Председатель Коллегии Евразийской экономической комиссии Тигран Саркисян выступает на международно-выставочном форуме Евразийская неделя — 2019 в Бишкеке

Саркисян: "Евразия жумалыгы" ЕАЭБдин өнүгүүсү үчүн дем-күч берет

55
(жаңыланган 13:46 25.09.2019)
Бүгүн мамлекеттик "Ала-Арча" резиденциясында "Евразия жумалыгы — 2019" эл аралык көргөзмө форуму башталды. Ага эки миңден ашык адам катышууда. Форумда экономикалык интеграция жана бизнес өнөктөштүк маселелери талкууланат.

БИШКЕК, 25-сен. — Sputnik. Евразия жумалыгы ЕАЭБдин мындан ары өнүгүшүнө жаңы дем берет. Мындай пикирин иш-чаранын пленардык жыйынында Евразиялык экономикалык комиссиясынын төрагасы Тигран Саркисян билдирди.

Анын айтымында, жалпы рынокторду биргеликте ачууга аракет кылуу зарыл.

"Тандап алган темабыз биз күндө кезигип жүргөн маселелерге байланыштуу. Андыктан биздин чөйрөдө иш алып барган адамдарды, тагыраагы, өкмөт өкүлдөрү менен бизнес коомчулуктун өкүлдөрүн чогулттук. Бирге отуруп, жаралып жаткан маселелерди талкуулайлы", — деди Саркисян.

ЕЭК жетекчисинин айтымында, талкуу учурунда долбоорлорду ишке ашыруу үчүн жаңы дем-күч берилет.

Белгилей кетсек, бүгүн мамлекеттик "Ала-Арча" резиденциясында "Евразия жумалыгы — 2019" эл аралык көргөзмө форуму башталды. Ага эки миңден ашык адам катышууда. Форумда экономикалык интеграция жана бизнес өнөктөштүк маселелери талкууланып, 200дөй спикер сөз сүйлөйт.

55
Белгилер:
форум, Тигран Саркисян, Евразия жумалыгы, Бишкек
Тема:
Бишкектеги "Евразия жумалыгы — 2019" форуму (24)
Тема боюнча
Бишкекте Евразия жумалыгы башталды. Ага 2 миңдей киши катышат
Бир миң сомдук купюралар. Архив

Райым Матраимов келтирген зыяндын ордун толтура баштады. 80 млн. сом которулду

7164
(жаңыланган 19:04 20.10.2020)
Жүргүзүлгөн тергөө иш-чараларынын алдын ала жыйынтыгы боюнча, Матраимов бюджетке 2 миллиард сом чыгым келтиргени аныкталды.

БИШКЕК, 20-окт. — Sputnik. Райым Матраимов тергөө менен кызматташа тургандыгын айтып, Кыргызстандын бюджетине келтирген эки миллиард сомду толугу менен атайын түзүлгөн графиктин негизинде 2020-жылдын ноябрь айынын аягына чейин төлөп берүүгө даяр экендигин билдирди. Бул тууралуу УКМКдан кабарлашты.

Маалыматка караганда, Матраимов көрсөтүлгөн сумманын 80 миллион сомун УКМКнын депозиттик эсебине которду.

“Жүргүзүлгөн тергөө иш-чараларынын алдын ала жыйынтыгы боюнча, Матраимов бюджетке 2 миллиард сом чыгым келтиргени аныкталды. Матраимовдун күнөөсүн аныктаган далилдердин негизинде ага Кылмыш-жаза кодексинин 319-беренеси ("Коррупция") боюнча кылмышка шектүү экендиги тууралуу билдирме берилген”, — деп айтылат маалыматта.

Ошондой эле Райым Матраимов тергөө менен кызматташа тургандыгын айтып, Кыргызстандын бюджетине келтирген зыянды, жогоруда айтылган сумманы толугу менен төлөп берерин билдиргени айтылды. Каражат атайын түзүлгөн графиктин негизинде 2020-жылдын ноябрь айынын аягына чейин төлөнмөй болду.

Райым Матраимов фамилиясын өзгөртүп алган. Мамкаттоо чоо-жайын айтты

УКМК бажы органдарындагы коррупциялык схемалардын башка катышуучуларын аныктап, мамлекетке келтирилген чыгымдарды кайтаруу чаралары менен бирге жоопкерчиликке тартуу багытындагы иш-аракеттерин улантат.

7164
Тема:
Райым Матраимовдун кармалышы
Тема боюнча
Райым Матраимов кантип колго түшүрүлдү. Сүрөттөр
Бизнес ассоциацияларынын улуттук биримдигинин төрагасы, экономист Искендер Шаршеев

Шаршеев: ишкерлик боюнча да жаңы көз караштар жаралууда

33
(жаңыланган 13:35 20.10.2020)
Бизнес ассоциацияларынын улуттук биримдигинин төрагасы, экономист Искендер Шаршеев 4-октябрдагы парламенттик шайлоодон кийинки башаламандык учурунда пайда болгон элдик кошуундар тууралуу пикирин билдирди.
Шаршеев: ишкерлик боюнча да жаңы көз караштар жаралууда

Митингдер учурунда өз ыктыяры менен чыгып ишкерликти коргоп берген элдик кошуундардын республика боюнча пайда болушу — бул феноменалдык көрүнүш. Мындай пикирин Искендер Шаршеев Sputnik Кыргызстан радиосунун эфиринде маек куруп жатып билдирди.

Анын айтымында, мезгилдин өтүшү менен бизнес тармагына да жаңы көз караштар жаралып жатат.

"Мурдагы башаламандыктарда көбүнесе чакан жана орто бизнес жабыркаса, бул ирет алар, тескерисинче, киреше тапты. Албетте, бул өз каалоосу менен чыгып аларды коргоп турган элдик кошуундардын аракети менен ишке ашты. Мындай кадам жалпы республикада жасалып, бир нече күн элдик кошуундардын бизнести коргоп бериши чоң үмүт жаратты. Алар деле жөнөкөй эле кыргызстандыктар, биздин катарыбызда жүргөн жаш балдар. Демек, бизнес деп эле талап-тоноп кетпей, алардын өсүшүнө шарт түзүү керектигин түшүнгөн муун өсүп келе жатат десек болот. Бул бир эле кыргызстандыктарды эмес, дүйнө элин таң калтыра турган феномен", — деди Шаршеев.

Экономист бизнесте алдын ала божомолдоо өтө татаал экендигин кошумчалады.

33
Белгилер:
ишкерлик, келечек, элдик кошуун, Искендер Шаршеев
Тема боюнча
Абдыров: акыркы саясий окуялар экономикага терс таасирин тийгизет
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

200
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

200
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы