осмонова, Экмат Байбакпаев сунуштаган. Негизги демилгечиси Гүлшат Асылбаева.

56
Белгилер:
Жогорку Кеңеш, депутат, мыйзам, акча алмаштыруу жайы
Тема боюнча
Акча алмаштыруу жайларын жабуу мыйзамы боюнча Улуттук банк комментарий берди
Жалаа жаппасын! Акча алмаштыруу жайлары мыйзам жазган депутаттарга жооп берди
Унаага бензин куюп жаткан адам. Архив

Бишкекте аткезчилик менен алып келинген бензинди сатуу эмнеге токтобойт? Жооп

162
Бишкек шаарынын чет-жакасында бензинди күйүүчү май саткан атайын жайларда эмес, ар кайсы жерлерде желим идиштерге куюп саткан учурлар кездешет.

БИШКЕК, 3-июн. — Sputnik. Аткезчилик менен алып келинген күйүүчү майды Бишкек шаарынын тегерек-четинде сатууга эмнеге бөгөт коюлбайт. Бул суроо менен Жогорку Кеңештин депутаты Дастан Бекешев Экономикалык кылмыштуулук менен күрөшүү боюнча кызматтын төрагасынын (Финпол) орун басары Сагынбек Абдылдаевге кайрылды.

Аткаминер бүгүн парламентке "Экономикалык кылмыштуулук менен күрөшүү чөйрөсүндөгү ыйгарым укуктуу орган жөнүндөгү Кыргыз Республикасынын мыйзамына өзгөртүү киргизүү" боюнча мыйзам долбоору тууралуу суроолорго жооп берүүгө келген.

"Биз күн сайын күйүүчү майды мыйзамсыз соодалагандар боюнча фактыларды аныктап жатабыз. Бирок товарды алуу жана кандай чара көрүү чечимин сот кабыл алат. Бул боюнча айып пулду жогорулатуу боюнча сунуш кылганбыз. Анткени аларга айып салынат, бирок эртеси күнү эле башка жакка туруп сата беришет", — деди Абдылдаев.

Депутат ошондой эле алардан тартып алынган күйүүчү майдын андан аркы тагдырына кызыкты. Финансы полициясынын орун басарынын айтымында, товарды сот аткаруучулар соттун чечими менен сатышат.

162
Белгилер:
аткезчилик, Күйүүчү май, Дастан Бекешев, Бишкек
Тема боюнча
Тажикстанга 3,4 млн. сомдук дары, арак алып бараткан кыргызстандык кармалды
Эл аралык Манас аэропортунда учак. Архив

15-июндан тарта тышкы каттамдар жанданат. Кайсы компаниялар учууга макулдук берди

7
(жаңыланган 13:44 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

7
Белгилер:
авиакомпания, коронавирус, алгоритм, учак, каттам, Курманбек Акышев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр: Бишкек — Оштун ортосунда авиакаттам жумасына бир эле жолу болот
РФ элчилиги "Кант" базасынын аймагы Россияга өтөт деген кабарды төгүндөдү