ЕЭК министри техрегламенттин ишке киришинин создукканына нааразы болду

© Sputnik / Виталий Белоусов / Медиабанкка өтүүНеделя российского бизнеса. День второй
Неделя российского  бизнеса.  День второй  - Sputnik Кыргызстан
Жазылуу
Назаренко мөөнөттү так белгилеп, ишти өз учурунда бүтүрүү сунушу болгону менен өлкөлөр муну каалабай жаткандыгын айтты.

БИШКЕК, 26-сен. — Sputnik. ЕАЭБдин алкагында техникалык 48 регламент кабыл алынып жана 23ү иштелип чыгып, дагы бир катарларынын иши создуктурулуп жатат. Бул тууралуу  Евразиялык экономикалык комиссиянын техникалык маселелерди жөнгө салуу министри Виктор Назаренко айтты.

Ал Бишкек шаарында өтүп жаткан "Евразия жумалыгы — 2019" эл аралык көргөзмө форумунун алкагында өткөн маалымат жыйынында сүйлөдү.

"Биз техникалык 48 регламентти иштеп чыгып, кабыл алдык. График боюнча бекитилген дагы 23ү иштелип жатат. Регламентти даярдап чыгуу өтө жай жүрүүдө", — деген Назаренко дагы бир топ маселелерди санады.

Алардын эң эле биринчиси — өлкөлөрдүн ичинде макулдашуу иштеринин өтө эле кыйын болуп жатышы. Себеби регламент тармактар боюнча, анда продукциялардын көп топтору камтылган. Андыктан өлкөнүн ичиндеги кызыкдар болгон органдардын бардыгы макулдашуу ишине келгенде көп карама-каршылыктар жаралат. Бир позициядан алып иштеп чыгуу абдан кыйындыкка турат. Адатта мындай документтерди иштеп чыгуу өтө узакка созулуп, белгиленген мөөнөттөн өтүп кетип жатат.

Председатель комитета Торгово-промышленной палаты КР, советник министра экономики КР Кубат Рахимов - Sputnik Кыргызстан
Эксперт: ЕАЭБдеги тоскоолдуктарды жоюуда экспорттук потенциалды пайдалануу керек
"Бул айда абалга мониторинг жүргүзүп бүттүк, ишти оңдоп-түздөш үчүн жыйынтыгын премьер-министрлерге көрсөтөбүз. 23 регламент калды, график боюнча дагы 30дан ашуун өзгөрүүлөр бар. Көптөрү аткарыла элек. Бизге ушундай милдеттерди тагып коюшту, эми абалды оңдош үчүн аны кеңешке алып чыгабыз", — деди министр.

Анын айтымында, көптөр жөнгө салуунун улуттук тартибине токтолуу туурасында пикирлерин билдирген.

"Себеби азырынча милдеттүү түрдөгү улуттук талаптарды бекиткен регламент жок. Кээ бир учурларда мындан өлкөлөр пайдаланышат. Тагыраагы, алар улуттук мыйзамдуулукту, улуттук процедураларды сактап жатышат, ал эми регламент ар кыл себептерден улам кармалып жатат. Андыктан биздин милдет  абалды бардык жагынан так идентификация кылып чыгышыбыз керек", — деп кошумчалады ал.

Министр аталган жаатта мөөнөттү так белгилеп, ишти өз учурунда бүтүрүү сунушу болгону менен өлкөлөр муну каалабай жаткандыгын айтты.

25-27-сентябрь күндөрү мамлекеттик "Ала-Арча" резиденциясында "Евразия жумалыгы — 2019" эл аралык көргөзмө форуму өтүп жатат. Ага эки миңден ашык адам катышууда. Форумда экономикалык интеграция жана бизнес өнөктөштүк маселелери талкууланып, 200дөй спикер сөз сүйлөйт.

Виджет news
Жаңылыктар түрмөгү
0