Жолдогу камералар. Архив

"Коопсуз шаардын" II этабын ишке ашырчу кытай компаниясы тууралуу 5 факты

339
(жаңыланган 14:22 08.10.2019)
Тендерди уткан компания 1997-жылы негизделген. Ал Huawei жана Tencent ири ишканалары менен кызматташат. Компаниялар "Акылдуу шаар" өңдүү "негизги маалыматтарга" анализ жасап, кайра иштеп чыгышат.

БИШКЕК, 8-окт. — Sputnik. "Коопсуз шаар" долбоорунун экинчи этабын ишке ашыруу боюнча тендерди кытайлык Shenzhen Sunwin Intelligent Co. Ltd компаниясы жеңип алган. Sputnik Кыргызстан агенттиги компания тууралуу кыскача маалымат топтоду.

Быйылкы жылдын 8-майында "Коопсуз шаар" долбоорунун экинчи этабын ишке ашыруу боюнча тендер жарыяланган. Сынакка үч компания катышкан. Алардын ичинен "Коопсуз шаар" долбоорунун биринчи этабын ишке ашырган россиялык "Вега" компаниясы тендерде 4 миллиард 802 миллион 338 миң сом сураган. "Маалыматтык тутумдардын коопсуздугу" аттуу дагы бир россиялык компания 5 миллиард 67 миллион 794 миң сом сунуштаган. Ал эми кытай компаниясы эң аз бааны — 2 миллиард 654 миллион 558 миң сом сунуштап, тендерди утуп алган.

Долбоордун шартына ылайык, аталган компания өлкөнүн негизги делген жолдоруна 306 камера орнотууга тийиш.

1. Reuters басылмасынын маалыматына ылайык, аталган компания 1997-жылы негизделген. 2010-жылдын январь айында Шэньчжен биржа фондусунан каттоодон өткөн.

2. Компания расмий сайтында өзүн Кытайдагы "Акылдуу шаар" жогорку технологиялык долбоорлорду ишке ашырууда, ошондой эле жасалма жана интеллектуалдык жабдууларды жасоо боюнча алдыңкы ишкана катары көрсөткөн.

3. Shenzhen Sunwin Intelligent Co. Ltd компаниясы Huawei жана Tencent ири ишканалары менен кызматташат. Алар "Акылдуу шаар" өңдүү "негизги маалыматтарга" анализ жасап, кайра иштеп чыгышат.

4. "Коопсуз шаар" долбооруна окшогон биринчи жумушун компания 2003-жылы ишке ашырган. Анда ишкана Шэньчжень шаарына мониторинг кылган интеграцияланган система койгон. Бул система транспорт комплексинин жумушу тууралуу бардык маалыматты бир жерге топтой алат. Алсак, бир учурда эле поезд каттамдарын жана жүргүнчүлөрдүн багытын карап, өзгөчө кырдаалдар болуп кеткен учурда абалды тез көзөмөлгө алат.

5. Shenzhen Sunwin Intelligent Co. Ltd. компаниясынын мүлкү 2-октябрга карата 5 миллиард 734 миллион юанды (803 миллион доллар) түзгөн.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
339
Белгилер:
компания, тендер, Коопсуз шаар, Кытай, Кыргызстан
Тема боюнча
Жаңысы келет. Кытай компаниясы "Коопсуз шаардын" II этабын иштетмекчи
"Коопсуз шаардын" алкагында дагы 306 камера орнотулат. Даректери
Акча санап жаткан аял. Архив

Мэрия: бишкектик ишкерлер июлда 395 миң сом айыпка жыгылды

18
(жаңыланган 10:51 06.08.2020)
Мэриядан билдиришкендей, июль ичинде шаар боюнча санитардык эрежени бузгандардын көпчүлүгү кафе жана тез татым түйүндөрү.

БИШКЕК, 6-авг. – Sputnik. Июль айынын ичинде бишкектик ишкерлер санитардык талаптарды бузгандыгы үчүн 395 миң сомго айыпка жыгылды. Бул тууралуу шаар жетекчилигинен билдиришти.

"Эреже бузгандардын көпчүлүгү кафе жана тез татым түйүндөрү. Ошондой эле ишмердүүлүгүнө уруксат берилбеген, бирок жашыруун иштеп жүргөн компьютердик клубдарда дагы тартип сактабагандык байкалууда", — деп айтылат мэриянын билдирүүсүндө.

Пандемия учурунда коюлган талаптардын сакталышына көз салган Санитардык-экологиялык инспекция иштей баштагандан бери 289 протокол түзүлүп, 1 миллион 287 миң сом айып салынганы айтылат.

"Бишкек асфальттын" жетекчиси жолдогу чуңкур үчүн айыпка жыгылды. Сүрөт

Санитардык-экологиялык инспекциясынын байланыш номерлери:

  • Биринчи май району: 0555 404 818;
  • Свердлов району: 0551 551 745;
  • Октябрь району: 0 500 210 470;
  • Ленин району: 0500 085 580.
18
Белгилер:
пандемия, айып пул, эреже, Бишкек мэриясы, Бишкек
Тема боюнча
Өкмөт "Коопсуз шаардан" түшкөн айып пулга тез жардам унааларын алат
Экономика министрлигинин имараты. Архив

Экономика министрлиги келечекте тоо-кен өнөр жайын басып өтчү тармакты атады

123
Өндүрүштүк көлөмдөгү масштабга ээ болгон инновациялык идеялар ишке ашса, өлкөнүн экономикасына чоң киреше алып келип, капиталдык салымдарды рационалдаштырат, экспорттук мүмкүнчүлүктөрдү жогорулатат.

БИШКЕК, 5-авг. – Sputnik. Экономика министрлиги креативдүү экономиканы өнүктүрүү боюнча концепцияны иштеп чыгууга киришти. Бул тууралуу ведомствонун маалымат кызматынан билдиришти.

Концепция креативдүү индустриянын инновациялык багытын алдыга жылдыруу, өнүктүрүү үчүн укуктук жана экономикалык негиздерди түптөп бериши керек.

Министрликтин маалыматына караганда, Кыргызстандын ички дүң продукциясында креативдүү экономиканын үлүшү 7 пайызды түзөт. Бул тармакка реклама, архитектура, искусство, интерьер дизайны, мода индустриясы, кино индустриясы жана видео өндүрүш, көңүл ачуучу компьютердик программалар жана оюндар, музыка, театралдык искусство, арт-дизайн, көркөм сүрөт исскуствосу, басылма иши, телекөрсөтүү, радио жана башкалар кирет.

Бюджетти толтуруу үчүн ички киреше булактары аныкталууда. Алар кайсылар?

"Өндүрүштүк көлөмдөгү масштабга ээ болгон инновациялык идеялар ишке ашса, өлкөнүн экономикасына чоң киреше алып келип, капиталдык салымдарды рационалдаштырат, экспорттук мүмкүнчүлүктөрдү жогорулатат", — деп айтылат билдирүүдө.

Ошондой эле министрлик креативдүү индустрия сектору келечекте улуттук экономиканын тоо-кен өнөр жайынан жана мигранттардын акча которууларынан көз каранды болуусун жок кылат деген пикирде.

Мындан тышкары, өлкөнүн маданий мурастарынын кайра жаралуусуна жардам берери кошумчаланат.

123
Белгилер:
идея, чыгармачылык, экономика, Кыргызстан
Тема боюнча
COVID-19дун айынан Кыргызстанда майнинг-фермалар эми салык төлөмөкчү
Кыргызстандан чыккан UFC мушкери Валентина Шевченко. Архив

Шевченко Tapology версиясы боюнча эң мыкты 100 мушкердин катарына кирди

0
Жалпысынан рейтингге 224 спортчу киргизилген. Арасында карьерасын эбак жыйынтыктап, бирок эл оозунда айтылып келе жаткандар дагы бар.

БИШКЕК, 6-авг. — Sputnik. Кыргызстандан чыккан UFC мушкери Валентина Шевченко Tapology спорттук басылмасынын версиясы боюнча эң мыкты 100 мушкердин катарына кирди. Толук тизме порталдын сайтына жүктөлдү.

Жаңыртылган маалымат боюнча, Шевченко 58-орунду ээлеп турат. Жалпысынан рейтингге 224 спортчу киргизилген. Арасында карьерасын жыйынтыктаган атактуу спортчулар дагы бар. Аларга бааны ММА сүйүүчүлөрү берген.

Аралаш мушташ тарыхында эң мыкты мушкер деп канадалык Жорж Сен-Пьер табылган. Ал UFC уюмунда эки салмак категория боюнча чемпион болгон. Экинчи сапты учурда орточо оор (93 кг) салмакта бел курду тагынып турган америкалык Жон Жонс ээлеген. Үчүнчүгө мурдагы чемпион, бразилиялык белгилүү мушкер Андерсон Силва илинген.

Төртүнчү орунга UFC уюмундагы чемпиондук наамын бир нече жылдар бою коргоп келип, азыр башка компания менен иштешкен Деметриус Жонсон, ал эми бешинчиге россиялык Федор Емельяненко жайгашкан.

Валентина Шевченконун титулун кантип коргой турганы маалымдалды. Видео

UFC уюмунун учурдагы чемпиону Хабиб Нурмагомедов сегизинчи орунга, анын эзелки атаандашы, мурда эки салмак категориясында бел курду тагынып турган ирландиядык Конор Макгрегор 17-орунга татыган.

Кыз-келиндердин арасында бразилиялык Аманда Нуньес лидер болгон. Ал 20-сапка илинсе, UFC уюмунун аялдар арасындагы алгачкы чемпиону Ронда Роузи 44-орунга жайгашкан.

0
Белгилер:
мушкер, рейтинг, Валентина Шевченко, UFC
Тема боюнча
Шевченко: Нуньес мен көздөгөн акыркы атаандаш