Автоунаалар. Архив

11 эсе көбөйөт! Кыргызстанга кирген автоунаанын бажы төлөмү канча болору айтылды

1068
(жаңыланган 12:29 09.10.2019)
Мамлекеттик бажы кызматы берген схемага таянсак, 2009-жылы чыккан Toyota Camry автоунаасынын бажыдан өткөргөн баасы 1250 доллар (31-декабрь) болсо, 1-январдан тарта 13,6 миң долларга чыгары айтылууда.

БИШКЕК, 9-окт. — Sputnik. Мамлекеттик бажы кызматы 2020-жылдын 1-январынан тарта Кыргызстанга ташып келинген автоунаалардын бажы төлөмү кескин өсөрүн билдирди.

Аталган ведомство 2019-жылдын 31-декабрында транспорт каражаттарына болгон бажы алымдарынын жеңилдиги аяктарын айтты. Бул төрт жыл мурда август айында жеке тараптар үчүн атайын токтом менен бекитилген.

"2020-жылдын 1-январынан тарта Кыргызстанда жеке адамдар үчүн транспорт каражаттарына киргизилген тарифтер күчүнө кирет. Бул Евразия экономикалык комиссиясынын 2017-жылдын 20-декабрындагы чечими менен бекитилген болчу", — деп айтылат маалыматта.

Бажы кызматынын берген маалыматына таянсак, эгерде 2009-жылы чыккан, кыймылдаткычынын көлөмү 2,5 миң куб болгон автоунаа мурда 1 250 доллардан кирип жүрсө, жаңы жылдан тарта 13 600 доллар болот.

Стоимость растаможки Toyota Camry 2009 года до и после 1 января 2020 года
© Фото / пресс-служба ГТС
Стоимость растаможки Toyota Camry 2009 года до и после 1 января 2020 года

Мамлекеттик бажы кызматы чет өлкөлөрдөн автоунаа алып келе турган жеке тараптарды эртерээк камынып, багыттарын аныктап алууну эскертти. Бажы алымдары бажы декларациясын толтурган күн менен төлөнмөкчү.

1068
Белгилер:
кымбаттоо, бажы төлөмү, бажы, Мамлекеттик бажы кызматы, Кыргызстан
Тема боюнча
Кыргызстанга ташылган автоунаалар арбыды. 2018-жылы импорт 3 эсе өскөн
Абылгазиев ЕАЭБдин рыногундагы тоскоолдуктарды жеңүүнүн жолун айтты