Күнөскана. Архив

Бишкекте нидерланддык ишкерлер экспорт боюнча бизнес-форум өткөрүшөт

110
Нидерланддан келген 14 ири компания айыл чарба багытында иштеген жергиликтүү ишкерлер менен жолуга турганы айтылды.

БИШКЕК, 29-сен. — Sputnik. Борбор калаада нидерланддык ишкерлер бизнес-форум өткөрөт. Бул тууралуу Соода-өнөр жай палатасынан билдиришти.

Маалыматка ылайык, иш-чара 16-октябрь күнү борбор калаада уюштурулат. Анда Нидерланддан келген 14 ири компания айыл чарба багытында иштеген жергиликтүү ишкер, өндүрүшчүлөр менен жолугат. Алар күнөскана, жашылча-жемиш сактоочу жайларды курууну, тоок багууну, эт, сүт азыктарын экспорт кылууну талкуулашат.

Форумдун максаты— эки өлкөнүн ортосунда соода-экономикалык алака түзүү жана кызматташуу.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
110
Белгилер:
ишкердик, форум, бизнес, Кыргызстан
Тема боюнча
Пакыров: IT тармагында потенциалыбыз жогору, бирок адистер жетишсиз
Ишкер инвестор издеп жатканда эмнеге басым жасоо керектигин эксперт айтып берди
Төө буурчак. Архив

Таластын төө буурчагы 28 өлкөгө экспорттолуп, Македонияга чейин жетти

349
Кыргызстандын төө буурчагын көбүнчө Түркия, Сербия, Россия, Болгария жана Македония мамлекеттерине алып кетишет.

БИШКЕК, 30-окт. — Sputnik. Кыргызстандык фермерлер быйыл тогуз айдын аралыгында 28 өлкөгө 38,4 тонна төө буурчак экспорттоду. Бул тууралуу Экономика министрлиги билдирди.

Маалыматка ылайык, жыл сайын өлкөдө өндүрүлгөн төө буурчактын 90 пайызы экспорттолот. Былтыр чет өлкөгө 93,5 тонна, быйыл тогуз айда 38,4 тонна сатылган. Экспорт менен 30 фирма алектенет, Таластын төө буурчагын көбүнчө Түркияга, Сербияга, Россияга, Болгарияга жана Македонияга алып кетишет.

БУУнун Азык-түлүк уюму Айыл чарба министрлигиндеги өзгөрүүлөрдү колдоого даяр

Төө буурчак дыйканчылыктын негизги түрү катары саналган Талас облусунда быйыл 59 миң гектар жерге эгилген, азыркы тапта 89,3 тонна (бир гектарынан 18,4 центнер) түшүм алынды. Өткөн жылы 58 гектар аянтка себилип, 101 525 тонна (бир гектарынан 17,4 центнер) жыйналган.

Чет өлкөлүктөрдүн суроо-талабына арзыган "Лопатка" сортундагы төө буурчактын баасы 80-86 сомду түзөт. Былтыр 53-55 сомго бааланган.

349
Белгилер:
сатуучу, экспорт, төө буурчак, Төө буурчак, Талас облусу
Тема боюнча
Кыргызстан малдын 800 тонна ичеги-карынын чет өлкөгө сатты
Кыргызстандын балын 20дан ашык мамлекет таткан. Тизме
Кыргызстандын тышкы иштер министри Руслан Казакбаев Нур-Султанга болгон иш сапарынын алкагында Казакстандын өкмөт башчысы Аскар Мамин менен жолугушуусу

Жардам суралды. Руслан Казакбаев Казакстандын премьер-министри менен жолукту

219
(жаңыланган 21:44 29.10.2020)
Министр Казакбаев коңшу өлкөдөн Кыргызстандын социалдык-экономикалык абалын эске алып каржылык жардам көрсөтүү мүмкүнчүлүгүн карап чыгууну өтүнгөн.

БИШКЕК, 29-окт. — Sputnik. Өлкөнүн тышкы иштер министри Руслан Казакбаев Нур-Султанга болгон иш сапарынын алкагында Казакстандын өкмөт башчысы Аскар Мамин менен жолукту. Бул тууралуу ТИМдин маалымат кызматы кабарлады.

Коңшу өлкөнүн өкмөт башчысы Казакбаевди тышкы саясат мекемесинин жетекчиси болуп дайындалышы менен куттуктап, ишине ийгиликтерди каалады.

Өз кезегинде КРдин ТИМ башчысы президенттин милдетин аткаруучу, премьер-министр Садыр Жапаровдун атынан салам айтты.

"Ошондой эле ал Кыргызстандагы кырдаал турукташып баштаганын, саясий процесстердин укуктук талаага кайтып келе жатканын айткан. Кыргыз тарап өзүнүн бардык эл аралык милдеттенмелерин жана буга чейин кол коюлган бардык эки жана көп тараптуу эл аралык келишимдердин так аткарылышын камсыздай турганына ишендирди. Мындан тышкары, өкмөт өлкөнүн мыйзамдарына ылайык, казак инвестицияларынын коопсуздугун камсыз кылуу боюнча зарыл чараларды көрөрүн билдирди", — деп айтылат маалыматта.

ТИМ жетекчиси Казакбаев: өлкөдөгү башаламандыкка сырткы күчтөр да аралашты

Сүйлөшүүлөрдүн жүрүшүндө тараптар саясий, соода-экономикалык, суу-энергетикалык, транспорт, логистика жана маданий-гуманитардык чөйрөлөрдөгү кыргыз-казак кызматташтыгынын актуалдуу маселелерин талкуулашкан.

Тараптар өзгөчө көңүлдү COVID-19 пандемиясынын жайылышына каршы күрөшүү маселелерине бурушту.

"Министр Казакбаев казак тарапты өлкөнү дары-дармек жана жеке коргонуу каражаттары менен камсыздоо мүмкүнчүлүгүн сураган. Ошондой эле Кыргызстандын социалдык-экономикалык абалын эске алуу менен өлкөнүн бюджетин колдоо жана азык-түлүк коопсуздугун камсыз кылуу үчүн каржылык жардам көрсөтүү мүмкүнчүлүгүн карап чыгууну өтүндү", — деп айтылат билдирмеде.

Жолугушуунун аягында жакынкы аралыкта эки тараптуу жолугушууларды жогорку деңгээлде өткөрүүнү макулдашты.

219
Белгилер:
экономика, коронавирус, жардам, Руслан Казакбаев, Казакстан, Кыргызстан
Тема боюнча
Министрлер ЕАЭБ менен Кытай кызматташтыгын талкуулайт
Кайсы өлкөлөрдүн жарандары Кыргызстанга кирип-чыга алат? Тизме 
МИС ААКсы имараты. Архивдик сүрөт

Финпол: Акылбек Жапаровго тиешеси бар ишкана салыктан качты деп айыпталууда

0
(жаңыланган 12:39 30.10.2020)
Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы.

БИШКЕК, 30-окт. — Sputnik. Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады. Бул тууралуу Экономикалык кылмыштарга каршы күрөшүү мамлекеттик кызматынан билдиришти.

Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.

  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Финполдун маалыматына караганда, "МИС" ААКсына эки юридикалык тарап ээлик кылат
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.
    © Фото / пресс-служба ГСБЭП
1 / 3
© Фото / пресс-служба ГСБЭП
Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
"Менчигинде 30га чукул өндүрүш, коммерциялык жана айыл чарба багытындагы кыймылсыз мүлкү бар ишкана милдеттүү төлөмдөрдү төлөбөй жүргөн. Ошондой эле акыркы жылдары ири кирешесине карабай нөлдүк отчетторду тапшырып келген. Мунун кесепетинен мамлекетке 90 миллион сомдук чыгым келген", — деп айтылат билдирүүдө.

Вагондорду араалап салышкан. "Кыргыз темир жолунун" бөлүм башчысы кармалды

Ошондой эле Финансы полициясына тиешелүү органдардан келип түшкөн маалыматтарга караганда, аталган компания 2009-жылы этти тазалоо жана үрөн чыгаруу боюнча заводду реконструкциялоо үчүн Финансы министрлигинин алдындагы Экономиканы өнүктүрүү фонду аркылуу 200 миллион сом өлчөмүндө бюджеттик ссуда алган. Аны 2012-жылы төлөп бүтүшү керек болчу.

Бирок Финполдун маалыматына караганда, каражат башка максаттарга колдонулуп, кутулуу мөөнөтү эки ирет жылдырылып, 2025-жылга калтырылган. Андан кутулуу боюнча пайыздарын кыскартып салуу боюнча жеңилдиктер дагы каралган.

Ошондой эле аталган компания университет, жеке мектеп, дүкөн, дарыкана, кампа жана цехтерге ижарага имарат берери кошумчаланган.

Кымырылган 9 млрд. сом: Салык кызматы Финполдун кинеси негизсиз экенин айтты

Учурда иш иликтенип жатат.

Өздүк булактардан билдиришкендей, аталган компанияга EURASIA CAPITAL LIMITED офшордук компаниясы жана ЖК депутаты Акылбек Жапаровдун жубайы Анара Жапарова ээлик кылат.

0
Белгилер:
мыйзам, салык, финансы полициясы, Акылбек Жапаров, Кыргызстан
Тема боюнча
31 млн. сом чыгым. УКМК Ветинспекциянын башчысын кармады