Акча. Архивдик сүрөт

Өлкө жыл башынан бери 16,2 млрд. сомдук карыздан кутулду

814
(жаңыланган 11:52 09.09.2019)
Мамлекеттик карыздын көлөмү 4 миллиард 453,86 миллион долларга жетет.

БИШКЕК, 9-сен. — Sputnik. Кыргызстан сегиз айдын аралыгында мамлекеттик карыздын 16 миллиард 204 миллион сомунан кутулду. Бул тууралуу Финансы министрлигинен билдиришти.

Тагыраак айтканда, үстүбүздөгү жылдын январь-август айлары аралыгында республикалык бюджеттен мамлекеттин тышкы карызын төлөөгө 8 миллиард 398,5 миллион сом бөлүнгөн. Ички карыздын суммасын азайтуу үчүн 7 миллиард 805,5 миллион сом жумшалган.

Ал эми былтыр бир жылдын аралыгында Кыргызстан 23 миллиард 747,7 миллион сомдук карыздан кутулган. Анын 11 миллиард 805 миллиону тышкы карызга, 11 миллиард 942,7 миллиону ички карызга кеткен.

Белгилей кетсек, 2019-жылдын 31-майына берилген маалыматка ылайык, мамлекеттик карыздын көлөмү 4 миллиард 453,86 миллион долларды (311 миллиард 102 миллион сом) түздү. Анын 3,7 миллиарды чет өлкөлөргө жана эл аралык уюмдарга төлөнүп берилет.

814
Белгилер:
бюджет, төлөм, Кыргызстан, карыз
Тема боюнча
Кыргызстан Кытайга канча карыз? Акыркы маалыматтын графиги
Кытайдан алынган насыянын канчасы төлөнгөнү айтылды
Бишкекте ачылган түнкү стационарда кызматкер дары-дармектер менен. Архив

Жээнбеков: Кыргызстанда дары-дармек өндүрүү жолдору каралууда

42
(жаңыланган 17:51 14.07.2020)
Мамлекет башчы өлкөдө дары-дармек тартыштыгын жаратпоо иштери өзгөчө көзөмөлдө болуп жатканын белгилеген.

БИШКЕК, 14-июл. — Sputnik. Учурда Кыргызстандын өзүнөн дары-дармек чыгаруунун жолдору каралууда. Бул туурасында президент Сооронбай Жээнбеков бүгүн Бишкекте ачылган түнкү стационарга барганда билдирди.

Мамлекет башчы өлкөдө дары-дармек тартыштыгын жаратпоо өзгөчө көзөмөлдө турганын белгилеген.

"Ата мекендик фармацевтикалык өндүрүштүн мүмкүнчүлүктөрүн колдонуу жолдору караштырылып жатат. Өкмөткө дары-дармектерди сырттан ташып келүү чараларынан сырткары фармацевтикалык компанияларды дагы колдоо сунушталат", — деген Жээнбеков.

Боронов: Ирандан учак менен дары алып келебиз, бир-эки күндө тартыштык жоюлат.

Бишкек шаарынын мэри Азиз Суракматов күндүзгү тогуз стационардан тышкары калаада дагы эки түнкү стационар ачылып жатканын маалымдаган. Ал жайга чет өлкөлөрдөн ыктыярдуу түрдө келген кыргыз медиктери тартылган.

Өкмөт: кычкылтек концентраторунун маселеси чечилди, саны жетиштүү

Жээнбеков медицина кызматкерлери менен баарлашып, күнү-түнү бейтаптарга жардам көрсөтүп жатышканы үчүн терең ыраазычылык билдирген.

Ошондой эле кесиптик милдеттерин аткарууда ооруп калган дарыгерлерди Ысык-Көлдөгү дарылануучу жайларда реабилитациялоо маселеси каралып жатканын кошумчалады.

42
Белгилер:
стационар, медик, өндүрүүчү, дары-дармек, Сооронбай Жээнбеков
Тема:
Коронавируска байланыштуу Кыргызстандагы кырдаал
Тема боюнча
Боронов: эл издеп жаткан дарыларды катып жаткан эки кампа табылды
Улуттук банктын расмий өкүлү Аида Карабаева

Карабаева: мөөнөтү жылдырылган насыялар жалпы 74,5 млрд. сомду түздү

15
(жаңыланган 15:38 14.07.2020)
Улуттук банктын расмий өкүлү Аида Карабаева банк системасы туруктуу иш алып барып, насыялар берилип жатканын айтты.
Карабаева: мөөнөтү жылдырылган насыялар жалпы 74,5 млрд. сомду түздү

10-июлга карата жалпы суммасы 74,5 миллиард сомдук насыянын мөөнөтү жылдырылган. Учурда эпидемиялык абал жакшырбагандыктан насыя алуучулар жеңилдиктерди алуу үчүн банктарга кайрылса болот. Бул тууралуу Аида Карабаева Sputnik Кыргызстан радиосуна маек куруп жатып билдирди.

Анын айтымында, насыя берүү жыл башынан бери 1,2 пайызга жогорулаган.

Банктарга жана финансы уюмдарына жасалчу инспектордук текшерүү токтотулду.

"Кыргызстанда эпидемия экономикага кедергисин тийгизди. Мындан улам насыя алуучуларга жеңилдик берүү боюнча 18-мартта чечим кабыл алынган. Ага ылайык, насыяны өз убагында төлөй албай калгандарга туум, айыптар салынбайт. Ошондой эле үч айга чейин кредиттик каникул берүү сунушу берилген. Бирок белгиленген убакыт өттү. Ошого карабастан алган насыясын төлөй албагандардын төлөмүн жылдыруу багытында банктар менен иш алып барып жатабыз. 10-июлга карата статистика боюнча кредиттердин жалпы көлөмү 148 миллиард сомду түзсө, анын ичинен төлөө мөөнөтү жылдырылган кредиттердин жалпы көлөмү 74,5 миллиард сомго жетти. Булардын ичинен насыянын кээ бирине негизги суммасы, айрымдарына пайызы, дагы башкаларына экөө тең жылдырылып, ар бир жаранга индивидуалдуу мамиле жасалды", — деди Карабаева.

Ошондой эле ал насыя алуучуларга жеңилдиктер берилип жатканы менен аманаттардын дивиденддери төлөнө берерин кошумчалады.

15
Белгилер:
Аида Карабаева, жеңилдик, эпидемия, насыя, Улуттук банк
Тема боюнча
Беш айда Кыргызстандан чет жакка 163,7 млн. доллар которулду
Президент Сооронбай Жээнбеков. Архив

Өз мезгилинин баатыры. Президент көз жумган студент кыздын бүлөсүнө көңүл айтты

111
(жаңыланган 20:12 14.07.2020)
Мурзабекова Кыргыз мамлекеттик медициналык академиянын дарылоо иши факультетинде 5-курста окучу. Акыркы күндөрү Discoveri мейманканасында уюштурулган убактылуу стационарда ыктыярчы-медайым болуп иштеп жаткан.

БИШКЕК, 14-июл. — Sputnik. Адинай Мурзабекова мекендештери, курсташтары, достору, туугандары жана жакындары, аны тааныгандардын эсинде өз мезгилинин баатыры катары түбөлүккө кала берет. Бул тууралуу президент Сооронбай Жээнбеков маркумдун үй-бүлөсүнө жана жакындарына көңүл айтып жатып билдирди.

Эскерте кетсек, 13-июль күнү күндүзгү стационарда ыктыярчы медайым болуп иштеп жаткан 21 жаштагы студент кыз Адинай Мурзабекова каза болгон. Алдын ала маалымат боюнча, анын пневмониядан көз жумганы айтылды.

Жээнбеков суук кабарды терең кайгыруу менен кабыл алганын белгилеген.

Стационарда иштеп көз жумган студент кыз. Өлүмдүн болжолдуу себеби айтылды

"Медициналык кадрлардын жетишсиздиги ыктыярчыларды, алардын ичинде медициналык факультеттердин жогорку курстарынын студенттерин ишке тартууга мажбур кылды. Жаш болгонуна карабастан, алар улуу кесиптештери менен бир катарда болуп, бүгүнкү күндүн бардык оош-кыйыштарын татыктуу көтөрүп келе жатышат. Тилекке каршы, бүт өмүрү али алдыда болгон жаш адисибизден айрылып отурабыз", — деп өкүнүү менен белгиледи мамлекет башчысы.

Президент Адинай Мурзабекова күч-кубатын, ден соолугун аябастан, өз милдетин кайратмандык менен аткарганын жана калктын саламаттыгын, адам өмүрлөрүн сактап калууга баа жеткис салым кошкондугун белгиледи.

"Адинай Мурзабекова мекендештери, курсташтары, достору, туугандары жана жакындары, аны тааныгандардын эсинде өз мезгилинин баатыры катары түбөлүккө кала берет. Үй-бүлөсүнө терең кайгыруу менен көңүл айтам, орду толгус жоготуунун кайгысын тең бөлүшөм", — деп белгиледи Жээнбеков.

Ал эми Мурзабекова билим алган Медициналык академиянын маалымат кызматы Адинайдын мыкты окуганын белгилеп, өлүмүнүн чоо-жайы такталып жатканын кошумчалады.

111
Белгилер:
көңүл айтуу, президент, пневмония, медицина, стационар, студент
Тема:
Кыргызстандыктарды кыйнаган пневмония
Тема боюнча
Кыргызстанда пневмониядан 45 адам каза болду