Премьер-министр Мухаммедкалый Абылгазиев Бүткүл дүйнөлүк банктын аймактык директору Лилия Бурунчук менен жолугушту

Өкмөттө Дүйнөлүк банктын 110 млн. долларлык инвестициясы талкууланды

151
(жаңыланган 18:35 08.10.2019)
Абылгазиев Дүйнөлүк банктын КРдин социалдык, экономикалык өнүгүүсүндөгү жана республикадагы жакырчылыктын кыскарышындагы маанилүү ролун белгилеген.

БИШКЕК, 8-окт. — Sputnik. Премьер-министр Мухаммедкалый Абылгазиев Дүйнөлүк банктын Борбор Азия өлкөлөрү боюнча аймактык директору Лилия Бурунчук менен Кыргызстан үчүн бекитилген лимиттеги 110 миллион долларлык кошумча инвестиция тартуу маселесин талкуулады. Бул тууралуу өкмөттүн маалымат кызматынан кабарлашты.

Абылгазиев Дүйнөлүк банктын КРдин социалдык, экономикалык өнүгүүсүндөгү жана республикадагы жакырчылыктын кыскарышындагы маанилүү ролун белгилеген. Андан сырткары, жүргүзүлүп жаткан реформаларды колдогонуна ыраазычылык билдирген.

"Дүйнөлүк банк Кыргызстандын ишенимдүү өнөктөшү. Биз үчүн олуттуу болгон социалдык-экономикалык маселелердин чечилишиндеги жемиштүү кызматташууга ыраазычылык билдиребиз. Өлкөнүн тышкы карызы акыркы үч жылда ИДПга карата 2015-жылдагы 64 пайыздан 34 пайызга чейин кыскарган. Эл аралык резервдер 2014-жылдагы кризистин алдындагы деңгээлден ашып, 2,2 миллиард долларга жетти. Бул көрсөткүч 2018-жылга салыштырмалуу 110,0 миллион долларга көп", — деген премьер-министр.

Абылгазиев Дүйнөлүк банктын Директорлор кеңешинин бекитүүсүнө жолдоо үчүн долбоорлорду тездетүүгө өкмөттүн даяр экендигин билдирди.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
151
Белгилер:
реформа, Мухаммедкалый Абылгазиев, дүйнөлүк банк, Кыргызстан
Тема боюнча
Дүйнөлүк банк Кыргызстанга 46 млн. доллар берет. Акча эмнеге жумшалат?
Донор банктар Кыргызстанда китеп чыгарууга миллиондогон акча которгон
Батареядагы сом купюралары. Иллюстартивдик сүрөт

Бийлик жылуулук менен ысык суунун тарифин көтөрүүнү сунуштап жатат

37
(жаңыланган 12:43 16.06.2021)
Энергетика жана өнөр жай министрлиги жылуулук менен ысык суунун тарифин жыл сайын инфляцияга жараша жогорулатып турууну демилгелөөдө.

БИШКЕК, 16-июн. — Sputnik. Жылуулук менен ысык суунун тарифин 25 пайызга чейин кымбаттатуу сунушталууда. Бул тууралуу Энергетика жана өнөр жай министрлигинен билдиришти.

Аталган ведомство министрлер кабинетинин "2021-2025-жылдарга карата жылуулук энергиясынын орточо тарифин бекитүү" жөнүндөгү токтом долбоорун коомдук талкууга чыгарды. Документтин долбоору өкмөттүн сайтына жарыяланды.

Документте сунушталган калк үчүн тарифтер төмөнкүчө:

  • Жылуулук энергиясы үчүн тариф — бир гигакалориясы 1418,45 сом (азыркы баасы 1 134,76 сом);
  • Ысык суу үчүн тариф — бир гигакалориясы 1 227,2 сом (азыркы баасы 981,76).

Ведомстводон белгилешкендей, жылуулук энергиясы үчүн тарифтер жыл сайын инфляцияга жараша өзгөрүп турат.

Калган колдонуучулар үчүн сунушталып жаткан тариф:

  • Жылуулук энергиясы үчүн тариф — бир гигакалориясы 1 801,89 сом (азыркы баасы 1 695,1 сом);
  • Ысык суу үчүн тариф — бир гигакалориясы 1 801,89 сом (азыркы баасы 1 695,1 сом).
"Көп жылдан бери жылуулук энергиясынын тарифи өз баасынан төмөн коюлуп, жыл сайын акчанын дефицити жаралып келген. Чыгым электр энергиясын сатуудан түшкөн каражат менен жабылып турчу", — дешти ведомстводон.

Белгилей кетсек, Улуттук банктын маалыматы боюнча, Кыргызстандагы жылдык инфляция 10,9 пайызды түздү.

Кыргызстанда электр энергиясынын тарифин дагы жогорулатуу сунушталып жатат.

37
Белгилер:
тариф, электр энергиясы, жылуулук, ысык суу, Кыргызстан
Тема боюнча
Сунушталган 1,09 сомдук тарифти жыл сайын көбөйтүүнү айтышууда. Канчага өсөт?
Өзбекстанда жеке компаниялар электр энергиясын сааттап сата баштайт
Мезгилдүү ысык сууну өчүрүү. Архив

Жакында бишкектиктердин үйүнө ысык суу келет. Алдын ала эмне кылыш керек

30
(жаңыланган 12:40 16.06.2021)
Бир ай бою "Бишкек жылуулук тармагы" ишканасы оңдоп-түзөө, көзөмөл иштерин жүргүзүп, ысык суу өткөн түтүктөрдүн бекемдегин текшерди.

БИШКЕК, 16-июн. — Sputnik. "Бишкек жылуулук тармагы" ишканасы 17-июндан тарта борбор калаадагы көп кабаттуу үйлөргө ысык суу акырындап берилерин айтып, анын алдында батир ээлери эмне кылышы керектигин эскертти.

Ысык сууну бир ай мурда, 17-майда, өчүрүшкөн. Бул аралыкта, тагыраагы, бир ай бою "Бишкек жылуулук тармагы" ишканасы оңдоп-түзөө, көзөмөл иштерин жүргүзүп, ысык суу өткөн түтүктөрдүн бекемдигин текшерди.

Бүгүн, 16-июндан тарта тармактарга суу жүгүртүп, толтуруу иштери башталат. Аталган ишкана суу келер алдында эмне кылыш керектигин видео түрүндө көрсөтүп берди.

Алар суу келер алдында жашоочуларды үйүндөгү крандарды бир ирет текшерип, жаап, суу каптап кетпеш үчүн байкоо салып коюуга чакырды. Суу ысытып колдонгондор орнотулган бактарды өчүрө турушу шарт. Бул тууралуу да айтып беришти.

Эгерде авариялык кырдаал жаралса төмөнкү телефон номерлерине чалуу керектигин эскертишти:

  • Колдонуучулар үчүн иштеген борбор: — (0312) 61-11-69, 1980, (0557) 61-11-66, (0777) 61-11-66, (0701) 61-11-66;
  • Диспетчердик кызмат — 56-85-58;
  • Борбордук райондун көп кабаттуу үйлөрдүн ичинде иштеген системасынын нөөмөттөгү инженерлери — 36-57-19, 30-07-67;
  • Түштүк район боюнча көп кабаттуу үйлөрдүн ичинде иштеген системанын нөөмөттөгү инженерлери — 51-06-22, 21-74-06.
30
Белгилер:
эскертүү, инженер, көп кабаттуу үй, ысык суу, Бишкек
Тема боюнча
Бишкекте ысык суу качан бериле турганы айтылды
Тажикстандын футболчулары Япон футболчулары менен беттеш учурунда

Тажикстандын командасы Дүйнө чемпионатынын тандоо туруна өтпөй калды. Себеби

0
(жаңыланган 13:20 16.06.2021)
Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген.

БИШКЕК, 16-июн. — Sputnik. Тажикстандын футбол боюнча курама командасы 2022-жылы өтө турчу Дүйнө чемпионатынын үчүнчү тандоо раундуна өтпөй калды. Бул тууралуу Тажикстандын Футбол федерациясы кабарлады.

Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген. Үчүнчү раундга сегиз топтун жеңүүчүлөрү чыккан. Ошондой эле аталган раундда экинчи орунду алган мыкты беш команда да ойномок.

"Тажикстандын улуттук курама командасы 2022-жылы өтө турган Дүйнөлүк чемпионаттын тандоо турнирине катышпай калды. Дүйнөлүк чемпионаттын тандоо турунун үчүнчү раундуна чыгып, 2023-жылы өтө турчу Азия кубогуна жолдомо алуу үчүн курама команда үчүн төрт гол жетпей калды", — деп жазылат федерациянын маалыматында.

Кийинки этапка Сирия, Австралия, Иран, Сауд Аравиясы, Япония, БАЭ жана Түштүк Корея чыкты.

Экинчи орунду алган командалардын көрсөткүчтөрү:

  • Кытай — 13 упай;
  • Оман — 12;
  • Ирак — 11;
  • Вьетнам — 11;
  • Ливан — 10 (өз дарбазасына жана атаандашка кирген топтун айырмасы +3);
  • Тажикстан — 10 (өз дарбазасына жана атаандашка кирген топтун айырмасы — 1);
  • Өзбекстан — 9;
  • Кувейт — 8.
0
Белгилер:
тандоо, футбол, дүйнө чемпионаты, Тажикстан
Тема боюнча
КРдин футбол командасы өз тайпасынан экинчиге илинбей калды. Эми эмне болот?